“Ontzidia ez da ostiralean irtengo, baina irtengo da. Ari gara gauzak prestatzen”
Istanbul. Apirilak 25, osteguna.
Zazpigarren eguna Istanbulen. Arazoak bata bestearen atzetik jaso ditugu egun hauetan, eta esan behar dugu ostiralean ezingo dela abiatu Askatasunaren Ontzidia. Irtengo gara, baina ez orain. Presio izugarriak jasaten ari gara. AEBetatik, Alemaniatik Erresuma Batutik eta, noski, Israeletik. Badakizue nolakoak izaten diren horrelako gauzak. Arrazoi teknikoak eta administratiboak jartzen dira, zuzenean debekatu behar ez izateko itsasontzien irteera. Turkiako gobernuak ezin du esan Gazara joan ezin dugunik, ez du batere itxura ona ematen Turkian mugimendu handia dagoelako Palestinako herriaren alde. Beraz, aitzakiak jartzen dituzte.
"Turkiako Gobernuak ez du ontzidia debekatu nahi, baina ez du baimenik ematen. Israelen aurrean tentsioa sortzea leporatzen digu"
Hasieran zioten komunikazio arazoak zirela, gero kontu mekanikoak, edozer gauzak balio du. Azkena izan da bihar Ginea Bissauko ikuskatzaile batzuk etorriko direla barkua aztertzera, bertako bandera duelako Akdeniz ontziak. Oztopoak jarriko dituzte. Ez dakigu zein izango den arazoa zehazki, baina zerbait egongo da. Ziur aski Estatu Batuek mehatxatu egingo zuten Ginea Bissauko Gobernua, auskalo zerekin, eta ikuskatzaileak bidali behar izan dituzte.
"Aitzakia teknikoak etengabe jartzen dituztenean argi azaleratzen dira atzealdean dauden arrazoi politikoak"
Gu ondo gaude, baina ziurgabetasun handiko egunak izan dira. Berez Turkiarekin lotu beharreko guztia egina zegoen, eta bat-batean Ginea Bissauko kontua iritsi da. Gero etorriko da beste zerbait, hori da haien jolasa. Zaila da Turkiako Gobernuaren jarrera azaltzen, gauza gehiegi gurutzatzen dira eta. Ez du ontzidia debekatu nahi, baina ez du baimenik ematen. Israelen aurrean tentsioa sortzea leporatzen digu. Harrigarria da nola kriminalizatzen duten aktibismoa. Haiek ari dira bonbak botatzen, baina guk zerbait egiten badugu, gu gara tentsioa sortzen dutenak.
Beti gertatzen da hau halako ontzidiekin. Ez dute irmoki debekatzen eta, beraz, zailagoa egiten da horren aurka borrokatzea, inork ez dizulako ezer esan. Baina aitzakia teknikoak etengabe jartzen dituztenean argi azaleratzen dira atzealdean dauden arrazoi politikoak. Pixkanaka higatzen zaituzte, desegiten joan zaitezen. Zaila da horrenbeste jende mantentzea. Baina hala ere indartsu gaude hemen, elkarrekin gaude denok.
"Ez gara oraindik etxera itzuliko, ez dakigu noiz arte, baina lanik ez da falta. Hau ez da hemen bukatzen"
Ontzidia ez da ostiralean irtengo, baina irtengo da. Ari gara gauzak prestatzen. Ideia ezberdinak daude mahai gainean, baina goizegi da ezer esateko. Gauzak ondo prestatu behar ditugu, koalizio osoa aintzat hartuta eta kontu handiz pentsatuz hurrengo pausoak. Baina ontzidia berpiztu beharra dago. Ez gara oraindik etxera itzuliko, ez dakigu noiz arte, baina lanik ez da falta. Hau ez da hemen bukatzen, guk jarraitu egingo dugu. Itsasontziak hor daude, bilatuko dugu modua.
Pili Revilla, Agus Gorbea eta Mikel Zuloaga 'Mikelon'
Global Sumud Flotilla Sizilia eta Kreta irlen artean dago, ontzietako batetik Itziarrek –abizenik ez du eman nahi– ARGIAri igande arratsaldean azaldu dionez. Beste aste bat baino gehiago behintzat beharko dute Palestinako kostaldera heltzeko. Droneak etengabe... [+]
Europako hainbat unibertsitatetan ikasleek abiatutako dinamikarekin bat egin du IAk, eta hurrengo deialdietara adi egoteko eskatu du.
Hirian milioi bat pertsona inguru bizi da egun, eta ez dute nora jo. Pazienteekin eta lanean geratuko direla adierazi du Shifa ospitaleko zuzendariak, eta babesa eskatu dio nazioarteari. Bestalde, gauerdian, Global Summud Flotillako ontzi bati eraso egin dio drone batek... [+]
.jpg)
Astebete igaro da Bartzelonako portutik Global Sumud Flotilla ekimeneko lehen ontziak itsasoratu zirenetik, Gaza helburu. Tunisian lurreratu berri erantzun ditu ekimeneko euskal ordezkaritzako kide Itziarrek –abizenik ez du eman nahi– ARGIAren galderak, igande... [+]
.jpg)
Israelgo Gobernuaren esanetan, bere subiranotasunaren aurka eta Hamasen alde dago Global Sumud Flotilla egitasmoa. Hortaz, esku hartze gogorrak iragarri ditu.
Gazako Osasun Ministerioaren arabera, Israelek 2023ko urrian zerrendaren aurkako oldarraldia gogortu zuenetik 86 palestinar hil dira gosez, horietatik 76 haurrak. Manifestazioak egin dituzte hainbat herrialde arabiarretan, Gazarako su-etena aldarrikatzeko eta palestinarrek... [+]
-_-X.png)
Israelek maiatzean Conscience itsasontzia bonbardatu eta ekainean Madleen itsasontzia bahitu ostean, nazioarteko ekimena berriz saiatuko da laguntza humanitarioa Gazara sartzen. "Erronka hau Gazako umeengatik da", adierazi du Askatasunaren Ontzidiak Siziliatik (Italia)... [+]
Atxilotutako hamabi ekintzaileetako batzuk beren herrialdeetara bidaltzen hasi dira, baina zortzik uko egin diote deportazio dokumentuak sinatzeari. Astelehen goizaldean bahitu zuen Israelek Madleen itsasontzia nazioarteko uretan, Gazako kostaldetik 150 kilometro ingurura,... [+]
Gazara laguntza humanitarioa eramateko, duela astebete abiatu zen Madleen itsasontzia Sizialiatik (Italia). Askatasunaren Ontzidiak salatu du nazioarteko uretan zihoazela gelditu dituela Israelgo armadak, Gazako kostaldetik 150 kilometro ingurura. Israelera eraman dituzte... [+]
Ekainaren 13an hasita 50 kilometroko martxa egingo dute hiru egunez Egiptoko Sinaiko basamortuan barrena Rafahko pasabidera arte, Gazako muga irekitzea eta genozidioa gelditzea exijitzeko. Momentuz munduko 32 estatutako 1.000 pertsona inguruk eman dute izena, horien artean... [+]
EBko diplomaziaburuari gutuna bidali diote lau talde parlamentarioko hainbat legebiltzarkidek, tartean EH Bildukoak. Oraindik nazioarteko uretan segitzen du Askasunaren Ontzidiak.
Nazioarteko ekimenak igandean argitaratutako prentsa ohar batean jakitera eman duenez, Maltako Gobernuak bonbardatutako itsasontzia konpontzeko asmoa erakutsi du. Askatasunaren Ontzidiak eskatu die Maltako agintariei itsasontzia herrialdeko uretan sar dadila. Israelen erasoak... [+]
Deshumanizazioa barru-barruraino sartu da Mendebaldeko botereetan, eta axolagabekeriaz begiratzen diote Gaza pairatzen ari den holokaustoari; Gazan, bonbek hiltzen ez bazaituzte, goseak hilko zaitu.
Gure itsasontzia bonbardatu duten honetan inpotentzia erabatekoa da, gu ondo... [+]
Ostegunetik ostiralerako gauean dronekin egin diote eraso Gazako blokeoa apurtu eta genozidioa salatu nahi duen nazioarteko ekimenaren itsasontziari, Maltatik hamahiru miliara, nazioarteko uretan. Aktibisten artean Mikel Zuluaga Mikelon euskal herritarra dago. “Hemen hau... [+]
Hiru militante euskaldun ari dira parte hartzen Askatasunaren Ontzidian, Turkiatik Gazara laguntza humanitarioko 5.500 tona material eraman nahi dituen nazioarteko ekimena: Pili Revilla, Agus Gorbea eta Mikel Zuloaga ‘Mikelon’. Apirilaren 18an hartu dute Bilbotik... [+]
