Pablo Gonzalezi semeekin hitz egitea galarazten dio Poloniako Justiziak
Polonian preso duten Pablo Gonzalez kazetariaren bikotekide Oihana Goirienak bizi duten egoera ezohiko eta “zentzugabea” salatu du Eusko Legebiltzarrean. Poloniako auzitegiek ez diete utzi lau hilabeteotan ez berari ez bere semeei Gonzalezekin kontakturik izaten. “Nahiko eskandalagarria da”.
Segurtasun handiko modulu batean dute Pablo Gonzalez eta Poloniako auzitegiek trabak jartzen dizkiote senideen bisitak jasotzeko. Oihana Goirienak bidalitako eskaerari auzitegiek erantzun zioten justifikatzeko ea zergatik nahi duen senarra bisitatu eta ea zergatik semeek nahi duten aitarekin telefonoz hitz egin. “Zentzugabea da”, adierazi du Eusko Legebiltzarreko Europako Gaien eta Kanpo Ekintzen Batzordean. Públicok jaso du Batzordean hitz egindakoa.
Abokatuak esan zion Goirienari beharbada bera ere susmagarritzat dutela Poloniako zerbitzu sekretuek, “baina semeek zergatik ezin dute bere aitarekin hitz egin?”.
Pablo Gonzalezekin zuzenean hitz egin ahal izatea eskatu du, “batez ere bere semeek entzun ahal izatea aita hor dagoela. Komunikazio zuzenerako Gonzalezek duen eskubidea urratzen ari dira, eta gainera, hiru adin txikikori ukatzen diete aitarekin komunikatzea. Nahiko eskandalagarria da”.
Gonzalezen abokatuak kasuaz hitz egitea debekatua duela eta senarrari buruz jasotzen duen informazioa nahiko eskasa dela ere azaldu du Legebiltzarrean.
Noiz arte?
Presoa Espainiako kontsularekin eta Poloniako abokatuarekin baino ezin da komunikatu. Kontsularen lana da “nire senarrarekin komunikatzeko baliabide zuzen bakarra eta fidagarriena; bien arteko bitartekaritza egiten ari da”. Pablo Gonzalez osasunez ongi dagoela eta optimista dela azpimarratu du Oihana Goirienak, “baina jakitun da bi urte eman ditzakeela behin-behineko espetxealdian, epaiketaren zain”.
Espainiako Gobernuak berarekin komunikazio zuzena izatea nahiko lukeela gaineratu du.
Bisitatu ahal izatea, telefonoz deitu ahal izatea, Pablo Gonzalezen espetxealdia ez luzatzea eta epaiketaren data jartzea eskatu du Goirienak.
Gonzalezen abokatu Gonzalo Boye-k gogoratu du guztiz ezohikoa dela egoera eta bermedun prozesua izateko Europar Batasunak eskatzen dituen baldintzekin ez dela betetzen ari Polonia.
Ekaitz perfektuak harrapatuta erreportajean jorratu dugu gaia.
Varsoviako Barrutiko Auzitegiak argudiatu du González jada ez dagoela Polonian, eta ezin dutela jakin noiz aterako den Errusiatik. Auzitegiak ez du kazetari nabarniztarraren aurkako bestelako prodezurarik abian jarriko.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
"Sedizioa bultzatzen duelako" hartu du Al-Jazeeraren zabalpena eta lana "aldi baterako" debekatzeko erabakia Palestinako Aginte Nazionalak. PAN "Israelekin lerrokatu izana" deitoratu du komunikabideak, argi utzirik "mehatxuen eta intimidazioen... [+]
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]