Emakumeak borrokan

Hasiera besterik ez?

  • Zorrak kontzertuaren kronika. Saioa, Birkit, Gose, Lorea Argarate, Anari, Mursego, MICE, Ez horregatik musikariak oholtzan. Noiz: Abenduaren 15ean. Non: Donostiako Bukowski tabernan. Feministaldia jaialdiaren itxiera, emanaldi bakarra.

Danele Sarriugarte Mochales @daneleSM
2019ko urtarrilaren 13a

Hamahirugarren edizioa izan du aurten Feministaldiak, kultura feministari buruzko jaialdiak, eta emanaldi berezi eta bakar bat antolatu zuten aste osoko egitaraua ixteko. Taulara igo ziren bederatzi artista, premisa batekin: nork bere zorrak kitatzea.

Beren musika erreferenteak omendu zituzten hala. Besteak beste: Birkitek Aiora Rementeria, Gosek eta Lorea Argaratek Maurizia Aldeiturriaga, Anarik Belako, Mursegok Chavela Vargas, MICEk PJ Harvey. Saioa Garinek ez zuen bertsiorik jo, bere bi kantu baizik, eta akaso publikoarekin kitatu zuen zor bat: 2013tik zegoen jendaurrean jo gabe, eta hori baino geroago ezagutu genuenok irrikaz geunden hura oholtza gainean ikusteko.

Emanaldian bina kantu jo zuten artistek, eta azpimarratu behar da zerbait: amaieran denak elkartu eta batera eman zuten Bizia arnas, hau da, MICEk 2018ko Feministon Herrirako sortu zuen abestia. Eta azpimarratu beharreko beste zerbait: publikoa (ordurako, batez ere), dena emanda. Giroa nabarmendu zuten artistek, eroso bai eroso aritu zirela, eta horixe izango da, orobat, askok oroituko dutena. Ibilian-ibilian indartuko da aldarria…

Baina, zaudete, jakin-minez egongo zarete-eta, nor ote den Ez horregatik. Bada, rap-bikote bat. Kartelean ez zen agertzen eta sorpresaz harrapatu gintuzten halako batean Maddi Gallastegik eta Kattalin Minerrek. Zorrak kitatzeko jaialdia antolatu zuenarekin kitatu nahi zuten zorra, eta, hala, Anariren kantu-pusketekin osatu zituzten bi rap indartsu. Publikoak ondo erantzun zuen, esaldi ezagunak erritmo berrira egokitu orduko oihuka: arrain bat oparituko dizut…

Denetik izan zen, hortaz: ibilbide luzeko musikariak, beste talde batzuetan jo eta bakarka orain hasi direnak, urteak zeramatzatenak kontzerturik eskaini gabe, erabateko hasi berriak, nork bere ibilbidea egina dutenak baina kontzertu honetarako zerbait propio sortu zutenak. Eta denetik entzun genuen: gitarra, elektronikoa, trapa.

Haiek ez zuten ezer aipatu, akaso komentaristaren lana baita hipotesiak botatzea, edo hain ebidente ez diruditen Pelloren egiak. Izan ere, besteak beste, zer erakutsi zuen abenduaren 15ekoak? Bada, badela askotariko emakume musikaririk Euskal Herrian, eta kapaz direla areto bat dantzan jartzeko. Giroa dela batzuetan gakoa.

Anarik, antolatzaile-lanetan ibili baita, mikrofonoan esan zuen zerbaiten hasiera besterik ez zela hura. Eta nik, hemendik, erantzun eta gurari bat eskatuko diot urte berriari: gogoan har dezagula Argaratek soinean zeraman esaldia (Maurizia bizi dela!), eta hau ez dadila izan hasiera bat besterik.

Oharra: Kronika-egileari ere egokitzen zaio tarteka zorrak kitatzea eta huts egindakoak konpontzea. Irakurle zorrotz batek ikusarazi dit: oholtza gaineko artistak aipatu ditut artikuluan, ez ordea oholtzatik kanpo aritu zirenak. Eta gauza jakina da soinu teknikaririk gabe nekez egin daitekeela halako kontzerturik. Mundu maskulinizatua bada ere, Bukowskin, andre bat aritu zen soinu-mahaia gobernatzen: Joar G. Galdeano Aurrekoetxea. Eskerrak eta aitortza hari, ikus-entzuleon belarriak zaintzeagatik. 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Kontzertuak  |  Donostia  |  Feministaldia

Kontzertuak kanaletik interesatuko zaizu...
Frenesi hutsa

Ikuskizun zirraragarria disfrutatu genuen Donostiako Victoria Eugenia Antzokian. Ez zen espero genuena, askoz gehiago eta askoz hobea baizik.

Dantza espektakulu batera gerturatzen garenean bi aukera ditugu buruan: dantza guztiz klasikoa, Petipa edo Fokine koreografoen lanen tankerakoa, edo dantza garaikidea, Maurice Béjart edo Blanca Li dantzariek ordezkatzen dutena. Kasu honetan, ez bata, ez bestea. Dantza fresko eta ulergarria izan genuen taula-gainean. Marco Batti koreografoaren... [+]


2019-04-30 | Markos Zapiain
Bob Dylanentzat nostalgia heriotza da

AEBetako musika betirako eraldatu zuen Bob Dylanek 1960ko hamarkadan eta geroztik bere leienda hazi besterik ez da egin. Iruñean jo zuen joan den ostegunean eta Barakaldon berriz ostiralean. Bigarren kontzertu horren kronika da hau, iraganean iltzatuta geratu ez den artista baten erretratua.


2019-04-09 | Topatu.eus
EHZ festibaleko lehen musika taldeak iragarri dituzte

Iseo & Dodosound, Oihaneko Zühainetan, Gari & Maldanbera, Koban, Broken Brothers Brass Band eta Montauk izango dira ekainaren 28tik 30era Irisarrin eginen duten jaialdia. Sarreren aurresalmenta martxan jarri dute jada, eta gazteei laguntzaile gisa joateko deia egin diete.


Fresko eta arina

Aspalditik badabil Euskadiko Orkestra Sinfonikoa saiakerak egiten herritarrei, oro har, eta gazteei, bereziki, musika klasikoa gerturatzeko. Asmo honekin ziklo berezi bat du orkestrak, Musika Gela izenekoa hain zuzen ere. Gaztetxoei zuzendutako ziklo honetan saio labur eta didaktikoak aurkitzen ditugu, eta bakoitzean musikaren arlo berezi bat eta ikuspuntu konkretu bat lantzen da.

Aldi honetan, nahiz eta egitarau interesgarria ekarri Euskadiko Orkestrak, jende gutxi ikusi genuen Principal... [+]


Bortxaren xarma

Gasteizko Jimmy Jazz aretoa ohi baino ilunago dago, beltz. Olana batek laguntzen du belztasun hori sakontzen. Eszenatoki gaineko fokuek bakarrik argitzen dituzte Vulk-eko taldekideak eta momentu batetik bestera, oholtza, boxeo ring bilakatu da.


2019-03-31 | Andrea Zubozki
Ólafur Arnalds eta bere mamuak utziz

Atabal gelak gomitaturik, Ólafur Arnalds islandiar piano-jotzaileak kontzertu intimoa eman zuen martxoaren 9an, Biarrizko Gare du Midi aretoan.


2019-03-27 | Amaia Fernández
Arteak Ireki
MULTIMEDIA - ekitaldia

Martxoaren 23an, Arteak Ireki taldeak sustatuta, musikari eta kulturgileak herri askotan kalera atera ziren, Eusko Jaurlaritzaren kultur emanaldiak murrizten dituen dekretuaren kontra daudela esateko.


2019-03-26 | ARGIA
EHZ festibala Irisarrin egingo da aurten

Euskal Herria Zuzenean jaialdiaren aurtengo edizioak bazuen data dagoeneko: ekainaren 28tik 30era. Tokia, aldiz, zehaztu berri dute: Irisarrin (Nafarroa-Beherea) ospatuko dela jakinarazi du antolakuntza taldeak.


Artea irekita

Mundu honetan mugarik ezagutzen ez duen bakarra kapitala dela dirudi. Gainerako kontuentzat araudi, kontrol, debeku eta zentsura neurriak non-nahi eta nolanahikoak dira. Ikuspegi honen beste lagin bat erakutsi du Eusko Jaurlaritzak azken egunotan: urtean 12 kultur emanaldi egiteko muga ezarri nahi zien taberna eta areto txikiei.


ASTEKARIA
Azkenak
EGILEA
Eguneraketa berriak daude