Palestinari Euskal Herritik egindako hamaika begirada ostiraletik aurrera ARGIAn
Ostiralean "Biladi Hadi – Hamaika begirada Palestinari, Euskal Herritik” liburua eta musika CDaren izen bereko bloga zabalduko dugu ARGIAn. Biladi Hadi brigadako kideek Palestinan egindako argazkiei buruz Euskal Herriko hainbat lagunek idatzitako testuak argitaratuko ditugu astean bitan. Ostiraletan aldiz, liburuarekin batera banatutako musika diskoaren abesti bana.
aurre egingo dieten hedabide independenteak
BILADI HADI elkartasun brigada
Biladi hitzak arabieraz “nire herria” edo “nire lurra” esan nahi du, eta palestinarren ereserkiaren izenburua ere bada. Biladi Hadi 2010eko uztailean eta irailean Palestinan izandako elkartasun brigada izan zen, kulturgintzan eta bestelako eremuetan lanean diharduten euskal herritarrek osatua: musikariek, kazetariek, pailazoek, bertsolariek, zinemagileek, eta ikasleek, besteak beste. BDS edo Israeli Boikot nazioarte mailako egitasmoaren oinarrien baitan lan egin zuten proiektuaren esparru gzutietan.
Bidaia joan-etorriko lan gisa ulertuta, Palestinan ikusi eta ikasitakoa oinarri, argazki-liburua, musika diskoa, hitzaldi sorta eta argazki erakusketa sortu zituzten. Biladi Hadi blogean astero lan horien edukiak zabalduko dituzte.
Brigadaren inguruan inguruan proiektuko bi kidek egindako bideo-errreportajea da ondorengoa.
