Pertsona bat atxilotu dute Leioan, hildako guardia zibil bat sare sozialen bidez iraintzea egotzita

  • Guardia Zibilak Leioako bizilagun bat atxilotu zuen igandean, martxoaren 5ean Barbastron (Huesca) gertatutako trafikoko agente baten heriotzaren gaineko komentario iraingarriak Instagram bidez zabaltzea egotzita; kontrol bat egiten zegoela, ihes egiten ahalegindu zen ibilgailu batek harrapatu zuen hildako guardia zibila. Leioztarrari irain-delitua egotzi diote.

Artikulu hau CC BY-SA 3.0 lizentziari esker ekarri dugu.

2016ko apirilaren 11n - 18:22
Martxoaren 5ean hildako guardia zibil bat iraintzea leporatzen diote atxilotuari.

Instagram sare-sozialaren erabiltzaile horren komentarioek zabalpen handia izan zuten; baita "beste horren jarraitzaile askoren errefusa" eragin ere, Guardia Zibilaren arabera. Polizia-instituzioak gaineratu duenez, "hala ere, ez zuen kritikengatik burua makurtu eta hildako agentearen memoria laidotzen jarraitu zuen, horrelako esaldiak erabiliz: 'txakur bat da, izorra dadila... zenbat eta gehiago erori hobeto... hildako guardia zibil bat gehiago, terrorista bat gutxiago'...".

Instagram profil horretako ustezko titularra identifikatu ostean, bera atxilotu eta Bilboko Guardia Epaitegira eraman zuten. Institutu armatuaren bertsioari jarraiki, Espainiako erregeari ere irainak egin ei zizkion aurreko batean atxilotuak. Hori dela eta, horren jakitun egin dute Fiskaltza, "beharrezko izapideak egin ditzan".

Albiste hau Hiruka.eus-ek argitaratu du eta CC-by-sa lizentziari esker ekarri dugu ARGIAra.


Kanal honetatik interesatuko zaizu: Adierazpen askatasuna
Fermin Muguruzaren bisita batengatik “terrorismoa goratzea” leporatu diote Valentziako institutu bati

Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]


Pablo Gonzalez
Inongo frogarik erakutsi barik, bi urte espetxean Polonian

Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.


2024-02-01 | Gedar
Black Marfil abeslariaren kontrako zigorra berretsi dute: bi urte eta hilabete bat

Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.


2023-10-30 | ARGIA
Valtònyc rap kantaria Mallorcara itzuli da bost urtez erbestean egon ondoren

Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]


2023-07-17 | Ilargi Manzanares
Sutan dagoen Ertzaintzaren furgonetaren argazkia "iraingarria" dela dio Jaurlaritzak

Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]


Eguneraketa berriak daude