Pasaiako segadan hildakoak gogoan izan dituzte Azpeitian
Asteazkenean 33 urte bete dira Komando Autonomo Antikapitalistetako Dionisio Aizpuru Kurro, Pedro Mari Isart Pelitxo, Rafael Delas Txapas eta Jose Maria Isidro Izura Pelu hil zituela Espainiako Poliziak.
Martxoaren 22an, urtero legez, Enparan dorretxearen atzeko zelaian jarritako monolitoaren bueltan elkartu dira Dionisio Aizpuru Kurro eta Pedro Mari Isart Pelitxo-ren senitartekoak eta hainbat herritar. 33 urte bete dira Kurro eta Pelitxo, Komando Autonomo Antikapitalistetan kide zituzten Rafael Delas Txapas eta Jose Maria Isidro Izura Pelu-rekin batera, hil zituela Espainiako Poliziak Pasaiako badian. Ohiko lore eskaintzarekin batera, Maria Pilar Arbelaitz Kurroren amak eta Arantxa Isart Pelitxoren arrebak monolitoari jarri dioten plaka berria azaleratu dute; denborarekin ezabatzen hasia zen aurrekoaren testu bera jasotzen du Pasaiako segadan hildako lauren omenezko plaka berriak.
Ekitaldia bertso batekin ireki du Jokin Urangak. Ondoren, duela 33 urteko gertaeren gaineko Pasaiako badia dokumentala egiten ari den Oinatzak Produkzioak-eko Erik Aznalek hartu du hitza; dokumentala udazkenerako prest izatea espero dutela esan du. Xanet Esnaolak, berriz, Pasaiako hilketak argitzeko orain arteko bide judizial antzuaren errepasoa egin du; Udalak eta familiek Espainiako Auzitegi Konstituzionalean jarritako babes helegitea izan da azken pausoa, baina horretan ere "esperantzarik ez" dutela adierazi du. Eskertu du, hala ere, Udalaren babesa eta, bereziki, herritarrena, baina kritiko azaldu da Eusko Jaurlaritzaren jarrerarekin, bilera eskatu eta zortzi hilabete behar izan zituztelako batzartzeko. Aurten lehen aldiz, Pasaiako segada gogoratzeko egitasmoak Iruñera ere, Txapasen eta Peluren sorterrian, eramango dituztela nabarmendu du Esnaolak, eta hara joateko gonbita luzatu du; zapatuan izango da, martxoaren 25ean, eta Orkatzen eman daiteke izena autobuserako.
Arantxa Isartek hitz egin du familien izenean. Herritarren babesa eskertu du eta, "hainbeste urte eta gero" beren senideen heriotzak argitzeko borrokan jarraituko dutela berretsi du, "inpunitate osoz" gertatutakoak bere horretan ez daitezen gelditu.
Albiste hau Uztarriak argitaratu du eta CC-by-sa lizentziari esker ekarri dugu ARGIAra
Abuztu honetan polemika berri bat piztu digute, beste behin, belarrondokoa ematea baino larriagoa izan dena. Azken hamabost urte baino gehiagoan, Glen Cree ekimenetik hasi, Estatu bortxaren biktimei aitortza legala emateko mekanismoen sorreratik segitu eta herri honetan ireki... [+]
Azken zortzi urteotan 30 bunker inguru berreskuratu dituzte dozenaka gazte boluntariok; Baztanen, Otsondon, izan da azkena. Ana Ollo kontseilariak bisitatu du auzolandegia eta gazteen ezinbesteko lana txalotu eta eskertu du.
Aurten Txiki eta Otaegi fusilatu zituztela 50 urteko beteko direnean, Alonsok adierazi du ETAko bi kideek ez zutela nahi Franco osteko gizarte demokratiko bat: "Diktaduraren aurka borrokatzen ziren, baina diktadurak erabilitako tresna berberekin".
Txiki eta Otaegiren fusilamenduen 50. urteurrenaren harira jarritako olana kendu du Zarauzko Udalak. Sortuk salatu du udalak, EAJ eta PSE-EEk osatuta, "zaborra izango balitz bezala" tratatu zuela olana. Zenbait herritarrek berreskuratu eta Azken Portuko plazan ireki dute.
2025ean 40 urte beteko dira Mikel Zabalza hil zutenetik, eta 47 urte Germán Rodríguez eta Joseba Barandiaran hil zituztenetik. Horiek guztiak Estatuko Segurtasun Indarren biktimak dira, eta Sanfermines78 Gogoan elkarteak Espainiako Gobernuari eskatu dio "Estatuaren... [+]
IRUTXULOKO HITZAk eta Dinamita Tour egitasmoak 36ko gerra Donostian nolakoa izan zen eta hiria beste ikuspegi batetik ezagutzeko ibilaldia antolatu dute elkarlanean, uztailaren 21erako. Elkargunea Bretxako Sarriegi plazako estatua izango da, 19:30ean, eta Amararaino joango dira... [+]
Astelehenean, 40 urte beteko dira Joseba Sarrionandia eta Iñaki Pikabea presoek Martuteneko kartzelatik ihes egitea lortu zutenetik. Egiako pisu batean izan ziren ezkutaturik bi iheslariak, eta oraindik milaka eztarrik abesten dute «kristoren martxa dabil!».
Altzagatik itsasadarraren parean doan BI-711 errepidearen Jose Luis Goyoaga etorbidearen izena aldatzeko herritarren parte-hartze prozesuaren ondoren, kale horren izen berria Zirgariak etorbidea izango da.
78ko Sanferminak Gogoan plataformak eta Gasteizko Martxoak 3ko ekimenak bat egin dute espainiar estatuak gertakari latz horietan bere erantzukizuna onartu eta biktimen aitortza ofiziala egin dezan. 'Estatua Erantzule!' izena darama kanpainak.
Inor gutxik ukatuko du ziurgabetasunez beteriko garai batean gaudenik. Krisi ekonomikoaren, ezegonkortasun politikoaren eta klima-aldaketaren inguruko mezuez inguraturik gaude. Ikaraturik bizi gara. Hori guztia gutxi balitz, globalizazioaren ondorioz, nazioen izaera zalantzan... [+]
Belaunaldi oso baten liburua da Palinpsestoa. Idazten dakien modura idatzi du Arrieta Ugartetxeak, eta horixe dateke alde gaitza. Gainerakoan, hortxe gure iragan hurbila, gerra ondoa, apaiz giroa, euskara, militantzia… eta ez hain hurbila ere, senide nagusien gerra... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Donostiako Udaleko Memoria Historikoaren Aholku Batzordeko Sinbologia Lantaldeak dokumentazioa aurkeztu du, eskultura frankista dela frogatzeko. Eskulturaren jatorriaren inguruko eztabaida ireki nahi dute hirian, eta udal gobernuari zenbait eskaera egin dizkiote.
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Nazismoaren biktimak izandako euskal herritarrak oroitzeko Eusko Jaurlaritzak egin duen lehen aitorpen instituzionala da. Hego Euskal Herriko 253 pertsona deportatu zituzten 1940 eta 1945 urteen artean. 113 bertan hil ziren eta beste asko, handik bizirik irten baziren ere... [+]