Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.
2017ko abuztuaren 17an furgoneta batek Bartzelonako Rambletako pasealekua abiadura handian gurutzatu zuen, hamahiru pertsona hil eta ehun baino gehiago zaurituz. Hurrengo egun eta asteetan poliziak jakinarazi zuenaren arabera, talde jihadista bat zegoen gertakarien atzean. Gazte batzuek osatzen zuten taldea, eta horien burua omen zen Ripoll herriko Abdelbaki es Satty imana. Mossos d'Esquadrako poliziek gazteetariko bi hil zituzten egun horietan, bat adingabea.
Público-k hainbat informazio argitaratu ditu gertakari haiekin lotuta. Horien arabera, Es Satty Espainiako zerbitzu sekretuen isil-mandataria zen. Egunkariak CNIko polizia batek Es Sattyrekin komunikatzeko ireki zuen posta kontuaren helbidea, pasahitza eta mezuak argitaratu ditu. Kontu horren azken jarduera atentatuak baino bi hilabete lehenagokoa da.
Egunkariak CNIaren dokumentu batzuk ere argitaratu ditu. Dokumentuek erakusten dute poliziak atentatuak prestatzen ari zen taldea gertutik zelatatzen zuela, gertakariak baino hilabete batzuk lehenagotik. Gazteen mugimenduak ezagutzen zituzten, tartean Alcanar (Taragona) herriko etxera egiten zituzten bidaiak. Hilabeteak eman zituzten bertan gazteak eta Es Sattyk lehergailuak egiten.
Público-k ziurtatzen du CNIk talde jihadista zelatatzen jarraitu zuela Rambletako atentatuaren egunera arte, eta atentatuaren hurrengo egunean ezabatu zela Es Sattyern fitxa CNIren iturrien erregistrotik. Bihartik aurrera hori frogatzen duten dokumentu berriak argitaratuko ditu egunkari digitalak.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]
Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]
Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta... [+]
Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]
No tinc por atera zitzaion eztarritik Bartzelonan herritar bati. Deiadarra sentimendu askoren katalizatzaile izateaz gain, bizi dugun garai nahasien isla ere bada.