aurre egingo dieten hedabide independenteak
Ordezko irakasleen kexua sare sozialetan irakurri eta ikastetxeetan bizi izan zen. Sindikatuetan telefonoak sutan omen ziren eta alderdi politikoren batzuk hezkuntza sailari argibideak eman zitzala eskatu zioten.
Eusko Jaurlaritzarentzat errua langileena zen, da eta izango da, nola ez? Baja asko hartzen omen ditugu eta hori dena kudeatzea ezinezkoa omen. Aurreko urteetako ordezkapen sistema kaxkarra faltan botatzea lortu dute.
Hezkuntza publikoan ez dago inor aurpegia emango duenik. Pasa den urteko leloarekin argazkia atera eta kito. Hori al da eskola publikoa zaintzea?
Egun haiek pasa ziren, baina kezkak hor darrai. Azken asteetan itunpeko ikastetxeetako lehendakari eta ordezkariak entzun ditut komunikabide zein foro ezberdinetan beraien proiektuak defendatzen. Arduradun hauen lana eta presentzia publikoa ikaragarri handitzen da urte hasiera honetan. Normala da, datorren urteko matrikulak jokoan baitaude. Marketing garaia; ikusi besterik ez dago komunikabideetako iragarkiak edo gure herriko kaleetan jartzen diren kartel pila... , baina, hezkuntza merkantilizatu honetan normaltzat hartzen dugu ikastetxe batek 10 metro oro publizitate kartelak jartzea.
Baina hezkuntza publikoan ez dago inor aurpegia emango duenik. Pasa den urteko leloarekin argazkia atera eta kito. Hori al da eskola publikoa zaintzea? Zeinek defendatzen du orduan eskola publikoaren izena eta izana? Kasu batzuetan Steilas sindikatuko norbait, eskola publikoetako plataformaren bat edo EHIGE-koren bat agertzen da eta borondate onenarekin lan ikaragarria egiten dute. Baina ez da beraien lana.
Zergatik ez dago inor lan hori egiten? Ordezkari politiko eta hezkuntza teknikari pila dauzka administrazioak. Lakuan zein lurralde ordezkaritzetan sektorea kudeatzeko jende mordoa dago, baina borondate gutxi ikusten da, motibazio gutxi esango nuke. Ez daukat daturik, nire inguruan ezagutzen dudana da eta proposamena doakio hau ikertu nahi duenari. Hezkuntza sistema publikoan arduraren bat daukaten pertsonek nora eramaten dituzte/zituzten beraien seme/alabak? Legebiltzarkide, gobernuko zein oposizioko, administrazioko goi kargu, lurraldeetako delegatu, ikuskari, hezkuntzako teknikari, ikastetxe publiko bat dagoen herrietako alkate eta hezkuntza zinegotzi... zerrenda egin, datuak jaso eta publiko egin.
Bide batez, inkesta bera baliatu Osakidetza/Osasunbidea erabiltzen duten galdetuaz edo bestelako mediku aseguru pribaturik baduten.
Alderdi politikoek hauteskundeak irabazi eta publikoak diren arlo ezberdinak kudeatu nahi dituzte; baina irudipena daukat gero ez dituztela erabiltzen
Alderdi politikoek hauteskundeak irabazi eta publikoak diren arlo ezberdinak kudeatu nahi dituzte; baina irudipena daukat gero ez dituztela erabiltzen. Soldata publikoak jaso bai, baina, ez dituzte anbulatoriotako itxaron ilarak pairatzen. Hezkuntza publikoaren alde daudela esaten dute alderdi politiko ezberdinetako ordezkari askok, baina, ez dituzte eskola publikoetako eraikinetan beharrezkoak diren mantenu edo berritze lanak egiten, ezta eskolako proiektu ezberdinak aurrera eramateko baliabide material edo pertsonalez egoki hornitzen.
Euskal eskola publikoa garatzen uzten ez dutenak ez daude Paris edo Madrilen bakarrik, Euskal Herri barruan dauzkagu egoera honen arduradun nagusiak. Ez zaie axola hezkuntza publikoaren kalitatea, badakitelako beraien seme-alabak ez direla bertan egongo.
Bidali zure iritzi artikuluak iritzia@argia.eus helbide elektronikora
ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.
Horixe da datorren irailaren 10ean Frantziako Estatua hankaz gora jarriko duen deialdi herritar berriaren lema. Sarean gaia lantzen ari diren gune asko daude, baina bi interesgarrienak aipatzearren, hor daude, besteak beste, @lessoulevements edota @bloquonstout atariak.
Izan... [+]
Usaiako "süjetik" gabea, esku andana batek idatzia, errejent multzo batek zuzendua, gertakizun askoren kontari, gisa guzietara kolektiboa da.
Euria ari du. Ekaitza. Egun beroegi baten ondorengo bustialdia. Eta tenperatura jaitsiera bedeinkatua. Ez dakit Galizia aldean euririk egin duen azken aldian, ez dakit suteak itzalita diren jada, eta etxetik irten behar izan zutenak itzuli ahal izan diren.
Komunikabideetan... [+]
Oporretan nengoela, gorputza eta burua gozatzera bideratu ditut. Turista bilakatu naiz, eremu digitalean zenbait trebezia dugunontzat, oso erraza. Motxila hartuta familiarekin handik hona ibili naiz, poltsikoan dibisa asko barik, mapa fisiko barik, plan asko barik…... [+]
Gizonezkoak ziren gehienak Sanferminetako entzierroetan; gizonezkoak ia denak Frantziako Tourrean; gizonek hartu dute udako musika jaialdietako oholtza eta backstage-a; gizonezkoak dira nagusi bertso-plazetan; gizonezkoak dira Donald Trump, Vladimir Putin eta Benjamin Netanyahu... [+]
Chocón, Kolonbiako hiri batean, beltzak, indigenak eta mestizoak elkar bizitzari eusten saiatzen dira. Beltzek txoloak deitzen diete embera indigenei, eta emberek beren hizkuntzan hitz egiten dutenean, kristauez hitz egiteko esaten diete bai mestizoek eta bai beltzek... [+]
Akordatzen naiz Blanca Llum Vidal poeta maitasunaz hizketan entzun nuen lehendabiziko aldiaz. Bere esperientziaz aritu zen, besteak beste. Esan zuen bere ordura arteko bizitzan maitasuna beti amaitzen zela, baina maitasunak ez lukeela amaitu beharko sentituz bizi dela. Ez dela... [+]
Hilotan, euskara sarritan izan dugu albiste. Txarrerako, euskaltzaleon artean nagusi den aldarte ezkorra ikusita. Baina euskararen egoera txarra dela ez da kontu berria, datuen bitartez beste zerbait iradoki den arren.
Har dezagun, adibidez, hizkuntzak irabazi ei dituen... [+]
Dena ongi doa. Nola izan liteke bestela opor garaian, gora eta behera, ase arte ibili ondoan? Zeregin zehatzik gabe alderrai ibili gara, gogoa ematen zigun leku eta jendeen artean. Gustukoa baizik ez dugu egin, ez-atsegina zena ahantzi eta baztertu, jainko tipiak bagina bezala,... [+]
Abuztuan 411.000 hektarea baso eta lursail erre dira León, Asturias, Ourense, Cáceres eta Zamoran. Bizkaiko eta Gipuzkoako azalera osoa beste. Irmotasunez esan dezakegu muturreko baldintza meteorologikoek sutu zituztela suteak, berotze global antropogenikoaren... [+]
Lanbidean urteak daramatzagun basozainok, gogoan ditugu 1989. urtean Euskal Herria bortizki kolpatu zuten mendiko sute handiak. Urtarriletik luze zetorren lehorte latza udazkenean lehertu zen haize bortitzen bultzadaz. Dozenaka sutek beltzez jantzi zuten lurraldea, bereziki... [+]
Donostia arpilatua, bortxatua eta propio erreta Espainiako independentziaren alde 1813ko abuztuaren 31n.
1808an Napoleon enperadoreak Baionan bildu zituen elkarren aurka borrokatzen ari ziren Espainiako errege aita-seme borboiak, Carlos IV.a eta Fernando VII.a, biek nahi... [+]
Sarriegi jokatzen dugu erreaktiboki Euskal Herrian eta Euskalgintzan. Albiste bat, elkarrizketa bat, epai bat, eraso bat. Ondoren, erantzuna. Tamalez, berriro ere inertzia berak nakar Ander Gurrutxagaren elkarrizketa euskarafoboa aztertzera. Gustura gelditu zen, tartean zera... [+]
Euskararen (euskaldunon) aurkako oldarraldiak ertz ugari ditu; horietako bat fronte mediatikoa da, Voxento taldea buru eta PSOE-CCOO-UGTko kide ezagunak ekintzaile nagusi. Sarri eskaintzen digute idatziren bat, barnera dezagun Euskal Herriko hizkuntza ofizialetatik zein diren... [+]