Arnaldo Otegi: "Neurri eraginkorrak hartu behar dira, ez kosmetikoak"

  • EH Bilduko idazkari nagusiak pandemiaren seigarren olatuak sorturiko egoera "larria" dela nabarmendu du eta koalizio abertzaleak proposaturiko hainbat neurri azpimarratu ditu, besteak beste txertaketa anbulategietatik ateratzea edo aztarnari gehiago kontratatzea.


2021eko abenduaren 23an - 15:53
Azken eguneraketa: 17:38

Arnaldo Otegiren ustez orain arte gobernuek COVID-19aren transmisioa eteteko hartu dituzten neurriak "kosmetikoak" baino ez dira: "Jakin badakigu urte eta erdi ondoren aire librean kutsatzea oso zaila dela, beraz aire librean maskara jartzeak, aglomeraziorik ez dagoenean, ez du zentzu handirik". Covid-pasaportearen inguruan ere ez dela "eraginkorra" azaldu du, eta EH Bildu beti egon dela "neurri zorrotz eta eraginkorren alde".

EH Bilduk bere idazkari nagusiarekin osaturiko bideo-elkarrizketa zabaldu sareetan, eta honek gogorarazi du proposatu izan dituztela hainbat ekimen pandemiari aurre egiteko, txertoak "liberalizatzearen" alde Espainiako Kongresuan martxan jarritakoa kasu: "Gure borondatea da txertoa planeta osoan eskuragarri egotea, ez farmazeutikek negozioa egitea". Era berean, Otegik nabarmendu du aurrekontuen negoziazioan "indar berezia" jarri dutela dirua eta inbertsioak "lehen arretan eta Osakidetzan nahiz Osasunbidean jartzeko".

EH Bilduren proposamenen artean daude: txertaketak osasun zentroetatik ateratzea; aztarnari gehiego kontratatzea, ez derrigor osasun langileak, baizik eta "osasun autoritateen kontrola" edukiko duten langileak; toki itxietan CO2 neurgailuez gain airea filtratzeko neurriak hartzea; "doan edo prezio sinboliko batean" autodiagnostikatzeko tresnak eskaintzea herritarrei; eta azkenik, ordaindutako zaintza bajak egotea positibo diren herritarren senideentzako.

"Hauek dira neurri eraginkorrak, eta ez kosmetikoak –dio Otegik bideoaren amaieran– eta hau da egin behar den eztabaida". Osasungintza publikoan azken urteetan izandako murrizketak ere salatu ditu ezker abertzaleko buruzagiak: "Guretzat, osasuna lehentasuna da, ezkerreko ikuspuntu batetik eta giza eskubideen ikuspuntu ere bai".


Kanal honetatik interesatuko zaizu: Covid-19 shockean adi
Hamar milioi euroko komisioak sortu zituzten Koldo García atxilotu duten maskaren operazioan

Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]


2022-03-29 | ARGIA
COVID-19aren aurkako pilulak iritsi dira Hego Euskal Herrira

Hego Euskal Herrira pilulaz betetako 722 kaxatxo iritsi dira, COVID-19a larri pasatzeko arrisku handiko gaixoentzat zuzenduta. Europar Patasunak COVID-19arentzako ahotik hartzeko gomendatu duen lehen pilula antibirikoa da Pfizerren Paxlovid eta Espainiako Gobernuak 253 milioi... [+]


2022-03-15 | ARGIA
Indarkeria matxista pandemian: erailketa gutxiago eta suizidio gehiago

Pandemiaren eragina indarkeria matxistan azterketa kaleratu berri du Espainiako Gobernuak. Bertan ondorioztatu dute eraildako emakume kopurua gutxitu egin dela, hauek kontrolatuta eduki dituzten denbora gehitu izanaren ondorioz. Baina emakumeen suizidioak gizonenak baino gehiago... [+]


2022-02-22 | ARGIA
Hipra txerto katalana merkaturatzear denean, patenteak kentzeko eskatu dute hogei erakundek

Merkatura ateratzear den Hipra txertoari patenteak kendu diezazkiola eskatu diote hogei erakundek Espainiako Gobernuari. Izan ere, Kataluniako multinazional honek COVID-19aren aurkako txertoa egiteko entsegu klinikoetarako diru publikotik gutxienez 15 milioi euro jaso ditu.


2022-02-20 | Estitxu Eizagirre
Eneritz Zubiaurre, COVID-19aren aurkako txertoak kaltetua
"Txertoa hartu nuenetik ia urtebetera, oraindik ez naiz gai bizitza normala egiteko"

Eneritz Zubiaurre irakaslea da, eta lan eremu horretan egin zen gizarteko lehenengotako txerto deiari erantzunez, ziztada hartu zuen 2021eko martxoaren 14an. Astra Zeneca egokitu zitzaion. “Inork, ezta txertoa jarri zidan erizainak ere ez zidan ohartarazi izan nitzakeen... [+]


Eguneraketa berriak daude