PAC diru partekatze itsusiaren sustengu ixilak
Aski harrigarriak ziren azken aste hauk PAC [Europako Nekazaritza Politika Bateratua, frantsesezko eta gaztelerazko sigletan] dozierra hurbildik segitu ahal izan dugunentzat. Eta beste behin frogatzen ari dugu laborantza ministroa FNSEAko [Frantziako laborarien sindikatu nagusia] buruzagien esku dela.
Uda hastapenean eman zauzkigun ministroak bere xedeak PAC berriaren dirulaguntzak partekatzeko.
Europak behartzen du hektara guziei ematen den laguntza balio bakar batetik hurbiltzea ondoko urteetan, gutienez %60az. Frantziak lau proposamen agertu ditu, beharrezko neurri hortarik, hektara guziak ber moldean laguntzeraino. Xedea zen hemen [abere] hazkuntzari laguntza ekartzea, bederen eremu zabalak dauzkan lurraldetan.
Aldi berean, laborantzako ministroak proposatu du etxalde bakotxeko lehen 52 hektareen doblezka laguntzea, eta GAECentzat [GAEC, Groupement Agricole d'Exploitation en Commun, zenbait laborari txikiz osatutako etxaldeak], laguntza hori emendatzea GAECak zaukan kide bezainbat aldiz, eremuak izanez geroz. Xedea zen aldiz hemen laborantzako enpleguaren laguntzea. Eta badakigu ofizialki Frantziako laborantzak eremuak handiago eta enplegu gutiago baliatzen duela.
Confédération Paysanne [ELB barne da] sindikatak goretsi du hektara guzien berdin laguntzea, gutieneko xuxentasuna baita. Nahiz badakigun laguntzak hektaraka emanen direno, eremu zabalek irentsiko duten diru zama handiena. Gure sindikatak onartu du lehen 52 ektaren laguntza doblezka ematea. Nahiz aspaldi diogun enplegua egiazki laguntzekotz, laguntzak laborari arau behar litezkeela ordaindu. Eta bitartean jakinerazi dugu ere askoz gehiago lagunt zitezkeela etxalde bakotxeko lehen 25 hektarak, eta geroago eta gutiago handik haratekoak.
Laborantzako ministroak eta Frantziako presidentak dute hautatuko eta agertuko nola partekatuko dituzten PAC laguntzak 2014-2020 artekoak. Urri hastapeneko trenkatuko dute auzia. Eta lerro hauk idaztean ez dakigu arras zertarat deliberatuko diren.
Badakigu azken egun hauetan sekulako indarra egiten ari dutela FNSEAko buruzagiek deusik ez dadin alda PAC diruketaren partekatze legetan : Europak behartzen duen neurrian atxik hektara bakotxaren balioa, beraz ainitz hunkitzen zutenek segi ainitz irabazten. Eta lehen 52 hektaren doblezka aguntzeari uko egin, ekilibra galduko omen bailuke laborantzaren ekonomiak. Eta GAECak laguntzekotan, lagunt baitaere beste moldetako sozietate guziak, hainbeste diru legarretarik eta axurantzetarik ihes egiteko elkarte bide direnak.
Euskaldun, biarnes ala edozoin menditako laborari direnei sinets arazi daukute mendiko lurren laguntzea ICHN [Indemnités Compensatoires de Handicaps Naturels, Naturak ezarritakok Eragozpenak Berdintzeko Kalte-ordainak] bidez sekulako garaipena zela. Bistan da ICHN eskuratzen duten 85.000 laborariek begi onez hartzen dutela denek eskatzen dugun neurri hunen onespena.
Zoritxarrez, ilusitu gaituzte mendiko laguntzen baitezpadako emendatzearekin. Mendialdetako laborantzaren ordezkariek denek beharko zuketen eskatu behi haragiko eta ardien primen goratzea, eta beharko zuketen ozen jakinerazi hektara guziak balio berean nahi ginituela, lehen hektarak hobeki ordainduak nahi ginituela....xuxen den bezala.
Gure eskualdetako FDSEA ordezkariak guti entzun badira xuxentasunaren alde, amor eman badute FNSEAko buruzagi nagusien larderiari, azken hauek indar guziak egiten ari dituzte ministroak gibel igor ditzan bere xedeak: 6 miliar euro partekatuko dituzte 190 000 etxaldek, eta miliar bat doi doia geldituko da 50 hektaraz azpitik duten 160.000 etxaldentzat. Zenbakiak berak mintzo dira.
Sekulako diru zamak partikatzen dira eremu zabal eta ongi bizi diren laborantza modu batzuen artean. Ez ditaike zintzoki nehor izan gure eskualdetako laborantzaren defendiatzaile, eta PAC diru partekatze itsusi horren sustengu ixil!
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori,... [+]
Emakumea eta lurra elkartzen dituen liburua idatzi du Onintza Enbeitak: Bizitza baten txatalak. Gure aurrekoen bizimodua jaso du, andre baten ahotan: "Baserria bere horretan, erromantizismorik gabe". Feli Madariaga (1932, Baldatika, Forua, Bizkaia) da andre hori, lurrari... [+]
Irulegi eta Anhauze artean ditu mahastiak Joanes Haritschelharrek, Amama proiektuaren bultzatzaileak. “Mahastiak ene amarenak ziren, eta bera jubilatu zenean hartu nuen nik etxaldea, 2022an”, azaldu du. Ama mahastizaina eta aita ardi gasnagilea ditu, eta beraz, beti... [+]
Elkarretaratzea eta asanblada antolatu dituzte azken berriak zeintzuk diren jakinarazteko. Horrez gain, irailaren 9an Baionako auzitegi aitzinean mobilizatuko dira, Marieneko lurraren defentsan aritutako hiru ekintzaile auzipetuko dituztelako.
Irailaren 2an hasi da epaiketa Iruñeko Zigor Arloko 2. epaitegian, ustez 2021ean makroetxaldeak haren inguruko lurrak minden hondakinekin kutsatzeagatik. Sasoi hartan Valle de Odieta makroetxaldeko administrazio kontseiluan ari ziren bost pertsona epaituko dituzte. ARGIA... [+]
Urtero bezala, aurtengoan ere martxan dira Araban, Bizkaian eta Gipuzkoan Udako Azoka Ekologikoak. Euskadiko Nekazaritza eta Elikadura Ekologikoaren Kontseiluak antolatzen ditu azokak, Gipuzkoako Biolurrekin, Bizkaiko Ekolurrekin eta Arabako Bionekazaritza elkarteekin batera... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
Biolur laborantza ekologikoaren aldeko elkarteak frutazaintza sustatu nahi du eta horretarako egun-pasa ederra antolatu du uztailaren 29rako; hiru proiektu ezagutuko dituzte bertatik bertara: Erroak mintegia Ahatsan (Nafarroa Beherea), Kibbi Sat Donezteben (Nafarroa) eta... [+]
Hainbat zigilu elkarrizketan jartzea. Horixe izan da Udako Euskal Unibertsitateak (UEU) eta EHKOlektiboak Usurbilen antolatutako jardunaldien abiapuntua. Bertan elkartu dira: EHKO Berme Sistema Parte hartzailea, Ekolurra zigilu ekologiko ofiziala, Idoki Iparraldeko etxe... [+]
HoBBea proiektua hiru elkarte hauek elkarlanean egina da: Biharko Lurraren Elkartea (BLE), Biolur eta Hazialdeko. Nekazari-okinaren figura indartu nahi dute HoBBea proiektuaren bidez, eta lurraldeko ogi ekologikoa kontsumitzearen balioak eta onurak ezagutarazi nahi dituzte... [+]
Aramaioko Beñat Ibarguren Arrizabalaga da Larrinbarri ahabi ekologikoak ekoizteko proiektuaren bultzatzailea, eta 2012tik ari da Anbotopeko bere lursailetan fruitu gorri landareak eredu ekologikoan lantzen. “Lagun batek eta biok sortu genuen proiektua, hasiera batean,... [+]
Laborantza herrikoia eta jasangarria bultzatzen duen azokak 20. urteurrena beteko du. Azaroaren 7tik 9ra antolatu duten erakusketa eta merkatuan parte hartzera dei egin du.
Burujabetzan sakontzeko egitasmoa da Oiartzun Burujabe proiektua, udalaren, herriko ehun ekonomikoaren eta herritarren artean bultzatu dutena. “Oiartzungo herritarrek bertako baliabideak eta produktuak, bertan ekoizten dena erabiltzea bultzatu nahi dugu, kanpoko... [+]
Ekoizleen eta kontsumitzaileen arteko zuzeneko harremanak sustatzeko asmoz azoka berria jarri du martxan Iruñeko Udalak, INTIA-Reyno Gourmetekin, Nafarroako Nekazal Produkzio Ekologikoaren Kontseiluarekin (NNPEK), Elikagai Artisauen Elkartearekin eta Bizilurrekin... [+]