Pilulak lelopean, abian da Feministaldiaren XIV. edizioa

  • “Pilulak” du goiburu aurtengo edizioak, zaurgarritasunak mahaigaineratzeko xedearekin. Abenduaren 8an ekin diote jaialdiari, eta hilaren 14ra arte iraungo du.

(Argazkia: Feministaldia)

2019ko abenduaren 11n - 14:15

Feministaldia Kultura Feministaren jaialdiak bere XIV. edizioa du aurtengoa, eta “Pilulak” jarri diote goiburu. Plazandreok-ek antolatutako jaialdia abenduaren 8ko igandetik dator egitarau oparoa eskaintzen, eta abenduaren 14ra artean badago zer entzun eta ikusi.

Pasa den igande eta asteleheneko ekimenak Tabakalerako zine aretoan gauzatu dituzte; datozen egunetan aldiz, Kontadores Gazte Zentroan egingo da jaialdia. “Hiri honek espazio asko eta askotarikoak ditu, eta Feministaldiak hasierako periferia eta bazter izaera hori gogoratuta (Artelekuko urteak besteak beste), aldaketa honen erronkari eutsi dio”, adierazi dute antolatzaileek. “Periferietara” itzultzeko apustua egin dutela jakinarazi dute asteazkenean egindako prentsaurrekoan.

Pilulak

Orain arteko ildoari eutsiz, aurtengo Feministaldiak ere egun kultura feministari lotuta dauden ahots, sorkuntza eta diskurtsoen elkargune izan nahi duela adierazi dute. Hamalaugarren edizio honek badu berezitasunik ordea: “Pilulak” jarri diote goiburutzat.

“Pilulak leloaren barnean, hainbat dira landuko diren gaiak”, azaldu dute antolatzaileek. Gaiok lotura izango dute buru osasunarekin, transexualitatearekin edota prostituzioarekin. Asmoa, adierazi dutenez, zaurgarritasuna mahaigaineratzea da.

Egitarau oparoa osatu dute. Abenduaren 12tik 14ra hitzaldi, performance, mahai inguru, antzerki eta ekintza ugari eskainiko dituzte Kontadoresen. Gonbidatuen artean, berriz, ondokoak: Nancy Garín, Susana Talayero, Leire Aranberri, Ce Quimera, Elena/Urko PostOp, Iraitz Agirre Aranguren, Marta Malo, Irene Arrarats, Sam Fernández, Diego Genderhacker, Sabrina Michelle Sanchez, María Zapata, Marta Plaza eta Susanna Minguell.

Mogambon aretoan egingo den festak itxiko du egitaraua. Larunbatean, 22:00etatik aurrera, La Basu, Folkaraokea eta Sobria&Serena Dj-ek girotuko dute itxialdi jaia.

 


Irakurrienak
Matomo erabiliz
Azoka
Kanal honetatik interesatuko zaizu: Feministaldia
2023-11-28 | Leire Artola Arin
'Gerriya' hasi da, Donostiako XVIII. Feministaldia

Kultura Feminista Jaialdia antolatu dute beste urte batez irailaren 27tik abenduaren 2ra, eta hainbat hitzaldi, tailer eta performance eskainiko dituzte. Gerriya-n jarri dute fokua aurtengoan, azpimarratzeko garaiotan transfeminismotik eta antiarrazakeriatik iraultza egitearen... [+]


2022-11-29 | Leire Artola Arin
XVII. Feministaldian arrastaka doazenen arrastoa goraipatuko dute

Azaroaren 30etik abenduaren 3ra egingo dute kultura feministaren jaialdiko aurtengo edizioa, Donostiako Tabakaleran. Ahoa narras lelopean, egitarau oparoa antolatu dute: hitzaldiak, performanceak, mahai-inguruak, ibilaldiak eta beste eskainiko dituzte 25 bat artista, pentsalari... [+]


2021-11-12 | Leire Artola Arin
Emakumeen* bizitza eta gorputzen "dardara bortitzei” helduko diete XVI. Feministaldian

Sismika leloa hautatu dute aurtengoan Plazandreok antolatzaileek, eta 30 artista, aktibista eta pentsalari baino gehiago egongo dira hitzaldi eta ekitaldietan.


2020-12-15 | Jone Markuleta
Martxan da dagoeneko Feministaldiaren XV. edizioa

Martxan da dagoeneko, kultura feminista jaialdiaren XV.edizioa; aurten, “Kutsatu” lelopean arituko dena, abenduaren 14tik 19rarte,  Donostiako Tabakaleran. 


2019-12-10 | ARGIA
Abian da Feministaldiaren XIV. edizioa

“Pilulak” du goiburu aurtengo edizioak. Abenduaren 8an ekin dioten jaialdiari, eta hilaren 14ra arteko iraungo du.


Eguneraketa berriak daude