EH Bilduk “erresistentziatik askatasunera” igarotzeko beharra aldarrikatu du Bilboko manifestazio jendetsuan
Euskal Herri osotik heldutako milaka pertsonak kaleak hartu dituzte, eta Arnaldo Otegik dei egin du “estatus berria” eraikitzeko “bloke historikoa” osatzera.
aurre egingo dieten hedabide independenteak
Aurreikuspen oro gaindituta, aspaldiko manifestaziorik jendetsuena izan da larunbatean EH Bilduk Bilbon antolatutakoa. Antolatzaileen arabera, 70 autobus inguru joan dira Euskal Herri osotik Bizkaiko hiriburura, eta milaka pertsonak egin dute bat aldarrikapenekin. “Aske eta berdinen Euskal Herria lortu arte” lelopean, “euskal nazioa” eraikitzeko deia egin du koalizioak, “feminista, sozialista, burujabea, ekologista eta parekidea” izango dena. “Erresistentziatik askatasunera” igarotzeko urratsak eman behar direla azpimarratu dute.
Manifestazioaren amaieran, udaletxe parean ekitaldi politikoa egin dute, eta zuzenean eskaini dute sare sozialetan. COVID-19aren aurkako neurriak errespetatzeko gogorarazi ostean, hitza hartu dute Garazi Perea EH Bilduko militanteak eta Arnaldo Otegi koordinatzaile nagusiak. Pereak nabarmendu du, bertan bildutako jendetzari erreferentzia eginez, independentismoa ahul dagoela diotenei “garbi utzi” dietela “erratuta” daudela: “Gaur, herri honek berriro ere aurrera egiteko prest dagoela erakutsi du”. “Faxistei, klasistei, autoritarioei eta matxistei” aurre egiteko herritarrak kalean “borrokan” daudela azpimarratu du; halaber, instituzioetan ere lekua dutela gogorarazi du, eta horrek “ikaratu” egiten dituela batzuk: “Badakite alternatiba bakarra garela”.
Jarraian, Otegik Euskal Herriari hitz egin dio: “Mirari bat da herri hau bizirik egotea, mende askotan zehar desagerrarazteko estrategia bat egon baita”. Halere, azaldu du herrien “egoera naturala” ez dela “erresistentzia”, eta, beraz, pauso bat aurrera egiteko beharra aldarrikatu du: “Erresistentziatik askatasunera”. Horretarako, “bloke historiko nazionala” osatzeko deia egin du, “indar guztiak” bat eginda: herri mugimenduak, sindikatuak, alderdi politikoak eta norbanakoak, besteak beste. Adierazi du unea dela "estatus berri bat" eraikitzeko: “Euskal nazioak merezi duen estatus politiko, ekonomiko, kultural eta instituzionala lortu behar du”.
Azaroak 20, Brouard eta Muguruza gogoan
Arnaldo Otegik, besteren artean, gogora ekarri ditu Santi Brouard eta Josu Muguruza HBko kideak eta “guda zikinaren” biktimak, haien hilketen urteurrenaren harira. Hurrenez hurren, 1984an eta 1987an tiroz hil zituzten azaroaren 20an. Goizean Egiari Zor elkartearekin batera omenaldia egin diete.
? Euren erahilketen urteurrenean, Santi Brouard eta Josu Muguruza gogoan izan ditugu Bilbon @EgiariZor Fundazioak antolatutako ekitaldietan.
Garaipenera arte! Aitortza, erreparazioa eta ez errepikatzeko bermeak. pic.twitter.com/cIz58uMRw8
— EH Bildu (@ehbildu) November 20, 2021
EH Bilduk jakinarazi du ez dutela “ausaz” hautatu manifestazioaren data. Brouarden eta Muguruzaren hilketez gain, egun horretan hil zen Franco diktadorea, 1975ean. Hori ere hizpide izan du Otegik: “Franco Erorien Haranetik ateratzea erraza da; zaila dena da faxistak kanporatzea estatuaren aparatuetatik”. Espainiako Estatua frankismoaren oinordekoa dela salatu du.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
1978ko sanferminetan gertatutako Poliziaren kargak argitzea, horiei buruzko dokumentuak desklasifikatzea eta gertakarietan hildako German Rodriguez biktima gisa aitortzea eskatzen diote Espainiako Gobernuari Kongresuak onarturiko dokumentuaren bidez.
Euskal Herriaren nazio izaera eta burujabetza aldarrikatzeaz gain, "erresistentzia eta borroka antifaxistari gorazarre egitea eta berrespen antifaxista egitea" jarri dute helburuen artean.
Algortako Larrañazubi inguruan dago kanpalekua, eta Getxoko Udaltzainek hori husteari ekin diote ostegun goizean. Alkateak adierazi du han bizi ziren pertsonen "segurtasuna" bermatzeko eta "ingurune natural hori zaintzeko" desegin dutela. Getxoko EH Bilduren... [+]
2023an B1 maila eskatu zuen udalak kale garbitzailea posturako, baina horren kontrako epaiak eman zituten Donostiako Administrazioarekiko Auzien 2. eta 3. zenbakiko epaitegiek. Epai horien aurkako helegiteak atzera bota dituzte orain. Hizkuntza eskubideen urraketei... [+]
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Sare sozialetan argitaratutako argazkiaren bidez ezagutarazi du erasoa Ordiziko alkate Adur Ezenarrok. Bere sexu izaerarekiko "harrotasuna eta ohorea" berretsi du, eta azken aldiko "oldarraldia" salatu du.
Ostegunetik igandera bitarte egindako topagunean 3.000 lagunetik gora bildu dituela esan du Ernaik. Larunbat iluntzean egin dute jardunaldietako ekitaldi politiko nagusia, gazte antolakundeko bozeramaile Amaiur Egurrolak hitza hartuta. Aberri Egunaren harira EH Bilduk... [+]
Eragile nahiz alderdi politiko ugarik plazaratu dituzte euren aldarriak aurtengo Aberri Egunean. Azken urteetan egin bezala, Bilboko eta Iruñeko kaleak hartu dituzte EAJk eta EH Bilduk, hurrenez hurren. Bagira-k, Ipar Euskal Herriko Mugimendu Abertzaleak, abertzaleen... [+]
EH Bilduk aurkeztutako mozioa onartu dute osoko bilkuran. Udalak egitasmoa sustatzen duen enpresari, Cañaveras Solarri eskatu dio proiektuak ez ditzala hartu balio estrategiko handiko gisa kalifikatutako nekazaritza lurrak, eta gune populatuetatik gutxienez 500 metroko... [+]
Koalizio abertzaleko hiru ordezkariek ohar baten bidez euren "frustrazioa" adierazi dute proiektu fotovoltaikoa ezin gelditzeagatik: "Egoera horren aurrean, ez gara legegintzaldia amaitzeko indarrez sentitzen". Proiektu honi ez! plataformak salatu du EH Bilduren... [+]
Arratzua-Ubarrundiako "Proiektu honi ez!" plataformak adierazpen hau kaleratu du, udalerri horretako EH Bilduko hiru zinegotziek dimisioa aurkeztu berritan. Izenburu hau darama testuak: "EH Bilduren moketako politika edo Iparra nola galdu".
Arratzua-Ubarrundia (Araba) herriko EH Bilduko hiru zinegotziek dimisioa eman dute Solariaren zentral fotovoltaikoagatik. Hau da hiru zinegotziek, Txetxu Zengotitabengoak, Laura Sanchok eta Javier Ruiz de Arkautek, herritarrei zuzendu dieten agur mezua.
EH Bildu agintean dagoen udalak gaztetxearen etorkizuna ziurtatzeko aterabide bat adosteari "uko" egin diola salatu du Burlatako Gazte Asanbladak. Beste hainbat gaztek udaletxe kanpoan kanpatu dute, eta goizean zehar bertara hurbiltzeko dei egin dute.