Pau Perez, 15. biktima

  • Hasieratik oso nahasiak izan ziren Pau Perezen hilketaren ingurukoak, baina Generalitatearen Barne Sailaren azken hipotesiaren arabera, Younes Abouyaaqoub Rambletako erasoa eragin zuen furgonetaren gidariak hil zuen bere ihesaldian.


2017ko abuztuaren 21an - 13:37
Pau Perez, Kataluniako erasoen 15. biktima.
 

Sant Just Desvern herrian auto batean hilda topatu zuten katalan herritarraren heriotzari buruzko hipotesi ugari izan dira. Hasieran Mossoek tiroz hil zutela zabaldu zen, baina gerora hori gezurtatu du Generalitateak. Azken hipotesien arabera, Younes Abouyaaqoub furgonetaren gidariak hil zuen labankadaz.

Atentatuaren ustezko egileak oinez egin omen zuen ihez Ramblatik, bertako Alde Zaharreko azoka gurutzatu eta Bartzelonako unibertsitate eremuraino iritsiz. Betaurreko beltzak jarri eta jende artean egin zuen ihes, korrika bera ere batzuetan eta oinez gehienetan. Ordu eta erdi inguru behar izan zuen Pau Perezekin topo egin arte. Hango aparkalekuetan zegoen Perez, ordainketa gabeko gunea zenez, han ixten omen zuen sarri autoa, gero garraio publikoan mugitzeko Bartzelonan.

Aboyraaquobek berehala hil omen zuen Perez eta bere autoarekin hainbat kilometro egin zituela egin zuen topo Diagonal kaleko Mossoen kontrolarekin, berau salto eginez eta mosso bat zaurituz. Jadanik 800 bat kontrol ziren jarrita Bartzelonaren ingurune osoan. Mossoak atzean zituela iritsi zen San Just Desvern herrira eta han utzi zuen autoa eta barruan Pau Perezen gorpua. Mossoak ez ziren berehalakoan hurbildu, lehenbizi lehergailuen aurkako unitateak miatu behar zuelako autoa. Hala egin ondoren, bi ordu geroago topatu zuten Perezen gorpua autoaren barruan, baina ez gidariaren eserlekuan.


Kanal honetatik interesatuko zaizu: Bartzelona eta Cambrilseko erasoak
Generalitatetik 2017ko atentatuen inguruan gertatutakoa argitzeko exijituko zaio Espainiako Gobernuari

Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]


2019-07-16 | ARGIA
Bartzelonako Rambletako atentatuko taldearen burua CNIaren isil-mandataria zen

Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.


2017-10-22 | Saioa Baleztena
Lola Lopez. Aniztasuna aldarri
"Islamari erasotzeko egiten da emakume musulmanen eskubideen aldeko diskurtsoa"

Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]


Biolentzia, bakea bezalatsu, zerbaiten ondorioa da

Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta... [+]


2017-09-03 | Itxaro Borda
Bartzelona: "No en el meu nom"

Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]


Eguneraketa berriak daude