Pertsona transexualen aurkako Trumpen gurutzada
Pertsona transexuala izateagatik osasun arreta edo aseguru medikua ukatzea espreski debekatzen zuen legeak AEBetan, diskriminazioa saihestu asmoz. Debeku hori bertan behera utzi du orain Donald Trumpen Gobernuak, transexualen eskubideak urratzeko hartzen ari den erabakien ildoan.
“Arraza, kolorea, jatorria, adina, ezgaitasuna, sexua edo genero identitatea” ezin da izan osasun arreta ez bermatzeko arrazoi AEBetan. "Genero identitatea" Barack Obamak txertatu zuen legean, baina orain ezabatu egin du Trumpen administrazioak, jaiotzean biologikoki duzun sexua bakarrik har dezan legeak kontuan eta beraz, transexualak babes neurri honetatik kanpo utziaz.
Trantsizio prozesu bati ekin nahi dioten transexualei eragingo die lege aldaketak, osasun langileek eta aseguru medikuek uko egin baitiezaiokete genero identitateari lotutako prozesuetan parte hartzeari, arrazoi erlijiosoak argudiatuta.
Giza eskubideen aldeko eta LGBTI+ kolektiboko ordezkariek, ordea, uste dute trantsizio prozesuarekin zerikusirik ez duen bestelako osasun arreta ez eskaintzeko ere baliatu ahal izango dela lege aldaketa. Pandemia baten erdian, Trumpen lehentasunak zeintzuk diren argi geratu direla kritikatu dute, transexualak baztertu dituela beste behin eta arriskuan jarri dituela, osasun arreta ez bermatuta. Epaitegietara joko duela iragarri du hainbat kolektibok dagoeneko.
Bat gehiago Trumpen zerrendan
Egun batzuk lehenago, transexualei loturiko beste neurri bat proposatu zuen Etxe Zuriko Etxebizitza sailak: etxegabeentzako aterpeetan transexualak ez onartzeko aukera zabaltzea (berriz ere arrazoi erlijiosoak argudiatuta) edo jaio zirenean zuten sexu biologikoari dagokion logelak eta komunak erabiltzera derrigortzea. Eta pare bat hilabete lehenago, pertsona transgeneroak armadan errekrutatzea debekatzen duen legea sartu zen indarrean.
Emakume transgeneroen inguruko eztabaida sare sozialetan
Azkenaldian sare sozialetan oihartzuna lortu duen eztabaida baten erdian iritsi da Trumpen erabakia. J. K. Rowling idazle ezagunaren txio baten harira, polemika piztu da sarean: emakume transgeneroak eta biologikoki jaiotzez emakumeak direnak ezin direla zaku berean sartu diote batzuek; biologikoki edo transgenero, bere burua emakumetzat duena emakume dela eta kito aldarrikatzen du beste korronte batek.
Maiatzaren 17an LGTBIQ+fobiaren Kontrako Eguna dela-eta, “bizi dugun oldarraldi atzerakoia” , “transfobiak hartu duen indarra” eta “instituzioen utzikeria” nabarmendu dituzte kolektiboaren bueltako elkarteek. Zenbait instituzioren kapitalismo... [+]
Naizenek I. Nazioarteko Biltzarra antolatu du haur eta gazte transexualitateaz hitz egiteko. Egitaraua maiatzak 5 eta 6 artean egin dute eta hitzaldiz josia izan da. Eztabaida eta hausnarketa bateraturako "espazioak sortzeko" ezagutza arlo ugaritan espezializatutako 400... [+]
Errepikatu nirekin: Sara Millerey. Ez dezagun ahaztu bere izena. Transfeminizidioaren biktima da Millerey: gorrototzaile transmisogino batek torturatu zuen, besoak moztu zizkion eta bizirik bota zuen ibaiertz batera. Bi orduko agoniaren ondoren hil zen.
Errazagoa da J.K... [+]
Araba, Bizkaia eta Gipuzkoako trans pertsonei zuzendutako protokolo asistentziala eguneratzea da helburua. Lehen Mailako Arretako Taldeak (LMAT), trans pertsonentzako Lehen Mailako Arretako Zerbitzu berriak (tLMAZ) eta Gurutzetako Unibertsitate Ospitalean dagoen Genero... [+]
Hainbat kolektibok salatu du Gurutzetako ospitaleko Genero Identitatearen Unitatean arreta jasotzen duten transei lehen harrera psikiatrikoko profesionalek egiten dietela, horrek transak patologizatzen dituela eta harrera endokrinoak egin beharko lukeela. Harrera endokrinoak... [+]
1.075 pertsona artatu ditu Barakaldoko ospitaleko genero-identitateko unitateak, 2016ean unitate hori martxan jarri zenetik. Erdiak baino gehiagok adin-nagusitasuna bete aurretik jaso zuen lehen arreta. Eta, kopuru osoaren herenak hamasei urte baino gutxiago zituen.
Pasa den otsailaren 24an Egia, Justizia eta Erreparaziorako ekitaldi bat antolatu zuten Bilbon, Mugarik Gabe erakundeak, Bizitu Elkarteak, Feministaldek, Mujeres del Mundok, Zehar Errefuxiatuekin elkarteak eta Colectiva Feminista Para el Desarrollok. Hiru indarkeriak ardaztu... [+]
BAMBIk (Amurrio, 1999) diru bilketa abiatu du, bere trantsizio prozesuaren barruan, aurpegia feminizatzeko asmoz. Trans kolektiboaren egoeraren eta bere ibilbide artistikoaren inguruan mintzatu da.
Erantzunik gabeko galderez inguratuta eta “tristezia sakona” sentituz bizi izan da Daniela Cano. Artista kolonbiarra da, eta pandemia betean Madrilera ihes egin behar izan zuen Kolonbian mehatxatuta zegoelako. Arteaz, bereziki literaturaz baliatzen da erantzunak... [+]
Izaera berezia duten elkarteak eta behar bereziak dituzten haurren familia-elkarteak biltzen ditu Bizipozak, 38 denera. Familia horien errealitatea ikusarazi eta bertatik bertara ezagutzeko asmoz, jaia egingo dute apirilean. Unitate didaktikoak eta material pedagogiko ugari ere... [+]
LGTBI kolektiboko hamar lagunetik bederatzik sekretuan mantentzen du bere sexu-joera laneko nagusien aurrean, eta lautik hiru ez da armairutik ateratzen lankideekin. Zergatiez, beldurrez eta arriskuez hitz egin dute Espainiako LGTBI+ Federazioak egin duen ikerketan.
Lege honek oztopoak kendu eta aitortza legala izatea “berebizikoa” dela adierazi du Naizen elkarteko Bea Severrek.
Osasunean, hezkuntzan eta lan eremuan eragingo du erreformak, eta pertsona ez binarioak eta intersexualak kontuan hartuko ditu.
Polemika artean atera zen aurrera Espainiako Estatuko Trans Legea, 2023ko otsailean. Erregistro Zibilean izena eta sexua aldatzeko prozesua erraztea zen helburuetako bat. Urtebetean 227 pertsonaren aldaketa burutu dute Araba, Bizkaia eta Gipuzkoan.
Gehiengo zabalarekin onartu dute. EAJ, PSE-EE, EH Bidu eta Elkarrekin Podemos-IU-k baiezkoa eman dute, eta PP aurka agertu da.“Hainbat hobekuntza” txertatuko dituzte Osakidetzan, hezkuntzan eta lan-arloan.