Pandemia garaian hildako adineko arabarrak omendu dituzte Gasteizen
200 pertsona hil dira Arabako zaharren egoitzetan azken urtean. Arabako Babestu elkarteak salatu dut asistentzia ez dela ona eta interes pribatuak lehenesten ari direla erakunde publikoak.
Larunbatean dozenaka pertsona bildu da Gasteizko Diputazio plazan azken urtean hildako adinekoei omenaldia egiteko, Alea-k jaso duenez. Egoitzetako eta eguneko zentroetako erabiltzaileen eta etxean bizi diren adinekoen senideen elkarte Babestuk deitu du elkarretaratzea.
Bakardadean hil
Adineko pertsonek bizi duten egoera salatu du Babestuk. Elkartearen esanetan, zerbitzu publikoak indartu beharrean “interes pribatuak” defendatu dituztenekin eskuz esku aritu dira erakundeak osasun krisian: “Egoitzekin, etxez etxeko laguntzekin eta abarrekin irabaziak lortzen ari direnekin". Adinekoen eta beren senideen “babesgabetasuna” salatu du Babestuk: “Pandemiaren kudeaketa eta haren ondorioak gure adinekoen zaintzaren kalitate txarraren isla dira. 200 pertsona baino gehiago hil dira Arabako egoitzetan eta eguneko zentroetan. Erabateko bakardadean hil dira”.
Orain arte kudeaketa zeraman enpresa pribatuarekin kontratua eten eta Patronatuko Batzordeak erabaki du Zaintza Lanak SL udal enpresa publikoren esku uztea egoitza. Eraikinean obrak egingo dituzte eta egoiliarrentzako lekua murriztuko dute eraberritze lan horien ondorioz.
Milaka pentsionista atera dira kalera astelehenean, txistulariekin eta konpartsekin batera, Bilboko Aste Nagusiaren oihartzuna aprobetxatuz. Hainbat erreibindikazio egin dituzte, hala nola 1.080 euroko gutxieneko pentsioa.
Urkulluk askotan aldarrikatu du sistema kapitalistaren muinean dagoen publiko-pribatu elkarlana, baina lotura hori gaur zertan den azaltzeko inolako asmorik gabe. Publikoa osagarria eta menpekoa denean, ezin dituenean merkatuaren interesak zanpatu, eta lege bidez inposatutako... [+]
Maiatzaren 23 eta 24an grebara deitu dute Arabako zaharren egoitza pribatu eta etxebizitza komunitarioetako langileek. Patronalaren “blokeoa” salatu dute ELAk eta LABek, eta soldata igoera eta lanaldi murrizketa jasoko dituen lan hitzarmena eskatu.
Otsailaren 1ean zortzi eguneko greba abiatu zuten Bizkaiko erresidentzietako eta eguneko zentroetako langileek. Lan baldintzen hobetzea eta zentroetan eskaintzen den arreta ereduaren errotiko aldaketa exijitzen ari dira. Asteazkena dute azken greba eguna, baina ez dute... [+]