ARGIA.eus

2020ko urriaren 23a

Nuit Debout mugimenduak lehen batzarra egin du Baionan

  • 17:00tan elkartu dira Roland Barthes zelaigunean: elkar ezagutzeko jolasaz gain, mugimenduaren aurkezpena egin eta lantaldeak sortuko dituzte.

     

Ane Urkola Agirrezabala @irrikaz
2016ko apirilaren 15a
Martxoaren 31n, Frantziako lan erreformaren kontrako manifestazioaren ondoren hasi zen gorpuzten Nuit Debout mugimendua Parisko Errepublika Plazan.

Prentsa tradizionalak bultzatzen ez dituen eztabaidak izatea eta herritarren ahotsa izatea dute helburu. Bost minutuz hitz egiteko aukera izango du batzarrera hurbildu den orok: “Garrantzitsua da harrera egitea etortzen diren guztiei”, adierazi du Sophie Hautanauve mugimenduko kide batek Radio Euskadiko Boulevard saioan.

“Herritarrak ez gara ordezkatuta sentitzen eta ez dugu gure burua azaltzeko espaziorik. Enpresa txikiak dituzte hainbat jendek, eta zailtasunak dituzte bizirauteko”, azaldu du Hautanauvek, mugimenduaren sorreraren zergatiez galdetuta.

“Ikaragarritzat” jo du deialdiak izan duen hedapena: “Ez genuen espero jendeak horrela erantzutea, 500 pertsonek jarraitzen dute dagoeneko Facebookeko orria”.

Dinamikak Espainiako Estatuko M15a mugimendua ekarri die gogora hainbati. Hori baieztatu du mugimenduko kideak berak ere: “Espainiako Estatuan Podemosekin gertatu den guztia interesatzen zaigu, erabili dituzten erreminta teknikoak batez ere”.  

Martxoaren 31n, Frantziako lan erreformaren kontrako manifestazioaren ondoren hasi zen gorpuzten Nuit Debout mugimendua Parisko Errepublika Plazan. Frantziako Poliziak hustu egin zuen plaza, baina hartu egin zuten berriz egun horretan bertan. Frantziako Estatuko hainbat hiritara ere zabaldu da dinamika azken egunotan.

#NuitDebout traola erabiliz ari dira biltzen mugimenduaren inguruko berri guztiak. Nuit Debout Pays Basque kontua ere sortu dute Facebook eta Twitteren.

 

 

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Nuit Debout mugimendua

Nuit Debout mugimendua kanaletik interesatuko zaizu...


Azkenak
EGILEA
Argia buletina
Egunaren laburpena
zure e-postan
Eguneraketa berriak daude