OlatuKoopek bost urte bete dituela ospatuko du
Ekonomia Sozial Eraldatzailearen sareak bere bost urteak ospatzeko festa antolatu du ekainaren 14an, Donostiako Doka aretoan. Demokrazia ekonomikoan oinarritzen diren enpresa komunitarioak biltzen ditu OlatuKoopek eta “jendartea eraldatzen jarraitzeko” lanean dihardute.
Donostian ospatuko du OlatuKoopek bere bosgarren urteurrena, hain zuzen 2014an jaio zen hirian bertan. Ekainaren 14an izango da, Doka aretoan, 19:00etatik aurrera. Sarearen berri izan eta mokadu bat jateko aukera edukitzeaz gain, musika kontzertuez gozatu ahal izango dute bertaratzen direnek.
Kideen arteko elkartasuna, jendartearen ongizatea eta beren jarduera ekonomikoak “ondare komunari ekarpen bat” egiteko sortu zen, besteak beste, sarea. Geroztik etengabe hazi eta antolatzen ari da, bai barne mailan eta baita ekonomia eraldatzailea ahalik gehien zabaltzeko ere, dela ekintzailetasun sozialerako formazio proiektuen bidez nola eskualdeetako nodoak sortuz. Jadanik hainbat dozena kooperatiba eta enpresa komunitariok hartzen du parte bertan modu batean edo bestean.
.jpg)
Ekonomia Eraldatzailearen Euskal Herriko I. Topaketa
Ospakizunen egitarauari lotuta, OlatuKoopen proiektua sozializatu eta partekatzeko urtero egin ohi duen bilkuran pauso bat gehiago emango du sareak, eta Ekonomia Eraldatzailearen Euskal Herriko I. Topaketa antolatu du Hendaian ekainaren 21ean, Ipar Euskal Herriko hainbat eragilerekin elkarlanean.
Asteazkenean aurkeztu dute topaketa, OlatuKoop, Hendaiako Herriko Etxeko enplegu zentroa, Andere Nahia elkartea eta Atelier Lan Berri kooperatibako ordezkariek. Programan, besteak beste, enplegu iraunkorra sortzeko ekonomia eraldatzailearen ekarpena aztertuko dute Gaindegiaren datuen bidez, eta mugaz gaindiko lan-mugikortasunerako zerbitzu digitala eskaintzea xede duen Translanekin proiektuaren berri ere emango dute.
Goizeko 9:30ean hasi eta eguerdira arte iraungo du lehen topaketa honek, ondorenean etxaldeko jakiekin otordua izango dute.
Hegoaldetik ekimena pertsona migratuei ekonomia sozial eraldatzailea hurbiltzeko jaio zen 2023ko ekainean, Enarak kooperatiba, OlatuKoop eta Lankiren eskutik. Geroztik ari da bidea egiten, formazio saioak eskaini nahi ditu eta Katalunian izandako esperientziak konpartitu... [+]
Artzibarko Urdirotz herrian, Nafarroako Pirinioetan, proiektu berri batek zabaldu ditu ateak otsailaren 24an. "Azoka-Denda" deitu diote Txabi Bados Ruizek eta Rita Perandrés Martínezek haien etxe azpian ireki duten dendatxoari. Azokoop mikrokooperatibaren... [+]
Kataluniako Ekoedizioaren Institutuko bazkide egin da ARGIA, Europako bakarra, eta Euskal Herrian halako urratsa eman duen lehen eragilea da. Zigilu baten bidez, bere argitalpenen aztarna ekologikoa neurtu eta garbi adieraziko du hemendik aurrera. Dagoeneko sei liburu ekoeditatu... [+]
Andaluziako Marinaleda herrian dagoen Los Humosos lursaila saldu nahi du Andaluziako Juntak. Duela hamarkada batzuk lur horiek okupatu zituztenetik kooperatiba baten bidez landu dituzte hango jornalariek, baina 2021an desalojatzeko agindua jaso zuten eta horri jarritako... [+]
Hernani Burujabe herri proiektuak, Hernaniko Udalak eta Udalbiltzak hiru eguneko jardunaldiak antolatu dituzte urriaren 19tik 21era, burujabetzen gaia ardatz hartuta, herrigintza eta udalgintza ikuspegi eraldatzaile batetik jorratzeko. Hainbat esperientziren inguruko hitzaldiak... [+]