“Negozioa den bitartean, ez da eskubidea izango”, salatu du Etxebizitza Sindikatuen Sareak Jaurlaritzaren ICPH kongresuan
Bilboko Euskalduna jauregian Eusko Jaurlaritzak antolatutako Etxebizitza Politiken Nazioarteko Kongresuan salaketa ekintza egin dute. Euskal Herriko Etxebizitza Sindikatuen Sareko zenbait kide pankarta batekin igo dira oholtzara Iñaki Arriola, Eusko Jaurlaritzako Lurralde Plangintza, Etxebizitza eta Garraio Sailburua hizketan hasi bezain pronto. "Negozioa den bitartean, ez da eskubidea izango", salatu eta 17:00etan Euskalduna kanpoaldean egingo duten protestara deitu dute. Goizean, beste protesta bat egin dute Euskalduna kanpoan Argilan-ESK, Berri Otxoak eta Euskal Herriko Etxebizitza Sindikatu Sozialistak deituta.
Euskal Herrian etxebizitza politiken inguruko nazioarteko kongresu bat antolatu eta etxebizitza sindikatuekin ezertarako ez kontatu izana salatzeko, aldarria kongresuaren bihotzera eraman diote ekintzaile sozialek Jaurlaritzari, nazioarteko publikoaren aurrean. Euskaldunako oholtzan pankarta ireki dute eta istilurik gabe kanpora atera dira, segurtasuneko kideek hala eskatu dietenean.
Ertzaintzak lau kide identifikatu eta Mozal Legea baliatuz hiruri isuna jarri diela salatu dute.
Ondorengo bideoa egin dute, bertan ikus daiteke protesta ekimena.
Arratsaldeko 17:00ean deialdia egina dute Euskalduna jauregiaren kanpoan, ICHP kongresuan espekulatzaileak bildu direla salatuta.
Kanpoan, beste protesta bat
Irekiera ekitaldia ezarrita zegoen momentu berean elkarretaratzea egin dute Argilan-ESK, Berri Otxoak eta Euskal Herriko Etxebizitza Sindikatu Sozialistak. Eusko Jaurlaritzak “etxebizitza duina” lortzeko prestazioei egindako “murrizketak” salatu dituzte, No a los recortes del derecho a la vivienda. Instituzioen fartsari aurre egin lelopean.
Jaurlaritza etxebizitza eskuratzeko prestazioak murriztu dituela, eta “baliabide hauek pertsona eta bizikidetza-unitate prekarizatuentzat kentzen” ari direla diote protestaren antolatzaileek. Bi neurri aipatu dituzte etxebizitza duina lortzeko aukeran eragina izan dutenak: batetik, Inklusiorako eta Diru-sarrerak Bermatzeko Euskal Sistemaren Lege berria, zeinak bizilekuaren kontzeptua birdefinitzen duen; eta bestetik, Etxebizitzaren Prestazio Ekonomikoa (EPE) izeneko laguntzaren sorrera, zeinak aurretik indarrean zeudenak ordezkatuko dituen.
Manifestazioa otsailaren 24an
Argilan-ESK, Berri Otxoak eta Euskal Herriko Etxebizitza Sindikatu Sozialistak “murrizketen, kriminalizazioaren eta pobretzearen aurka” manifestazioa egingo dute datorren otsailaren 24an, 12:00etan, Bilboko Moyua plazatik. Prestazio sozialetan izaten ari diren “murrizketak” ere salatuko dituzte manifestazio horretan.
Kontzientzia-eragozpena aurkezteko aukera legala daukate poliziek, eta horretarako babes "sindikala" duten arren, bakar batek ere ez du eskubide hori baliatu hamarkada batean baino gehiagoan.
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Bigarren urtez jarraian Iruñerriko Etxebizitza Sindikatu Sozialistak "jota aldarrikatzailea" abestu du uztailaren 7an, sanferminetako prozesioan, balkoi batetik. 2024an "elkarbizitzaren ideia faltsuari eta turismoaren negozioaren ondorioei" abestu... [+]
AZET Etxebizitza Sindikatuak salatu du Poliziak 8:00etatik hartu duela etxegabetu duten etxeko ataria. Auzokide ugari gerturatu badira ere etxegabetzea gelditzen saiatzera, Polizia etxebizitzara sartu da eta balkoira kateatu diren bi auzokideak askatu ditu. 9:30ak aldera heldu... [+]
Trintxerpeko (Gipuzkoa) Herrera kaleko 'Escalerillas' eraikinean 60 urte baino gehiago bizitzen daramaten bost familia etxegabetu nahi dituzte Pasaiako Portuko Agintaritzak eta Euskal Trenbide Sareak, merkantziak portutik mugitzeko trenbide bat eraikitzeko. Astelehenean... [+]
Goizean goiz bildu dira ostiralean (ekainak 27) AZET Etxebizitza Sindikatuko kideak eta Alde Zaharreko auzokideak etxegabetzearen aurrean deitutako auzo erantzunera. Bi ordu baino gutxiagoan adin txikiko seme-alabak dituen familia bat etxegabetu dute Bidebarrieta kalean... [+]
Ostiral arratsaldean (ekainak 27) egindako agerraldian, Etxebizitza sindikatuak elkartasuna adierazi die etxegabetuko dituzten zortzi errefuxiatu familiei, tartean adin txikikoak daude, eta haien egoera salatu du.
Duela urtebetetik duen aldi baterako harrera proiektua eten diote familia bati, eta bestea joan den astean etxegabetu zuten, inolako jakinarazpenik jaso gabe. Auzoan Bizi etxebizitza sareak agerraldia egin du ostegunean Txagoko Komunitate Sarearekin eta Federico Baraibar... [+]
Ostiral goizaldean emakume bat eta bere semea etxegabetu dituzte Iruñeko Alde Zaharreko Jarauta kaleko 82. zenbakian. Espainiako Poliziaren laguntzarekin, epaitegiko segizio judiziala etxebizitzan sartu eta eta bizilagunak kanporatu dituzte.
Desokupacyl desokupazio taldeak bideo bat argitaratu zuen atzo sare sozialetan, Luis Nuñez Mané burua eta beste hiru kide Donostian zeudela esanez. Bideoa, Kontxan grabatuta dago, eta “okupatutako” etxeak erostera bultzatzen du bertan Manék:... [+]
Ekainaren 6an Presidente Autonomikoen Konferentzia egin zen Bartzelonan, Pedro Sánchez eta Felipe VI.a erregea –emeritu ustelaren oinordekoa, beti da ona gogoraraztea– buru zirela. Isabel Díaz Ayuso faxistak uko egin zion Salvador Illaren eta Imanol... [+]
Iruñeko Alde Zaharrean, San Lorenzo kalean, pasa den astean bertan behera utzi zuen etxegabetzea Espainiako Poliziak, hura galaraztera bertaratu baitziren ehun bat herritar. Asteazken honetan, lehen orduan, Polizia eta Iruñeko Udaleko gizarte zerbitzuak heldu dira... [+]
Poliziak kalea moztu du goizean, eta lagun ugari gerturatu dira Bilboko Zurbaranbarri auzora etxea defendatzera. Indarrez sartu da Ertzaintza, eta azkenean gauzatu dute etxegabetzea. Mobilizazioa deitu dute 19:00etarako.
San Lorenzo kalean 57 urteko emakume bat –Ana Belen– etxegabetzeko agindua zegoen asteazken goizerako. Hori eragozteko, etxearen atarian 07:30etik aurrera bilkura deituta zuen Iruñerriko Etxebizitza Sindikatu Sozialistak. Azkenean ez da etxegabetzea gauzatu.
Etxea euskal ohitura zaharretan hildakoen eta bizirik zeudenen espazioa zen. Hilda jaiotzen ziren umeak edo bataiatu aurretik hildakoak kanpoko horma baten ondoan lurperatzen ziren, teilatuaren babesean. Abizenak ere etxe bati lotuta zeuden, etxeak ematen zion izena bertan bizi... [+]