Pertsona migratzaileen erregularizazioaren aldeko jaialdia egingo dute Portugaleten
Erresistentzia Migra jaialdia egingo dute larunbatean Portugaleteko Sastraka gaztetxean. Ekimenak estatu mailako #ILPRegularización kanpaina bultzatzea du helburu, Espainiako Estatuan egoera irregularrean dauden herritarren egoera erregularizatzeko.
Larunbatean, ekainak 18, Erresistentzia Migra jaialdia egingo dute Portugaleteko Sastraka gaztetxean. "Elkar topatu elkarrekin eragiteko" lelopean, egun osoko egitaraua antolatu dute. Antolatzaileen arabera, ekitaldi artistiko-kulturala izango da, eta artista eta sortzaile migratzaileen sorkuntzak ezagutzera emateko plaza bilakatuko dute Sastraka.
Ekimena pertsona migratzaile eta arrazializatuen kolektiboek antolatu dute, helburu argiarekin: Espainiako Estatuan egoera irregularrean bizi diren herritarren erregularizazioa lortzera bidean pauso bat gehiago ematea. Izan ere, ekimenarekin estatu mailako #ILPRegularización kanpaina bultzatu nahi dute, zeinak erregularizazioaren aldeko Legegintzako Herri Ekimena baliatu nahi duen Espainiako Estatuko migratzaileen egoera erregularizatzeko. Kanpaina 500.000 sinadura biltzean datza, horiek parlamentuan aurkeztu eta pertsona atzerritarren erregularizaziorako legea eztabaidatu dadin. Antolatzaileen arabera, legeak milioi erdi pertsona baino gehiago mesedetuko lituzke.
Sastrakara gerturatzen denak aukera izango du kanpainaren alde sinatzeko, eta egunean zeharreko eskaintza kulturalaz gozatzeko. Goizeko 12:00etako azokak emango dio hasiera egitarauari, 12:30ean Arte migra por la #ILPRegularización solasaldia egingo da, 15:00etan indarrak hartu ahalko dira bazkari herrikoiarekin, 18:00etan txotxongilo tailerra egingo da, eta kontzertuek emango diote itxiera jaialdiari. Cristian Vergara, Mawkli, Follow the party eta Hijadelnopal-ek girotuko dute iluntze-gaua.
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.
"Oxala Mediterraneoko herrialdeek beren betebeharrak beteko balituzte, eta bilaketa eta erreskateko uretan eskura dauzkaten operatibo guztiak martxan jarriko balituzte, jendeak itsasoan arriskurik izan ez dezan". Mikel San Sebastian Aita Mari erreskate ontziko kidearen... [+]
Bestea”-k gogaituta du gizateria, duena kenduko dio, duena eraldatuko du, kutsatuko du... “Bestea”-k definitzen gaitu... baina “bestea” denok izan gaitezke.
Egun, nor da “bestea”? Nork seinalatzen du izan behar ez dena?
Zapalduen... [+]
Emaitza positiboa eman zuen iragan abuztuan egindako testak, baina Polizia Zientifikoaren laborategira bidali baino lehen Ondarroako komisariatik desagertu zen frogen poltsa.
Oraindik joan den astea asimilatzen nabil. Boterean daudenen eta botere ereduetan eragin nahi dutenen aldarriak ozen entzun ditugu nonahi. Sareetan zein kalean.
Izan diren manifestazio ezberdinetan, herrietako giza eskubideen garapen maila agerian geratu da. Amerikako Estatu... [+]
"Atzerriko terroristengandik" babestea arrazoi bezala jarrita, Donald Trumpek dekretu bidez agindu du zazpi herrialdetako pertsona guztiei debekatzea AEBetara sarrera, eta beste bost herrialdetako herritarrei mugak jartzea.
Boubacar Dioufek, Mbolo Moye Doole Bizkaiko manteroen eta kalez kaleko saltzaileen elkarteko kideak, Bilboko kaleetan arrazakeria eta abusu poliziala areagotu direla adierazi du.
Ainararen aurkako epaiketa dela eta, Bilboko Epaitegiarekin aurrean elkartu dira Manteroekin bat! plataforma eta bertaratutakoak poliziaren gehiegikerien eta egiturazko arrazakeriaren aurrean, elkartasunez antolatuko direla aldarrikatzeko.