Israelen genozidioa salatzeko protesta andana antolatu dute
Palestinarekin Elkartasuna plataformak osteguna, ostiral eta larunbatean eginen ditu protestak, Israel genozida. Palestinar erresistentzia aurrera! lelopean. Gernika-Palestina-k ere manifestazio nazionala antolatu du larunbaterako Donostian. Euskal Herriko Kontseilu Sozialistak ostiralerako ezarri ditu hitzorduak hainbat herritan. Gure Haurrak ere Badira egitasmoak astelehenerako jarri du mobilizaziorako deia.
970 hildako 48 orduz Gazan. Tregoa hautsi du Israelek eta 2023ko urriaren 7az geroztik bideraturiko erasoaldi handiena egin du Gazako zerrenda osoan: 48.577 hildako izatetik 49.547 izatera pasa dira bi egunez. Martxoaren 19an Gazako Osasun Ministerioak plazaraturiko datuak dira. Hori horrela, estatu sionistak Palestinan martxan duen genozidioa salatzeko hitzordu andana egonen da ondoko egunetan Euskal Herrian zehar:
Palestinarekin Elkartasuna plataformak ostegun, ostiral eta larunbatean
Israel genozida. Palestinar erresistentzia aurrera! lelopean eginen ditu mobilizazioak Palestinarekin Elkartasuna plataformak. Ostegunean, Gasteizko Andre Mari Zurian, Bilboko Arriagan eta Donostiako Bulebarrean izanen dira protestak, 19:00etan lehen bietan eta 19:30ean azkenean. Ostiralean, berriz, Iruñean jarri dute hitzordua, 18:30ean Baratxurien Plazatik abiatuta, eta larunbatean, 13:00etan Altsasun, udaletxe aitzinean.
Israelek Gazaren aurkako bonbardaketei berriz lotu izana salatzeaz gain, Zisjordanian indartzen ari den erasoaldia salatuko dute. Hastapenetik plazaraturiko aldarriak entzunaraziko dituzte beste behin: "Herri palestinarrari eta bere erresistentziari elkartasun irmoa adieraziko diogu, eta Israelgo estatu genozida eta konplize guztiak salatuko ditugu, baita Euskal Herritik ematen diren konplizitateak ere. Izan ere, horiek guztiak entitate kolonialaren existentzia eta egungo genozidioa gertatzea ahalbidetzen dute".
Gernika-Palestina-k manifestazio nazionala
Israelen erasoen aurrean, euskal jendartetik eman beharreko erantzuna "ezinbestekotzat" jo eta manifestazio nazionala antolatu du Gernika-Palestina herri ekimenak. Larunbatean Donostiako Bulebarrean elkartuko dira, 17:30ean, Genozidioa stop! Israel, su etena orain! lelopean. Genozidioa bukatu dadila exijituko dute, nazioarteko komunitateari eskaera zehatz batzuk luzatuta: "Baliabide guztiak erabilita, Israel behartu dezala nazioarteko erabakiak behingoz betetzera, eta su etenaren bidera itzultzera, Palestinako herriaren eskubideak bermatze aldera; hau da, Palestinak justizia, lurra eta bakea izan ditzan".
EHKSk ostiralean
Orotara hamasei herritan jarri du hitzordua Euskal Herriko Kontseilu Sozialistak ostiral arratsalderako: Gipuzkoari dagokionez, Errenterian, Arrasaten, Azkoitian, Azpeitian, Beasainen, Bergaran, Tolosan, Zarautzen, Zestoan; Bizkaian, Durangon, Galdakaon eta Gernikan; Araban, Mungian; Lapurdin, Baionan eta Nafarroan, Lizarran eta Garesen. EHKSk aldarritzat hartu du Israel estatu terrorista! Palestina askatu!. Karrikak hartu eta estatu sionistaren izaera genozida salatzeko beharra azpimarratu du EHKSk.
Gure haurrak ere badira ekimenak, astelehenerako
Palestinarekiko elkartasunean eta bereziki haur palestinarren defentsan urgentziazko kontzentrazioak antolatzeko deia luzatu du Gure Haurrak ere Badira ekimenak. Hitzordua eskola eta institutu guzien aitzinean jarri dute, astelehenerako, eskolak hasi aitzin edo ondotik. Ondokoa irakurri daiteke bidalitak deialdian: "Ezin gara isilik geratu. Ezin dugu basakeria hau normalizatu. Erailtzen ari diren haur horiek gure seme-alabatzat hartu, guraso horiek gure arreba-anai bezala sentitu eta lau haizetara oihukatu behar dugu: aski da! Gure gobernu eta erakundeei genozidio honen aurka argi eta tinko posiziona daitezela eskatzen diegu. Euskal herritarrok sarraski honen konplize izan ez gaitezen neurriak har ditzatela".
Hildako kazetarietako bat Anas al-Sharif da, palestinarren genozidioa zerrendatik kontatzen dutenen artean ezagunenetako bat. Al Jazeera hedabideak adierazi du Israel errudun dela Gazako sarraskia barnetik azaleratzen duten kazetariak nahita hiltzeagatik, eta horrela sarraskia... [+]
Ostiral goizeko albisteak erreakzio ugari piztu ditu Israelen zein nazioartean. Aurka agertu dira Israelgo bahituen familiak eta NBE. Alemaniak, Israelen aliatu tradizionalak, armak saltzeari utziko diola jakinarazi du.
Ostiral goizaldean eman du erabakiaren berri Israelgo Gobernuak, hamar orduz luzatu den bilera baten ondoren. Dena den, okupazioa gauzatzeko, gobernu osoaren baiezkoa behar du Netanyahuk: igandean izan daiteke bilera. Segurtasun Kontseiluak, halaber, mugak jarri dizkio... [+]
Israelgo lehen ministroa Segurtasun Kabinetearekin biltzekoa zen asteartean, "Gaza osorik okupatzeko planaz" eztabaidatzeko eta hori aurrera eramateko; baina atzeratu egin dute bilera. Israelgo armadaren buru Eyal Zamirrek, aldiz, Gazan diharduten lurreko soldaduei... [+]
Bahituen "egoera larriaz" eztabaidatuko dute biltzarrean egongo diren herrialdeek, Danny Danon Israelek Nazio Batuen Erakundean duen enbaxadorearen arabera. Hamasek adierazi du bahituek osasun arreta jasoko dutela baldin eta Israelek Gazara laguntza humanitarioa... [+]
109 elkartek adierazi berri dute, tartean Munduko Osasun Erakundeak edo Mugarik Gabeko Medikuek, Gazan gosete masiboa sufritzen ari direla, Israelgo Gobernuak hala erabakita. Bi milioi lagunen kontra gosea arma gisa erabiltzen ari dira, etekin politikoak lortu asmoz. 2025ean,... [+]
Bilboko 13 konpartsek iragarri dute ez dutela Coca-Colarik salduko Aste Nagusiko txosnetan. Instagramek albiste horri buruzko Deiaren argitalpena iradoki zidan, eta iruzkinak hiru multzotan sailkatuko dizkizuet: konpartsei isekak, halako ekintzek eraginik ez dutela... [+]
Milaka lagun bildu ziren Vienan ekainaren 13tik 15era, lehen edizioa izan zuen Judu Antisionisten Kongresuan. Hiru egunez eztabaidatu eta hausnartu ostean, ohar bat argitaratu dute Israel palestinarren aurka egiten ari den genozidioaren eta garbiketa etnikoaren aurrean ahotsa... [+]
Yinon Levi izeneko kolonoak Odeh Hadalin aktibista hil du Zisjordania hegoaldean. 'No Other Land' dokumentala grabatzen lagundu zuen Hadalin, dokumental onenaren Oscar saria irabazi zuen martxoan. Kolono hiltzailea palestinar lurraldeak okupatzeagatik AEBetako zigor... [+]
The Lancet aldizkari ezagunak iazko uztailean eginiko "aurreikuspen zuhurraren" ondoren, zuzenean eta zeharka Gazan hilda egon daitezkeen palestinarren kopurua eguneratu du Steven Donziger abokatu entzutetsu estatubatuarrak, The Lancet-en formula... [+]
Nire gorputza erortzen ari da. Ama kolapsatzen ari da nekeak jota. Nire lehengusuak egunero jokatzen du bizitza laguntza pixka baten truke. Gazako haurrak gure begien aurrean hiltzen ari dira eta ezin diegu lagundu.
Nafarroako Kutxa Fundazioari esker 41.000 euro bideratuko ditu Palestinara Salam Gaza Gobernuz Kanpoko Erakundeak, umezurtz geratu diren haurrei eskolak bermatzeko gutxienez beste urtebetez. Alor akademikoa eskaintzeaz gainera, babes psikologikoa eta laguntza emozionala... [+]
"Pausa taktiko" gisa definitu ditu Israelek. Igandean hasi da eta 35 kamioi sartu dira Gazako zerrendara.
Milaka pertsonak modu aktiboan parte hartu dute, eta hala jarraitzen dute, XXI. mendeko holokausto telebisatu handienaren aurka protestatzeko, eta pertsona horiei errespetu eta miresmen handiena zor diet. Baina, gizateriaren zoritxarrerako, askoz gehiago dira, egoerarekin... [+]