“Non da Popo?” galderak ez du erantzunik 30 urteren buruan

  • 30 urte bete dira gaur Jean-Louis “Popo” Larre bizirik azkeneko aldiz ikusi zutenetik. Iparretarrak (IK) talde armatuko zenbait kidek Jendarmeriako agenteekin izandako tiroketa baten ostean izan zen, 1983ko abuztuaren 7an.


2013ko abuztuaren 07an - 00:00
Azken eguneraketa: 2014-03-25 09:12:03
Popo Larre duela 30 urte desagertu zen.

Tiroketan jendarme bat hil zen eta Larre baso batean sartzen ikusi zuten, Landetako Leon herriko kanpinetik gertu. Indar polizial frantsesek inguruan operatiboa zabaldu zuten, baina militantearen gorpurik ez zen agertu. Larrerekin zer gertatu zen ez da jakin 30 urteren ondoren. Naizek gaur dakarren artikulu honek kontatzen du 1983ko egun hartatik gaur arte kasuak izan dituen gorabeherak.

2000. urtean Leongo tiroketari buruzko epaiketa egin zenean Filipe Bidart, Gabi Mouesca eta Ttotte Etxebeste kondenatu zituzten, baina Larre prozesutik erretiratu zuten. Epaiketa hartan heletako militantearen desagerpenari buruzko frogak desagertu zirela salatu zuten haren senideek.

Pascal Dumonten gorpua

Auziaren kapitulu ilunenetako batek Pascal Dumontekin du zerikusia. Horrela zuen izena Leongo tiroketa gertatu eta bi astera desagertu zen 15 urteko gazte batek. Polizia frantsesak abuztuaren 27an gorpu bat aurkitu zuen Leondik gertuko hondartza batean eta Dumont zela esan zuen, gaztearen familiak behin eta berriz ukatu arren.

Azkenik, poliziaren presioen eraginez, euren semearekin zerikusirik ez zeukan pertsona lurperatu zuen Dumont famliak. “Hemen datza ezezagun batek. Jendarmeriak, Justiziak eta medikuek 83ko abuztuaren 27an inposatu ziguten” jartzen zuen hobian.

Larre desagertu eta 20 urte pasa zirenean onartu zuen Bordeleko epaitegi batek Dumontena omen zen gorpua hobitik ateratzea beharrezko azterketak egiteko. Berandu: gorpuzkinak desagertuak ziren zenbait hilabete lehenago.

30 urteren ostean, asko akordatzen dira oraindik Popo Larrerekin. Autonomia Eraikik deialdi bi egin ditu: batetik gaur Heletako plazan elkartuko dira Larre omentzeko 19:00etan. Bestetik, Makean urriaren 27an Amnistiaren eta Autonomiaren egunaren baitan ere gogoa ekarriko dute IKko militantea.


Kanal honetatik interesatuko zaizu: Iparretarrak
2021-12-14 | Beñat Espil
Gora Allande gudaria!

Nihau bürüari izigarriko desafio bat ezarri diot: Allande Sokarros, ekialdeko Etxebartar seme eta Iparreko anaiaren bizia, horrialde bakar batean llabürbiltzea... Desafio izigarria Allanderen bizia ez beita izan lasaiezko ibai lüze bat. Bena halerik ere... [+]


2021-12-10 | Axier Lopez
Allande Sokarros kazetari eta militante euskaltzalea hil da

Allande Sokarros kazetari, itzultzaile eta militante zuberotarra zendu da 64 urterekin. Kazetaritzan urte luzez aritu da, ARGIAn eta beste hainbat hedabidetan.


2020-06-15 | Mikel Asurmendi
Baigorriko parrokian Filipe Bidartek Jamattit aitari eskainitako hitzezko gorazarrea

Jean Batiste Bidart Kuxkurrio, 2020ko ekainaren 8an zendu zen Baigorrin, 93 urte zituelarik. Ekainaren 11n, Baigorriko parrokian, Filipe Bidartek Jamattit aitari eskainitako hitzezko gorazarrearekin amaitu zen ekitaldia.


Gaurko egunez, Iparretarrak-eko Maddi Hegi eta Gabi Mouescak Pau-eko espetxetik ihes egin zuten

Gaurko egunez, 1986ko abenduaren 13an, larunbata zen, Iparretarrak erakunde armatuko militante Maddi Hegi eta Gabi Mouescak Pau-eko espetxetik ihes egin zuten. Espetxe aldaketa bat irudikatuz, hainbat ekintzaileren plana ongi atera eta espetxeko ate nagusitik atera ziren.


Eguneraketa berriak daude