Emakumeak borrokan
Pili Yoldi, Nafarroako Gardentasunaren Kontseiluko lehendakaria

"Administrazioak egiten duen guztia herritarren bistara jarri nahi da"

  • Pili Yoldi Nafarroako Gardentasunaren Kontseiluko lehendakaria da urtarrilaz geroztik. Bere ustez erakundeek gardenak izan behar dute, hori baita herritarren parte hartzerako lehen urratsa.

Xabier Letona @xletona
2017ko maiatzaren 02a
Nafarroako Gardentasunaren Kontseilua Pili Yoldi mahaiburu duela. (Argazkia: Navarra.es)

Kontseilua 2016ko apirilaren 16an sortu zen eta Mari Jose Beaumontek zuzentzen duen Lehendakaritza sailaren menpe dago. Hamabi lagunek –parlamentariak, Kontuen Ganbera, Nafarroako Gobernua eta UPNA, besteak beste– osatua dagoen kontseilua bideratzea dagokio Yoldiri.

Pili Yoldi

Lege proiektu bat lantzen ari da kontseilua orain. “Administrazioak egiten duen guztia herritarren bistara jarri nahi da. Hori da administrazioaren beharra, batzuetan mesedetzat hartzen bada ere”, dio Yoldik Diario de Noticias-en egindako elkarrizketan. Oraingoz Nafarroako Gobernuko Gobernu Irekiaren webgunean atal bat sortu dute eta bertan herritarrak informazioa eska dezake formulario baten bidez.

Ebazpen betearazleak

Yoldiren esanetan, “dagokien erabaki guztietan parte hartu nahi dute herritarrek, baina transparentzia parte hartzearen hasiera besterik ez da, parte hartzeko lehenago jakin behar baituzu zer dagoen, herritarrak ahalduntzeko modu bakarra da". Bere ustez, Administrazioa horrela bakarrik ohartuko da herritarrak emandako boterearen eta informazioaren jasotzaile besterik ez dela: “Kontu ekonomikoak eskatu behar zaizkie, eta kontu eskatu ere bai agindu dutena eta errealitatean egiten dutenarekin”.

Gardentasunaren Kontseiluak memoriak egingo ditu eta administrazioak hark emandako ebazpenak bete beharko ditu. “Herritarrak ez daki eskatu eta exijitu egin dezakeela eta hori oso ondo etorri zaie aurreko administrazioei. Ideia hori aldatu egin behar da herritarren artean eta baita funtzionarioen artean ere; azken horiek informazioa berea bailitzan lan egitera ohitu dira”. Hala ere, Yoldik azpimarratzen du funtzionarioak Kontseiluarekiko jarrera onean ikusten dituela.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Nafarroako Gobernua  |  Ustelkeria  |  Nafarroa

Nafarroako Gobernua kanaletik interesatuko zaizu...
Eguneraketa berriak daude