Espainiako Poliziak 2015ean jihadistei ohartarazi zien Mossoak atzetik zituztela, Kataluniako Poliziak salatu zuenez
2015ean talde jihadista bat desegin zuten Esquadra Mossoek eta operazio horrek agerian utzi zuen Espainiako Poliziaren etsaigoa Kataluniako Polizia autonomikoarekin.
“Karonte” izeneko operazioan 10 lagun atxilotu zituzten Mossoek, baita militante neonazi bat ere, Públicoren arabera talde jihadistako buruaren laguna zena –egunkariak azaltzen duenez, Espainiako Auzitegi Nazionalak azken hori kasuan ez inputatzea erabaki zuen, beste atxilotuei laguntza eskatu zien arren armak eta lehergailuak eskuratzeko, Bartzelonan “interes judutarren” aurka eraso egiteko–.
Operazio horretan Mossoek salatu zuten Espainiako Polizia tartean sartu zela, “ikerketa antiterrorista boikotatzeko asmo hutsez”, Públicoren arabera. Egunkariak argitaratu du Kataluniako polizia autonomikoak Auzitegi Nazionalean eta Espainiako Fiskaltzaren aurrean jarritako salaketa, zeinean eskatzen den ikertzeko ea funtzionario polizial batek edo gehiagok ikerketaren parte diren sekretuak jakinarazi dituen, hartara talde terroristarekin kolaboratuz.
Moncloa eta Generalitatearen arteko tentsioen ondorio
“PPk eskura izango balu Esquadra Mossoek Kataluniako lurraldean duten hegemonia leheneratzeko aukera, honezkero egina izango zuen, polizia autonomikoa utziz erakunde folkloriko gisa, jaiegunetan luzitzeko”, adierazi diote aipatutako egunkariari Mossoetako sindikatuen iturriek.
Ez da gaia argitara atera den lehenbiziko aldia. Jorge Fernández Díaz Espainiako Barne ministro ohiak 2015ean bertan erantzun zien Esquadra Mossoen salaketei: El Periódicok jaso zituen adierazpenetan esan zuenez, Espainiako Poliziari jihadistekin kolaboratu izana leporatzea “ez da ardura minimo bat daukan inolako pertsonaren buruan sartzen”. Fernández Díazek gaineratu zuen terrorismoaren kontrako politikak “estatu politika” direla eta beharrezkoa zela “bat egitea”.
Bartzelonako erasoen ondoren argitaratu diren berriak ikusita, badirudi polizien arteko harremanak ez direla oso onak.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]
Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.
Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]
Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta... [+]
Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]