Noam Chomsky EHZ jaialdian
Noam Chomsky hizkuntzalari eta filosofo estatubatuarrak hitzaldia emango du ekainaren 27tik 29ra Lekornen egingo den Euskal Herria Zuzenean festibalean.
Adel Bakawan ikerle eta soziologo kurduak, Mouss Ag Assarid Azawad mugimenduko bozeramaileak, Kataluniako CUPeko ordezkariek eta Adaluziako SAT sindikatuko kideek ere parte hartuko dute, beste eragile batzuen artean, mahai-inguru eta hitzaldietan, antolatzaileek aurreratu dutenez.
Mintzaldiak, tailerrak, erakusketak, irakurketa espazioa eta bestelako egitasmoak bilduko dituen Gogoeta gunea Garroa gazteluan kokatuko da.
Kontzertuei dagokienez, apirilean hasiko dira Lekornen zein taldek joko duten iragartzen.
Hiru egunetarako bonoak salgai daude jada, 45 euroan.
