Terrorismoa goraipatzeagatik eta Espainiako Erregearen ohorea iraintzeagatik epaitu eta zigortu dute Pablo Hasel rap kantaria Auzitegi Nazionalean. Gaur eman dute epaiaren berri: espetxera sartu beharko du, bi urte eta egun bateko zigorra betetzera.
"Hedabide askok gezurra diote. Ez naute zigortu ETA goratzeagatik. Egia da ETAren ekintza gehienak ez ditudala sekula gaitzetsi, baina ez naute horregatik zigortu, baizik eta ustezko ETAko militante batek pairatu zituen torturak salatzeagatik, beste hainbat gauzaren artean", adierazi du Haselek Twitterren epaia jakin berritan.
Adierazpen askatasunaren aurkako epaiketa izan dela salatu dute hainbat herritarrek sare sozialen bidez, eta zigorra jakin berritan ugariak dira elkartasun mezuak. 10 egunen tartean bigarren rap abeslaria da Espainiako auzitegiek espetxera zigortu dutena. Otsailaren 12an Mallorkako Valtonic-i 3 urte eta erdiko kartzela zigorra ezarri zioten.
Hau da zigorra justifikatzeko baliatu duten abestietako bat.
Talde kontserbadore batek salatu du institutua, Muguruza hitzaldi bat ematera gonbidatzeagatik. Bellreguardeko Udaleko zinegotzi ohi batek esan du ez zela hitzaldirik egon. Institutuko zuzendaritza taldeak hilaren 26an deklaratu beharko du guardiako... [+]
Otsailaren 28an bi urte bete dira Pablo Gonzalez kazetaria Polonian atxilotu zutela. Errusiako espioia izatea leporatu zioten hango zerbitzu sekretuek, baina oraindik ez dute horren froga edo zantzu ñimiñoena erakutsi.
Iruñeko abeslaria bere abestietako letrengatik kartzelaratuko dute, besteak beste, udaltzainen kontrako "gorrotoa eta indarkeria" sustatzea leporatuta.
Josep Miquel Arenas Beltrán ‘Valtònyc’ rap kantari mallorcarrari hiru urte eta sei hilabeteko kartzela-zigorra ezarri zion Espainiako Auzitegi Gorenak bere kantuetan “terrorismoa goratzea” eta Espainiako koroari “irain egitea”... [+]
Donostiako Groseko jaietan larunbatean antolatu zen grafiti erakusketan sutan zegoen Ertzaintzaren furgonetaren irudia erakutsi zuten, eta Ertzaintza azaldu zen kentzera. Segurtasun sailburu Josu Erkorekak “gorroto eta indarkeria bultzatzen duen irudia” dela adierazi... [+]