Ongi Etorri Errefuxiatuak plataformak Kanarietako makro-kanpamenduetan 9.000 migratzaile sartu dituztela salatu du
Ongi Etorri Errefuxiatuak plataformak Kanaria Handiko, Tenerifeko eta Fuerteventurako (Espainiako Estatua) makro-kanpamenduetan 9.000 gazte migratzaile baino gehiago sartu dituztela salatu du igande honetan Bilbon.
Elkarteak zabaldutako oharraren arabera, ekintza honen bitartez 2020ko urtarriletik Kanariar Uharteetara iritsi nahian Ozeano Atlantikoan ito diren 2.000 pertsona baino gehiagoren heriotzak gogoratu eta salatu nahi dituzte. Aldi berean, Europar Batasuneko gobernuen immigrazioaren aurkako politikek —Espainiako gobernuarenak barne— heriotza horietan duten erantzukizuna mahaigaineratu dute.
Halaber, migrazio hauen atzean dauden zenbait arrazoi agerian jarri dituzte. Esaterako, Europako gobernuetako tropek, bereziki Frantziakoek, Maliko gerran parte hartu izanak “Maliko ehunka gazte eraman ditu Kanarietara ihes egitera”. Bestetik, “Europar Batasunak Afrikako 13 gobernuri arrantzarako ezarritako akordio neokolonialak” ere salatu dituzte. Izan ere, horren ondorioz, “Senegalen bereziki, ehunka mila enplegu suntsitu dira eta milaka gazte Europara bidali dira Kanariar Uharteetatik”.
Era berean, Espainiako Gobernuak Kanarietara ihesi joaten diren gazteei egiten dien “harrera eskasa eta ez-duina” salatu nahi izan dute. Zehazki, Kanaria Handian, Tenerifen eta Fuerteventuran 9.000 gazte migratzaile baino gehiago atxikitzeko makrokanpamenduetan sartu dituztela salatu dute. “Ez dituzte bertan bizitzeko gutxieneko baldintzak betetzen” eta "Greziako eta Lampedusako uharteetan erabiltzen diren politika berak ditu", adierazi dute. “Kartzela-uharteak” eraikitzen dituzte, “Afrikatik eta Asiatik datozen migratzaileak Europako kontinentera sar ez daitezen.
Horren aurrean, zenbait eskaera egiten dizkiete Europar Batasuneko gobernuei. Lehenik eta behin, “bidaiatzeko sistema seguru bat ezar dezatela”, milaka migratzaile hiltzea eragotziko duena. Bigarrenik, “Afrikako herrialdeetako gatazketan zuzenean edo zeharka parte hartzeari uzteko exijitzen diete”. Azkenik, EB eta Afrikako herrialdeen arteko akordio ekonomikoak bi aldeentzat bidezkoak eta onuragarriak izan daitezela eskatzen diete, gaur egun gertatzen den moduan, Europako enpresentzat soilik baitira mesedegarri.
Gainera, Espainiako Gobernuari Kanarietara iristen diren migratzaileek harrera duina egitea eta giza eskubideak errespetatzea eskatu diote, gaur egun martxan dagoen atxiloketa-eremuen politika bertan behera uztearekin batera.
Amaitzeko, elkarteak babesa eta elkartasuna adierazi die Kanariar Uharteetara iritsitako migratzaileei, egiten ari diren erresistentzia ekimenei eta jatorrizko herrialdeetan altxatzen ari diren mugimendu sozialei. “Pandemia-egoera batean turismoaren monolaborantzak larriagotutako krisi ekonomikoa bizi duten kanariarrei” ere babesa adierazi nahi izan diete eta uharteetan sortzen ari diren elkartasun-sareak ospatu dituzte, migratzaileen oinarrizko beharrei erantzuteko eta egoera salatzeko antolatzen ari baitira.
Kanarietako milaka migratzaileren egoera salatzeko ekintza #BidaiaSegurua #HarreraDuina #MugitzekoAskatasuna pic.twitter.com/7AVQki3bQc
— Ongi Etorri Errefuxiatuak Bizkaia (@oeebizkaia) February 27, 2021
.jpg)
Mexikoko mugako hesia beltzez margotu du AEBetako Gobernuak. Lehenengo brotxakadak ematera bertaratu da Segurtasun Nazionaleko idazkaria bera, Kristi Noem. Neurri horren bidez, hesiaren tenperatura igo nahi dute, eta horrela migratzaileen pasabidea zailtzeko.
50 maliar inguru ari dira kalean bizitzen Gasteizen beren asilo eskaeren ebazpenaren zain. Eusko Jaurlaritzak Oñati eta Tolosako harrera zentroetara mugituko ditu Espainiako Gobernuaren pasibotasunaren aurrean, horren eskumena baita eskaerak ebaztea eta ostatu alternatiba... [+]
Ostegunean eman dituzte asilo eskaera tramitatzeko lehen txandak: bederatzik lortu dute, irailerako. Eusko Jaurlaritzak ebazpena arintzea, eta migiratzaileak ostatzeko zentroetara mugitzea eskatu dio Espainiako Gobernuari.
Erresuma Batuko gobernuak proposatu du delituak dituzten migratzaileak berehalakotasunez deportatzea, ekainean onartutako legearen bide beretik. Lege horrek baimentzen du sententzien %30 beteta dutenak deportatzea; igandeko proposamenarekin ez dute zigorrik bete beharko... [+]
Auzitegi Gorenak martxoan ebatzitakoari jarraiki, astelehenean irletatik penintsulako adin txikikoentzako zentroetara lekualdatuko dituzte zortzi asilo eskatzaile. Gobernuak adierazi du adin txikikoen babes sarean integratzeaz arduratuko den etorkinen %90 maliar jatorrikoak... [+]
Gipuzkoako Foru Aldundiak eta Donostiako Udalak Oñatiko Arantzazu egoitza eskaini dute maliar migratzaileentzat. Bertan geldituko dira Espainiako Gobernuak haien asilo eskariak ebazten dituen bitartean.
Manteroekin Bat plataformak eta Mbolo Moye Doole elkarteak elkarretaratzea egin zuten astelehenean Bilbon, azken asteetan poliziak manteroen aurka eginiko eraso "arrazistak" salatzeko. Izan ere, Boubacar Diouf kale saltzailearen arabera, poliziaren jazarpena... [+]
Diskurtso erreakzionarioen gorakadaz ari gara azken urteetan. Dela migrazioei buruz, dela feminismoa, euskara eta abarri buruz. Testuinguru horretan, garrantzitsua iruditzen zait jarrera erreakzionarioak edota migrazioei buruzkoak aztertzeko ez gelditzea titularretan, eta gaiari... [+]
Migrazio krisia deitzen diote neoliberalismoaren ondorio ankerrenetako bati. Ultraeskuinaren agendaren lehen puntuetako bat da langile klaseko migratzaileen aurkako neurri sorta. Baina faxismo berrituaren lorpenik handiena da gainerako indar politikoek bere egitea haien agenda... [+]
Migratzaileak deportatzeko neurriez mintzatzeko, EB Europako Batasuna osatzen duten 27 estatuetako Barne eta Migrazio ministroak bildu dira asteartean, Kopenhagen. Ondorioztatu dute EBko herrialde gehienek babesten dutela etorkinak deportatzeko neurriak gogortzea... [+]
Atherbea elkarteak Baionako eguneko harrera zentroa ixtea erabaki du higiene falta dela eta. Egunero 100 pertsona ingururi ematen zien dutxa hartzeko eta gosaltzeko aukera, baina lokalean labezomorro eta arratoi asko daudenez, itxi egin behar izan dute.
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Frantziako Estatutik kanporatu zituzten, asilo-eskaerak Espainiako Estatuan egin behar zituztela esanez. Asteak daramatzate zain Donostiako Amara auzoan.
Euskal Herritik eta Kataluniatik abiatu da aurtengo Mugak Zabalduz karabana. Calaisko itsasartea, Frantziako Estatuan du helmuga, giza eskubideak bermatzea eta berehalako erregularizazioa eskatzen ditu besteak beste.
17 urteko gazteari tiro egin zion Frantziako poliziak bere nahia bete du, eta Ipar Euskal Herrira ekarri dute lanera. Polizia gehiegikeriaren ondorioz hildako Merzouken kasuak mobilizazio eta protesta ugari eragin zituen Frantziako Estatuan.