Pasaiako segadan eraildako militanteak oroitu dituzte Azpeitian eta Iruñean
38 urte igaro dira Pasaiako sarraskitik; polizia-indarrek Komando Autonomo Antikapitalistetako lau kide erail zituzten tiroz. "Komuniston eginbehar etiko zein politikoa da klase zapalkuntzarekin amaitzeko borrokan bizitza eman zuten militante iraultzaileak gogora ekartzea", adierazi dute Oarsoaldeko, Urola Erdiko eta Iruñerriko Kontseilu Sozialistek.
Espainiako Poliziak 1984an hil zituen Komando Autonomo Antikapitalistetako lau kide —Dionisio Aizpuru Kurro, Pedro Mari Isart Pelitxo, Jose Mari Izura Pelu eta Rafael Dalas Txapas— Pasaiako (Gipuzkoa) segadan. Polizia-indarrek enboskada bat zeukaten prestatuta Pasaiako badian, eta 113 balaz josita hil zituzten bi azpeitiarrak eta bi irundarrak.
Sarraskiaren 38. urteurrenean, adierazpen bateratu bat argitaratu dute Oarsoaldeko, Urola Erdiko eta Iruñerriko Kontseilu Sozialistek, Langile mugimenduaren oroimenean izenpean. Horretaz gain, ekitaldi politikoak antolatu dituzte Azpeitian (Gipuzkoa) eta Iruñean (Nafarroa). Pasa den martxoaren 19an izan zen Azpeitiko ekitaldia Esklabak Zentro Sozialistan; Iruñean, berriz, atzo oroitu zituzten eraildako lau militanteak Txantrea auzoan.
1984an, Espainiako Poliziak segadaren aurretik bahitu eta torturatu zuen Rosa Jimeno Komando Autonomo Antikapitalistetako kidea, eta enboskadaren unean Kurro, Pelu, Pelitxo eta Txapas-ekin zen Joseba Merino militantea ere; enboskadatik bizirik irten zen kide bakarra da. Urola Erdiko Kontseilu Sozialistak Azpeitian antolatutako ekitaldira bertaratu ziren Jimeno zein Merino, eta zuhaitz bat landatu zuten Esklabak Zentro Sozialistaren aurrean, hildako lau kideen omenez.
Langile mugimenduaren oroimenean
"Pasaiako sarraskia estatu kapitalistak militante politiko iraultzaileen aurka erabiltzen duen basakeriaren kasu paradigmatikoa dugu", esan dute Oarsoaldeko, Urola Erdiko eta Iruñerriko Kontseilu Sozialistek. "Borrokan bizia eman zuten iraultzaile guztiak" ekarri dituzte gogora, "eta bereziki, beraien konpromiso militantea eta borrokaren zilegitasuna".
"Iraganaren irakaspenak eta oroimena ezinbestekoak ditugu etorkizuna eraikitzeko, tartean, aipatzekoa da Mugimendu Autonomoak prozesu iraultzaileari egin zion ekarpena. Proletalgoaren emantzipazioa lortzeko, independentzia politikoaren beharra azpimarratu eta praktikara eraman zuten; hau da, langileriaren auto-antolakuntza", aldarrikatu dute hiru Kontseilu Sozialistek.
Nabarmendu dute, bestalde, "komuniston eginbehar etiko zein politikoa" dela "klase zapalkuntzarekin amaitzeko borrokan bizitza eman zuten militante iraultzaileak gogora ekartzea, haien izenak eta borrokak langileriaren oroimen kolektiboan bizirik mantendu daitezen". "Iraultzak soilik egingo die benetako justizia", gaineratu dute.
1985eko irailaren 25ean Inaxio Asteasuinzarra hernaniarra, Sabin Etxaide zestoarra, Agustin Irazustabarrena astigarragarra eta Jose Mari Etxaniz urretxuarra hil zituen GALek Baionan. 40 urte geroago omenaldia egin diete Monbar Hotelaren aurrean, hil zituzten lekuan.
1985ean Guardia Zibilak Mikel Zabalza bahitu, torturatu eta hil zuela 40 urte dira aurten. Hori dela-eta, ekimen berezia antolatu dute hainbat eragilek: autobus ibiltari batek erakusketa eramango du herriz herri, kasuari buruz oraindik erantzunik gabe dauden galderak... [+]
Ibilbideen serie honetako ezberdinena dirudike Baiona Ttipiak, bere antzinako eraikinei beha jarriz gero: ez blokerik, ez adreilurik, ez maldarik.... herrixkatxo lasai bat da. Aitzitik, Errobi ondoko auzo honen historian barrena eginez gero, konturatuko gara borroka politiko... [+]
GALek Baionako Monbar hotelean egindako atentatuaren urteurrenaren datatik gertu antolatu dute ekimena dozenaka herritarrek. Helburua "egia aldarrikatu, memoria landu eta GALen gerra zikinaren biktimak aitortzea" da, eta irailerako egitaraua aurkeztu dute.
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Jose Miguel Etxeberria Naparra-ren gorpua bilatzeko bigarren saiakera kontatzen duen dokumentala interneten ikusi daiteke asteazken honetatik aurrera. Igandean ekitaldia egingo dute, Batallon Vasco Españolek iruindarra duela 45 urte bahitu eta desagerrarazi zuela... [+]
Datorren irailaren 25ean 40 urte beteko dira GALek Baionako Monbar hotelean egindako atentatutik, non lau euskal errefuxiatu hil zituen. Horren karietara, Gogora Memoria, Elkarbizitza eta Giza Eskubideen Institutuak oroimen ekitaldi bat egingo du udazkenean.
Egin egunkariko zuzendaritzako kide eta langilea Donibane Lohizunen erail bazuten ere, Algorta jaioterrian egin diote oroimen ekitaldia, igande eguerdian. Bertaratutako lagun zein senitartekoek presente izan dute estatuaren indarkeriak hil zuela.
Fusilamenduak, elektrodoak eta poltsa, hobi komunak, kolpismoa, jazarpena, drogak, Galindo, umiliazioak, gerra zikina, Intxaurrondo, narkotrafikoa, estoldak, hizkuntza inposaketa, Altsasu, inpunitatea… Guardia Zibilaren lorratza iluna da Euskal Herrian, baita Espainiako... [+]
GALeko biktima talde batek eman du kereilaren nondik norakoen berri Bilbon egindako prentsaurrekoan, Egiari Zor fundazioak eta Giza Eskubideen Euskal Herriko Behatokiak lagunduta. GALen aurkako eta, zehazki, José Barrionuevoren aurkako kereila aurkeztuko dute.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
Donostiako La Cumbre Jauregian bizi ziren orduan Juan Mari Jauregi senarra eta bera, lehena Gipuzkoako Gobernadore Zibila zen garaian, 1990eko hamarkadaren erdialdean. Jauregi 2000. urtean hil zuen ETAk Tolosan.
Espainiako eta Frantziako Estatuak “nazio askapen mugimendua ito” nahi dutela ohartarazi du Sortuk, eta Santi Brouard eta Josu Muguruza HBko militanteen erailketak estatu biek egiten duten “gerra zikinaren parte direla” adierazi du.
La Cumbre Jauregia biktimen aitortzarako, erreparaziorako eta dibulgaziorako gune bilakatzeko proposamena egin dute memoriaren inguruan dabiltzan hainbat taldek eta Joxean Lasa eta Joxi Zabalaren senideek. Memoria Demokratikoaren Legearen arabera, eraikina Donostiako Udalaren... [+]
Maiatzaren 30ean Nafarroako Gobernuak zenbait biktimaren aitortza egin zuen eta senitartekoek Sekretu Ofizialen Legea bertan behera uzteko eskatu zuten. Horien artean, Mikel Zabalza eta Mikel Arregiren familiak. ‘Naparraren’ anaiak ere egina du eskaera hori. Eneko... [+]
