Nepalen lehenbizikoz presidentea emakumea eta komunista

  • Bidhya Devi Bhandari Nepalgo lehen emakumezko presidente izendatu dute. Alderdi komunistako kidea, emakumeen eskubideen eta demokraziaren aldeko borrokagatik da ezaguna.

Eņaut Agirrebengoa Apaolaza @eagirrebeng
2015eko urriaren 30a
Bidhya Bhandari presidente berria garaipena ospatzen Kathmandun. (Arg: Getty)

Independent kazetak jaso duenez, Bhandarik hainbatetan eskatu du emakumeek gobernuko goi karguetan aritzeko aukera edukitzea. Kargua hartu berritan azpimarratu du bere lehentasunetako bat emakumeen eskubideak bermatzea izango dela.

Halaber, Bhandariren aburuz berak presidentetza lortu izana urrats izugarria da Konstituzioak berdintasuna bermatzeko bidean. Aldaketa jada hasia da irudikatzen, Parlamentuak lehen aldiz emakume bat izendatu baitu bozeramaile.

Bhandari nerabea zela sartu zen politikan, eta 1993tik aitzina erreferentziazko politikaria izan da Nepalen. Askoren arabera, herrialdeko demokraziaren berrezarpenean funtsezko papera jokatu zuen, 240 urte indarrean zeramatzan monarkiaren amaieraren erantzuleetako bat izan zelakoan. 2009 eta 2011 artean Defentsako ministro lanetan aritu zen, eta orain beste urrats bat eman du, presidentetzara iritsita.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Nepal

Nepal kanaletik interesatuko zaizu...
Azkenak
EGILEA
Argia buletina
Egunaren laburpena
zure e-postan
Pribatutasun politika irakurri dut eta onartzen dut
Eguneraketa berriak daude