Oñatin Guardia Zibila “giro itogarria” sortzen ari dela salatu dute
Guardia Zibilak Ander Astigarraga gazte oñatiarra bortizki atxilotu ondoren, herri horretan poliziak hartu duen presentziak kezka eragin du herritarren artean.
Apirilaren 3an Aloña azpiko pagadian atxilotu zuten Astigarraga. Basoan zebilela Guardia Zibilaren autoa ikusi eta ezkutatu egin zen. Ordubete ezkutuan egon ostean, ikusi egin zuten, gelditzeko dei egin eta lurrera bota. Aurpegia lokatzaren kontra jarrita eduki zuten. Ondoren, katxeatzen hasi ziren eta prakak jaisteko eskatu zioten. Guardia Zibil bat eskularruak janzten hasi zen.
Gazteak ez zeukala prakak jaisteko asmorik esan zien eta bortizkeriaz lurrera bota zuten. Eskuburdinak jarri eta kolpeak emanez erdi arrastaka eraman zuten. Ondorioz, hanka bat zauritu du gazteak eta puntuak jarri behar izan dizkiote.
Autoan sartu zuten ondoren, eskuburdinak kenduta, eta Donostiara eraman zuten. Lehendabizi ospitalera joan ziren eta zauria sendatu zioten, ondoren Intxaurrondoko kuartelera eraman zuten eta goizaldeko ordu biak aldera aske utzi. Gaztea epaiketaren zain dago desobedientzia eta aginteari men ez egitea leporatuta
Atxiloketaren aurrekariak
Atxiloketa hori ez da gertakari isolatua ordea. Duela hilabete eta erdi hasi zen Oñatiko giroa gaiztotzen, martxoaren 10ean Espainiako Auzitegi Gorenak erabaki zuenean Alberto Plazaola eta Santiago Arrospide euskal preso ohiei Frantziako Estatuko espetxeetan egindako urteak Espainiako Justiziak ezarritako zigorretatik ez kentzea.
Egun berean, manifestazioa egin zuten Oñatin Plazaolaren espetxeratzearen kontra eta bere etxean amaitu zuten ibilbidea. Gauean preso ohia atxilotzeko asmoz haren etxera joan ziren Guardia Zibilak, baina han ez zegoela baieztatu ostean, alde egin zuten.
23:00etan azaldu ziren poliziak zortzi ibilgailutan, eta ordu erdi inguru eman zuten Plazaolaren etxean eta inguruetan. Kalean hainbat lagun elkartu ziren preso oñatiarrari babesa adierazteko.
Identifikazioaren bideoa
Bertaratutako hainbat lagun identifikatu zituen poliziak eta, berriki atxilotutako Astigarraga bi aldiz geratu zuten gau horretan.
Ondorengo bideoan gazteak Plazaolaren etxe ostean jasandako kontrola ikus daiteke. Guardia Zibilak gogor hitz egiten dio identifikazioan zehar eta kamera grabatzen ari dela ohartzean hasten da prozedura ofiziala egiten.
Errepide kontrolez kexu dira herritarrak
Oñatin herritar ugari kexu dira eguneroko errepide-kontrolez. Jazarpenaren aurka, Astigarragaren atxiloketa salatzeko manifestazioaz gain, ekainaren 13an, “Fan Hemendik!” eguna ospatuko dute urtero legez.
Iaz flashmob-a dantzatu zuten Egurra ta Kittokoen erritmoan, eta aurten, kuartela inguratuko duen giza katea osatzeko asmoa dute.
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
Azken hamarkadetan, bi estatuetako indar armatuen jardun nagusiak errepresioa eta zapalkuntza izan direla salatu dute eta azpimarratu dute haien presentzia ez dela beharrezkoa. Ekainaren 22an izango da Fan Hemendik Eguna Oñatin.
Astelehenean Donostiako Instrukzio Epaitegian deklaratu beharko dute taldeko kideek. "Adierazpen askatasunaren eta askatasun kulturalaren aurkako erasoa" dela salatu dute.
Ceutako Tarajal hondartzan hamalau lagun hil zituzten duela hamar urte, itsasoz igeri Europara iritsi nahian, guardia zibilen eta Marokoko polizien tiro artean. Haien senide eta lagunek urteurrena baliatu dute justizia eskatzeko, auzia oraindik epaitegietan baita. Justizia... [+]
Duela 10 urte Ceutako Tarajal pasabidean 14 pertsona hil zituzten, itsasoz igeri Europara igaro nahian zebiltzala guardia zibilak haien kontra oldartu ostean. Geroztik Duintasun Martxa egin dute urtero, eta ekimen horretako Bilboko taldeak sarraskiaren eta “mugako... [+]
Auzitegi Nazionalak Marlaska ministroa derrigortu du guardia zibila mailaz igotzera. Kargugabetu egin zuen 2018an, "konfiantza falta" zela eta. Sánchez Corbík errekurtsoa jarri zuen erabakiaren aurka, eta Auzitegi Nazionalak babestu egin du. Kepa... [+]
Ostegunean eta ostiralean Genevan (Suitzan) aztertuko dute ea Espainiako Estatuak gaiari dagozkion baldintzak betetzen dituen ala ez. Egiari Zor, Giza Eskubideen Behatokia eta Sarek “aurrerapenak” daudela azaldu dute.
"Larunbatean Gladys gogoratu eta borrokan jarraitzeko gogoak ditugula ospatzeko bilduko gara", adierazi dute antolatzaileek.
“Ikertzen ez bada, ezinezkoa da ebazpen judizialik egotea eta norbait inputatzea". Hitz horiexekin erantzun zion Lourdes Zabalza Mikel Zabalzaren arrebak Fernando Grande-Marlaska Espainiako Gobernuko Barne Ministroari, honek Senatuan Arturo Espejo Guardia Zibila inoiz... [+]
Mikel Zabalza Gogoan ekimenak Espainiako Estatuari leporatu dio tortura saritzea. Arturo Espejo Intxaurrondoko tenientea zen orbaizetarra torturatu eta hil zutenean, eta gaur egun Guardia Zibileko teniente jenerala da.
Arturo Espejo Teniente Jenerala 2022an Laguntza Aginteko buru izendatu zuen Marlaskak. Guardia Zibilaren buruzagitzako lau kideetako bat da.
1990eko ekainaren 25ean, Irunberrin ETAko bi kide hilda agertu ziren. Suizidioa izan zen bertsio ofizialaren arabera, baina beste bertsioak dio Guardia Zibilak torturatu eta hil egin zituela. Gure Bazterrak memoria taldeak eta Pako Aristi idazleak ikerketa jarri zuten martxan... [+]
Datorren uztailaren 1ean Nafarroak trafiko eskumenak berreskuratuko dituela iragarri du María Chivite Nafarroako Gobernuko lehendakariak. 1959an kendu zizkion eskumenak Nafarroari Espainiako Gobernu frankistak.