Aurrena luzaidarrak eta ondoren oñatiarrak, korrika dantzan. Larunbat goizean igaro da korrika Oñatitik eta Oñatz dantza taldeko dantzariek dantzan eraman dute lekukoa. Oñatzeko bi kidek lekukoa hartu duten momentuan, dantza taldeko gainerako kideek ere aurrealdean sartu dira kaskainetekin.
Dantzariek, Korpusetako prozesioan alde batetik bestera mugitzeko dantzatu ohi dituzten San Migel zortzikoaren urratsekin jarraitu diote korrikako lekukoari.
Luzaidarren gisan, oñatiarrek ere gertu dute korpus eguna, aurtengoan korrika beroketak egiteko aitzakia ederra bihurtu da zenbait dantzarirentzat. Irudiak: Hamaika telebista, Oñatiko dantzarien Korrika, Oñati, 2019-04-13.
Albiste hau Dantzan.eus-ek argitaratu du eta CC-by-sa lizentziari esker ekarri dugu.
Irundik Baionara, ezin ezkutatuzkoa izan da 23. Korrikak eragindako harrotasuna. ‘Herri Harro’ leloak zentzua hartu duela ikusi dugu lekuko hartzaileen aurpegietan, eta atzetik euskararen alde oihuka aritu diren korrikalariengan. Bakoitzak bere gorputzetik eta bere... [+]
1.700.000 ikustaldi izan ditu EiTBren emanaldiak –Hamaika TBrenak gehitu behar zaizkio–. Pozik agertu dira AEKko arduradunak: “Inoizko Korrikarik erraldoi eta anbiziotsuena lortu dugu, herria harro egoteko modukoa”.