Ostiraletik aitzina Baionako antzokia okupatuko dute kultur eragileek, kultur guneen irekitzearen alde
Astelehen honetan bozkatu dute aho batez okupazioaren alde 120 bat lagunek. COVID-19a dela eta, badu urte bat ia etenik gabe –udan salbu– hetsirik direla Ipar Euskal Herriko kultur guneak. Hori horrela, Frantziako Estatuko 70 bat antzoki dira okupaturik martxoaren 22 honetan.
Martxoaren 4ean Parisko Odeon antzokitik abiaturik, antzokien okupazioaren mugimendua Ipar Euskal Herrian ere hedatzen ari da. Hain zuzen, Baionako antzokiaren okupazioaren alde bozkatu dute 120 bat pertsonek martxoaren 22 honetan burutu biltzar nagusian. Ostiralean hasiko dute okupazioa.
Artistak, ikus-entzunezko teknikalariak, intermitenteak, zinemako edo museoko langileak zein ekitaldi kulturalen antolatzaileak, aniztasuna batu da 12:00tan abiaturiko biltzar nagusian. COVID-19aren izurritea dela eta, egoera gogorrean dira kultur eragileak, hain zuzen Ipar Euskal Herriko zein orokorki Frantziako Estatuko kultur gune guztiak direlako hetsirik, ekitaldi kulturalik antolatu ezinean. Kultur guneen irekitzea da okupazioaren bidez entzunaraziko duten aldarrikapena.
Kulturaren aldeko plan orokor bat
Horrez hain, langabeziaren aseguruaren erreformaren aurkako irakurketa egiten dute kultur eragileek, "prekarioak are prekarioago bihurtuko dituen erreforma" delako. Intermitenteen eskubideen bermatzea ere eskatzen diote gobernuari, eta orokorki kulturaren sektorea sostengatzeko plan orokor bat.
Orotara, martxoaren 22 honetan 70 bat antzoki dira okupaturik. Tolosako Grand Rond antzokian berriz, desobeditu eta antzerki baten hiru emanaldi eskaini zituzten asteburu honetan, "intermitenteen egoera baita gero kezkagarria ere salatzeko".
Madrilgo queer mugimenduan kokatzen nuen taldea, eta orain gutxi bere esentzian –zuzenekoan– ezagutzeko aukera izan nuen. Orduan jakin nuen Argentinan jaio baina gaztetan Madrilera joandako Belenek (ahotsa eta gitarra) sortu zuela taldea, eta Mariarekin (bateria eta... [+]
Baltimore ibai gaineko zubiaren erorketa urte bukaerako oroimeneko irudien artean jasoko da, zubi baten erorketa ikuskizun zirraragarri eta salbuespenekoa baita. Zeren eta zubiak eta eraikinak ez dira berez erortzen, lehergailu edo artefaktu baten eztandak bat-batekotasunaren... [+]
Eguzkiarekiko gertutasunak moldatu egin ei du Lurrak duen abiadura, eguzkia inguratzeko mugimenduan. Beste abiadura batzuk ere badira, ordea, eta balirudike lurraren abiada gero eta azkarragoa dela edo, bederen, aldaketak etengabean ditugula orpoz orpo jarraika. Egoera honetan,... [+]
Martxoan Iruñean egin zen liburu denden kongresuan ezagutu nuen Elisabeth sortzaileen lana pasioz defendatzen Adimen Artifizial sortzailearen aurrean. Handik gutxira elkarrizketa egiteko gelditu ginen Bolognako Liburu Azokara eta Kolonbiara joan aurretik. Aitortzen dut... [+]
