ARGIA.eus

2022ko abenduaren 08a

Pablo Milanés abeslaria hil da

  • Pablo Milanés abeslari kubatarra zendu da, 79 urterekin. Madrilen eman ditu azken urteak, baina han eta hemen kontzertuak eskaini ditu, azken unera arte.

Milanés 2015ean. Argazkia: David Estrada Larrañeta /FNPI
ARGIA @argia
2022ko azaroaren 22a - 09:53

Azaroaren 14an Iruñean, 30ean Mexikon eta abenduaren 5ean ematekoak zituen kontzertuak bertan behera utzi behar izan zituen Pablo Milanés abeslariak, ospitalizazio baten ondorioz. 2017tik bizi zen Madrilen Milanés, gaixotasun baten tratamendua jasotzeko.

Silvio Rodriguezekin eta Noel Nicola-rekin batera Kubako Troba Berriaren sortzaile eta adierazle esanguratsuenetakoa izan da Milanés, eta Euskal Herrian ere biziki ezagun eta erreferentziala, batez ere 80ko eta 90eko hamarkadetan. 40 disko baino gehiago argitaratu ditu eta hainbat sari jaso ditu. Kubako Musika Sari Nazionala eta Bikaintasun Musikalaren Grammy Latinoa, besteak beste.

Kubako iraultzarekin sakon konprometitutako artista izan da, baita egindako "akatsekiko" kritikoa ere. Azken hamarkadetan Kubako iraultzarekiko ahots kritiko nabarmena izan da.

 

Kanal hauetan artxibatua: Musika  |  Kuba

Musika kanaletik interesatuko zaizu...
2022-12-11 | Iñigo Satrustegi
Marra urdin pintxeei ez!

Badira aste batzuk auzo honetan ezohiko bizia dagoela. Kontzertuak, giroa eta beste aspaldiko partez, Txantreako agendaren parte dira. Asteburu honetan zita dugu, berriz ere, elkartasunetik eta parrandatik asko duena: Margolari eguna.
Artistikotik ordea gutxi du ospatzeko. TAOk... [+]


2022-12-11 | Itxaro Borda
Gauez

Azken asteotan, ordua aldatuz geroztik bereziki, gau sakon, luze eta etengabe batean bizi naizela dirudit. Ene egiteko gehienak eguzkia sartu ondorengo uneetan gertatzen dira. Gustatzen zait alabaina, betidanik lo nekezeko gau-txoria izan naizela uste dudalako. Beltzaren oihalak... [+]


2022-12-11 | Xalba Ramirez
Xoratuko zara

Bai, erraten den bezala, lehengo lepotikan burua”. Olaiaren ama, amona, izeba, bizilagunak ematen dio izena diskoari. Sustraietatik datorkio arima lan honi. Gutxi gorabehera jakina zen, jarraitzen zutenentzat behintzat, Olaia Inziarte egiten ari zena berezia izango zela... [+]


Bidaia bat norabide guztietan

Asteazken, ostegun eta ostiralez bete du Sílvia Pérez Cruzek Victoria Eugenia, beste behin. 2020aren hondarretan ateratako Farsa (género imposible) diskoaren birari bukaera eman zion kontzertuokin. Donostian hasi eta Donostian buka. Hiru formatu... [+]



Irakurrienak
Argia buletina
Egunaren laburpena
zure e-postan
Eguneraketa berriak daude