Pasaitarren iniziatiba, jauzi handia hondakinen eztabaidan
Pasaiako herritar talde batek udalari eskatu dio hondakinen Atez Ateko gaikako bilketa ezarri dezala, sistema herriaren ezaugarrietara egokiturik. Alkateak aurrekontuetan horretarako dirurik ez daukala aitortu duen arren, Pasaian Zero Zaborren inguruan ziento erdi jendek aldarrikatu dutenak aldaketa berria dakar Gipuzkoako eztabaidara.
Diario Vasco eta Noticias de Gipuzkoak emandako albisteez gain, Hitzak eskainitako kronikan daude bildurik bideoz ere Pasaia Zero Zaborren inguruan otsailaren 23an bildutako herritarrek agerraldi publikoan esandakoak, lehenago Hitzan bertan taldeko kideek azaldutako ideien ildotik: hondakinak ezkutatuz umeek bezala jokatzen dugu arazoa ukatuz, hondakinek erakusten dute zenbaterainokoa den daukagun eredu kontsumistaren xahuketa burugabea, hondakinak nahastuta biltzeak areagotu egiten du arazoa, lehen urratsa da gaikako bilketa orokortzea, blokeo politikoak gainditu behar ditugu…
Baina, gainera, pasaitarrok solidaritatea eta justizia nabarmendu dituzte hondakinen ekuazioa ondo askatzeko. “Pasaiako herritarroi ezinezkoa egin zaigu begiak itxirik jarraitzea. Jakitun gara gu ere arazoaren parte garela. Jakitun gara guk nahasturik botatzen ditugun jan hondarrak beste batzuen etxe ondoan usteltzera bidaltzen ditugula. Ez dugu injustizia horrekin segitu nahi. Gure zaborrak jasotzen dituzten herrietako biztanleekin zorra daukagu. Haien sakrifizioak gure ahalegina eskatzen du. Zaborretan zaborra ez den ezer joango ez dela bermatu behar diegu, material ustelgarririk bidaliko ez diegula ziurtatu behar diegu”.
Pasaiako herritarron aldarrikapenak egoki erantzuten die zabortegiek eta errauskailuak kaltetutako herrien kexuari eta, nork bere hondakinen ardura bere gain hartzea proposatzean, kontrastea egiten du jendeei gaikako bilketaren derrigortasunaren kontra balkoietan zabor poltsak eskegitzea eskatzen dieten beste talde batzuen jarrerarekin.
Erabilera bakarreko plastikoen ekoizpenari eta erabilerari jarri nahi dizkiete mugak bereziki. Plastikoaren ekoizpena bikoiztu dute mende hasieratik, eta igoera horren arrazoia erabilera bakarreko plastikoak dira nagusiki.
Hondakinak etorkizuneko material berriak dira. Iragarki marketineroa izan daiteke, baina diseinu eta eraikuntzaren ikerketa munduan sormen bideak irekitzeko aukerak ekarriko ditu, dudarik gabe. Europako hondakinen legedia zorrotz jarriko dela iragartzean, nolabait ulertarazten... [+]
Jaurlaritzak Valogreene enpresari ingurumen baimena eman izanari helegitea aurkeztu zioten Bergarako Udalak, Ekologistak Martxan taldeak eta Bergarako bi bizilagunek 2022ko apirilean. Udalak azpimarratu du auzitegiak arrazoia eman diola, ebatzi baitu Jaurlaritzak hartu... [+]
Maiatzaren 24an 13:00ean Gipuzkoako Foru Aldundiaren aurrean elkarretaratzea egingo du Errausketen Aurkako Mugimenduak. Zubietako Erraustegiak sortzen duen kutsaduraren aurrean eta agente publiko eta alderdien jarrera salatzeko elkarretaratzera batzeko dei egin die herritarrei.
Lehengai anitzekin papera egitea dute urteroko erronka Tolosako Lanbide Heziketako Ikastetxe Integratuko kimika industrialeko ikasleek: platano azalekin, orburuekin, lastoarekin, iratzearekin nahiz bakero zaharrekin egin dituzte probak azken urteotan. Aurtengoan, pilota... [+]
Europan kutsadura maila aztertzen aritzen den Toxicowatch erakundeak egindako ikerketaren emaitzak dira. Erraustegia martxan jarri aurretik egin zituzten lehen azterketak, eta ondoren 2024ra arteko laginak aztertu dituzte. Iazko laginen emaitzak dira honakoak.
Bi langileak oroitzeaz gain erantzukizunak eskatu dituzte, Zaldibar Argituk igandean Eitzagan eginiko ekitaldian. Justiziaren mantsotasuna salatu dute, sumarioa oraindik instrukzio fasean dagoelako.
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Joaquin Beltran eta Alberto Sololuze gogoratzeko eta hondamendiaren erantzukizunak eskatzeko elkarretaratzea egingo dute igandean Zaldibarko Eitzaga auzoan. Luizia “enpresarien diru goseak” eragin zuela, eta Eusko Jaurlaritzak “ardura txikiena ere ez duela... [+]
Iruñerriko Mankomunitateak Imarkoaineko Hondakin Zentroaren proiektuaren aldaketa onartu zuen ostegun honetan eta, horren arabera, azpiegitura 2026ko urtarrilaren 21ean hasiko da lanean.
Legearen arabera, erabiltzen ez diren zabortegi guztiek itxita eta zigilatuta egon beharko lukete 2008tik. Ekologistak Martxan taldea Eusko Legebiltzarrean izan da legea bete dadila eskatzeko: azaroaren 12an Industria, Trantsizio Energetiko eta Jasangarritasunaren batzordean... [+]
Atez atekoa oinarri, Arabako Errioxako Kuadrillan Kripan eta Eltziego herriek Araba osoko daturik onenak dituzte hondakinen gaikako bilketan eta horien birziklapenean, eta Europak ezarritako gutxienekoetara heltzen diren bakarrak dira. Laster, kuadrillako herri gehiagotara... [+]
Adimen artifizialak bost milioi tona hondakin elektroniko sortu ditzake 2030a baino lehen, Nature Computational Science aldizkariak argitaratu duen txosten baten arabera. Ikertzaileek ekonomia zirkularreko estrategia bat ezartzearen beharra nabarmendu dute.
Hondakinak tratatzeko Artaxoako plantara Zubietako erraustegitik milaka tona lixibiatu modu ilegalean eraman izanaz galdetu dio EH Bilduko parlamentari Mikel Oterok, Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiri. Iragan... [+]