Partaideek balorazio ona egin dute Osakidetzako mahaiaren lehen bilkuraz
Imanol Pradales lehendakariak eta Alberto Martínez sailburuak gidatuta ostegun honetan bildu zen Bilbon osasun publikoari buruzko mahaia. Bertan izan ziren, halaber, osasunaren sektoreko eta euskal gizarteko eragile ugari.
Alberto Martínez Osasun sailburuak egoeraren diagnostikoa zehazten duen txosten zabala eraman zuen bilerara, eta adierazi zuen datorren martxorako osasun esparruko ituna lortu nahiko lukeela eragileekin.
Bileran izan ziren Eusko Legebiltzarrean ordezkaritza duten alderdiak –Vox izan ezik, Pradalesek ez zuen gonbidatu-eta–; Sindikatu Medikua eta SATSE erizainen sindikatua; CCOO, LAB eta UGT sindikatuak; EHU, Deustu eta Mondragon unibertsitateak, Confebask patronala, eta pazienteen eta profesionalen ordezkariak.
ESK sindikatua gonbidatu gabe zegoen, baina egoteko nahia agertu du eta hurrengo bileratik aurrera egongo da. ELAk egoteari uko egin dio, Jaurlaritzari ez diolako borondaterik ikusten Osakidetzan behar diren aldaketak egiteko.
Osasun sailburuak gai ugari jarri zituen mahaiaren gainean bere diagnostikoan, hala nola, gizartearen zahartzea, jaiotze-tasen beherakada, gaixotasun kronikoen gorakada, gaixotasun berrien agerpena edota klima aldaketa. Gizartearen osasun zerbitzuen eskaria ere gero eta handiagoa dela nabarmendu zuen.
Horren guztiaren aurrean, Osakidetzak finantzazio handiagoa behar duela azpimarratu zuen, eta finantzazio ereduak ere aztertu beharko direla. Besteak beste, prebentzioak izan behar duen garrantzia ere nabarmendu zuen, eta profesionalen lan baldintzak hobetu beharra ere bai.
Eragile gehienak pozik
Lehen bileraren aurrean pozik agertu dira eragileak, baina erreakzioetan mesfidantza kutsua ere nabari da haietako hainbatetan. Sumarrek zehaztu du, esaterako, Jaurlaritzaren politikekin alde handia dutela eta horregatik eszeptizismo maila bat agertu zuen. LAB pozik atera zen bileratik, baina zehaztuta orain aritzeak ez duela esan nahi itunean egongo denik, eta hori edukien arabera izango dela: “Diagnosian asko harritu gaitu langileekin eramandako politiken eta hauen ondorioen inguruko azterketarik ez egotea, ezta pribatizazio politiken eraginaren inguruko azterketarik ere”.
Bileran egon ez zen ELA sindikatua agertu da kritikoen harekin, bere ustez gobernuak ez duelako osasun arloan sakoneko aldaketarik egiteko asmorik: “ELA Osakidetzako mahai sektorialean dago gainontzeko sindikatuekin, eta mahai hori erabat blokeatuta dago. Jaurlaritzaren gobernu programa irakurrita, ez dugu inongo zantzurik ikusten pentsatzeko Jaurlaritzak osasun politikak aldatzeko borondatea duenik”. ELAk gogorarazi du ez duela elkarrizketa sozialeko mahaietan parte hartzen, “mahai horiek edukirik ez dutelako eta propagandistikoak direlako”.
Osakidetzak Itzulbide aurkeztu berri du. Itzultzaile neuronal bat da EAEko osasuneko profesionalentzat, euskaraz egiten diren kontsulta medikoetako informazioa gaztelaniara itzultzen duena. Euskara lan-hizkuntza eraginkorra izateko baliabide gehiago eskainiko dizkie... [+]
Abuztuan chikungunya infekzio kasu bat atzeman dute Hendaian. Bero boladek, tenperaturaren igoerak eta eremu tropikaletara egindako bidaiek areagotu dituzte kasuak.
Duela gutxi Eusko Jaurlaritzak bultzatutako "Euskadiko Osasun Ituna" izenekoaren porrota ez da anekdota politiko soil bat, ezta osasun-kudeaketan unean-uneko estropezu bat ere. EAEko osasunaren ikuspegi kolektibo, inklusibo eta benetan publiko bat galtzea politika... [+]
25,6 eguneko batez besteko itxaron zerrendak daude Osakidetzako Osasun Mentaleko Zentruetan. Larrialdi kasuetan, aldiz, 24 eta 72 ordu arteko itxaronaldiak daude.
Kargua hartu eta urtebetera, Alberto Martínez Eusko Jaurlaritzako Osasun sailburuak lantaldean aldaketa batzuk egin dituela iragarri du, "etorkizuneko osasun sistema publikoaren eraldaketari" ekiteko: besteak beste, Gontzal Tamayo Medel sailburuorde berria... [+]
Osakidetza lanean ari da Asisa aseguru-etxe pribatuaren filial baten Quantus Skin sistema osasun-zentroetan ezartzeko, 1,6 milioi euroko inbertsioa eginda. Adituek kritikatu egin dute adimen artifizialeko sistema hori, emaitza "eskasak" eta "arriskutsuak"... [+]
Azkenaldian osasun publikoaren egoera kaxkarra justifikatzeko erakunde publikoek gero eta sarriago aipatzen dute mediku eta espezialisten premia dagoela. Ez omen dago eskaria asetzeko nahikoa langilerik. Eusko Jaurlaritzak ardura osoa Espainiako Osasun Ministerioari egozten dio,... [+]
Eskualdeko ospitaleko zerbitzua ixtearen ondoren, ez dira Donostiako Ospitalean ere artatzen. Haurren larrialdietako arreta gabezia ere dirau. Lehen mailako arretako pediatria kolapsatuta dago eta ez dago haur-psikiatrarik.
Civio fundazioak salatu duenez, Osakidetzak darabilen AA sistema batek (Quantus Skin) kontratuan agindutakoa baino askoz efikazia gutxiago dauka. 1.6 milioi euroko inbertsioa da, larruazalaren melanoma minbiziak detektatzea du helburu, eta bere emaitzak eskatu zuen %85eko... [+]
Hizkuntzak osasun arretaren kalitatean duen eragina aztertu dute EHEk eta EHUk. Jon Zarate Sesma EHEko kide eta EHUko ikertzaile doktoreak emaitzen xehetasunak eman ditu.
GIB / HIESA kasuak mantendu dira, baina klamidia, gonorrea eta sifilis kasuak bikoiztu dira. "Osasun publikoko arazo" direla ohartarazi du Jaurlaritzako Osasun sailburuak, "gorakada nabarmena" izan baitute.
Iazko udazkenean egin zuten sinadura bilketa, eta abenduaren 12an entregatu zituzten atxikimendu guztiak Osakidetzaren Gasteizko zerbitzu zentraletan.
Sindikatuak adierazi du bi ospitale horietan behin-behinekotasunean daudela langile gehienak, eta ordezkapenak ez direla bermatzen; ondorioz, langileen lan-karga areagotzen dela. Gehitu du larrialdi zerbitzuetan “gainkarga” dagoela.
“Ea hurrengorako ikasten duzun…”. Horrela agurtzen zuen amak onkologoa, kariñoz eta lotsarik gabe, kontsultatik ateratzen ginen bakoitzean. Hamar bat kontsulta egingo genituen bospasei urteren bueltan, eta agurra beti bera izaten zen. Emakume atsegina... [+]
Jose Ignacio Martinez Ortegak, OPA Herri Plataformako bozeramaileak, salatu du Eusko Jaurlaritzak “azkar” itxi nahi duela osasun mahaiko eztabaida.