Astelehenean, “graduatuen laneratzea errazteko” 500 milioi euroko plana iragarri zuen Manuel Valls Frantziako lehen ministroak. Ez da aski izan ordea. Lan-erreformaren aurkako protestek bizirik diraute Frantziako Estatuan.
Poliziaren presentzia oso handia izan da manifestazio guztian. Parisko Errepublika Plazan hasi dira manifestarien eta polizien arteko istiluak. Poliziek gas negar-eragilea bota diete manifestariei, eta lau lagun atxilotu dituzte, Le Monderen arabera.
Ikasleen Koordinazio Nazionalak (CNE) –68 unibertsitate eta instituzio ordezkatzen ditu–, deitu du mobilizazioa, eta UNEF sindikatuak ere bat egin du deialdiarekin. UNEF izan da orain arteko mobilizazioen bultzatzailerik handienetakoa.
Jarraian dituzue Errepublika Plazako gertakariak erakusten dituzten hainbat txio:
Les restes de grenades et impact. #loitravailnonmerci #Manif14Avril
Et maintenant #nuitdebout ! pic.twitter.com/kDuy1pdC2n
— Un Syndicaliste (@UnSyndicaliste) 2016(e)ko apirilak 14
Parisez gain, Nantesen ere protesta egin dute ikasleek eta sindikatuek. Pertsona bat atxilotu du poliziak, hainbat iturriren arabera. @lepicrouge erablitzaileak egin du manifestazioaren jarraipena.
#loitravail eta #Manif14Avril traolak erabiltzen ari dira mobilizazioen beri emateko.
#nantes #LoiTravail #Manif14Avril pic.twitter.com/hioxEZWtJ3
— Guillaume Bernardeau (@lepicrouge) 2016(e)ko apirilak 14
FN: "Nuit Debout" mugimendua desegin behar da
Fronte Nazionalak eskatu du Nuit Debout mugimendua desegiteko, Liberation egunkariak jaso duenez. “Parisko istiluen zentrotzat jo du” martxoaren 31z geroztik okupatuta dagoen Errepublika Plaza.
“Muturreko ezkerrekoen, eta pribilegioak dituzten langileen diskurtsoa dago bertan”, adierazi du Ile-de-France eskualdeko Fronte Nazionaleko presidente Wallerand Saint-Just-ek.
Gobernuari deia egin dio “erantzukizunez” joka dezan: “Indarkeria iturri bihurtzen ari dira Parisko kaleak, eta mugimenduak desegin egin behar du. Manifestariak atxilotu egin behar dituzte, eta epailearen esku utzi”, gehitu du.
Zergatik ez du Nuit Debout frantziarrak M15 espainiarraren irismenik izan? Elementu guztiak zeuden (eta daude) mahai gainean: alderdi sozialistaren beste eraso bat lan eskubideen aurka ("Loi travail"), egonezin sakona eta "zerbait gerta zedin" guraria giroan... [+]
Ekainaren 28tik gutxienez uztailaren 10era arte, Parisko Errepublika plaza modu iraunkorrean okupatzeko dei egin du Frantziako Nuit Debout mugimentuak.
Miguel Segui NPAko (Nouveau Parti Anticapitaliste) kidea da eta azken hilabeteetan Frantziako plazetan antolatu den Nuit Debout mugimenduan parte hartzen du. Ekainaren 8an hitzaldia eman du Gipuzkoa Zutikek gonbidatuta, Bulebarrean.
Grebak, erregai biltegien blokatzeak, bide mozketak, zentral nuklearretako mobilizazioak… El Khomri legeari aurre egiten ari zaizkio zortzigarren egunez sindikatuak, CGT buru dutela, maiatzaren 26 honetan, ahaztu gabe Nuit Debout mugimenduak egunero antolatzen dituen... [+]