Otegiren Europako bidaiaz erreportaje zabala egin du 'The Guardian'ek
Arnaldo Otegi Sortuko idazkari nagusiak bidaia egin du Europan barrena. Irlandan, Ingalaterran eta Belgikan izan da azken egunetan, eta, besteak beste, Jonathan Powell, Bertie Ahern eta Gerry Adamsekin biltzeaz gain, Europako Parlamentua ere bisitatu du.
Europan igaro dituen egunei buruzko erreportaje zabala egin du The Guardian egunkariak. “Jendeari azaldu nahi dizkiogu zein diren gure helburuak, zein diren gure kezkak, eta Espainiako Estatuak blokeatu nahi duen bake prozesuari bultzada eman nahi diogu”, azaldu dio Otegik egunkariari.
Mariano Rajoy Espainiako Estatuko jarduneko presidentearen aburuz, “Otegik egin behar duen gauza bakarra da ETAren indarkeria kondenatzea eta biktimei barkamena eskatzea”. Otegik adierazi du diskurtso horren helburua dela Euskal Herria gerra psikologiko batean mantentzea, eta gehitu du ETAren borroka armatuaren ondorioz, Espainiako Estatuko hainbat kontu isilpean mantendu direla: “ETAK borroka armatua amaitu ez balu, ustelkeria kasuak ez ziratekeen argitaratuko, eta Espainiako politikako bi alderdi politiko nagusien beherakada ez zatekeen gertatuko.
Terrorismoaren Biktimen Elkarteren ustez, Europar Batasunean zerbait oker dagoen sienale da Otegi Bruselan izatea, “parlamentarien taldeak ahotsa terroristei ematen dietenean, eta ez biktimei”. Zentzu horretan, Otegik azaldu du erabat errespetatzen duela biktimen mina, baina “batera egin dezakegun ekarpenik handiena da ulertzea alde guztietan daudela biktimak”.
Kataluniako eta Euskal Herriko independentziaz ere mintzatu da Otegi, eta onartu du Kataluniako independentzia prozesua askoz ere aurreratuago dagoela. Dena den, konbentzituta dago Katalunia eta Euskal Herria independenteak izango direla.
Donostian festa giroan egin dituzte adierazpenak EH Bilduko Maddalen Iriarte eta Arnaldo Otegik. Joseba Asiron ere pozik agertu da Iruñean.
EH Bilduko idazkari nagusiak pandemiaren seigarren olatuak sorturiko egoera "larria" dela nabarmendu du eta koalizio abertzaleak proposaturiko hainbat neurri azpimarratu ditu, besteak beste txertaketa anbulategietatik ateratzea edo aztarnari gehiago kontratatzea.
Euskal Herri osotik heldutako milaka pertsonak kaleak hartu dituzte, eta Arnaldo Otegik dei egin du “estatus berria” eraikitzeko “bloke historikoa” osatzera.
Arnaldo Otegi EH Bilduko buruak eskerrak eman ditu lehenik EH Bilduren aldeko kanpaina egin dutenei, “bereziki espetxeetan horretan aritu diren presoei”. 140.000 boto gehiago lortu dituztela eta zinegotzi kopuruan Hego Euskal Herrian lehenengo indarra izan direla... [+]
Espainiako Estatuak ez dio helegiterik jarri Bateragune auziko epai europarrari eta honenbestez, behin betikoa da sententzia. Horrenbestez, Arnaldo Otegi eta harekin batera atxilotu zituzten ezker abertzaleko kideei ezarritako zigorrak bidegabeak direla baieztatu da. Kondenak... [+]