“N'Diawaldy Bouly” eta “Karta astrala”, Euskal Zine Bilerako film onenak
"600 bat biztanleko Mauritania hegoaldeko herrixka da N’Diawaldi Bouly. Bertan, gogorra da bizitza, apenas duten bizirauteko. Baina jendea atsegina, solidarioa eta dibertigarria da. Euren herria maite dute eta zoriontsuak dira". Hori du argumentua Natxo Leuzak zuzendutako N’Diawaldy Bouly lanak; Lekeitioko 39. Euskal Zine Bilerako film onenaren saria irabazi du, profesional mailan.
Ekoizpen onenaren garaikurra ere lortu du pelikulak, eta Natxo Leuzak adierazi du sariaren diru guztia filmean ageri diren tribuko kideei emango diela.
Maiteren krisialdia ere, garaile
Amateur mailan, Maite Bidarte eta Koldo Garcíak zuzendutako Karta astrala lanak jaso du film onenaren saria, eta gidoi onenarena ere eurentzat izan da. "Krisialdi bat pasatzen ari da Maite, ezer ez da uste zuen bezala. Jakin badaki, soilik pertsona batek lagunduko duela krisia gainditzen. Horregatik, ez du amore emanen pertsona hori aurkitu arte". Hala dio filmaren sinopsiak.
Zuzendaritza onenaren saria Jorge Gil Munarrizek (Xinta dantza) eskuratu du profesionaletan eta Felipe Ugartek (Hasiera) amateurretan. Ekoizpen onenarena, amateurretan, Joxean Coya Ayudánentzat (Korronteari aurre. Euskal balezaleak Islandian) izan da eta gidoi onenarena, profesionaletan, Begoña Vicariorentzat (Beti bezperako koplak). Argazki onenaren saria berriz, Jorge Gil Munarrizek eta Sergei Soberak (Euphoria) jaso dute.
Sari berezien artean, Eneko Zuberoren 280º lanak irabazi du Gaztea 22 saria, eta Beti bezperako koplak lanarentzat izan da Antzar Morea, genero ikuspegia ongien landu duen filma izateagatik.
Duela 39 urte zinemaldi hau martxan jartzen lagundu zuen Benito Ansola omendu dute sari banaketan. “Garrantzitsuena da zinea egitea eta euskaraz egitea”, gogoratu du Ansolak.
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
2024ko urtarrilaren eta uztailaren artean Gazan filmaturiko 22 film laburrez osatua da From Ground Zero filma. Rashid Masharawi palestinar zinegilea dugu egitasmoaren oinarrian, eta 2023ko urriaren 7az geroztik Gazari buruz entzuten diren zenbakiei aurpegiak jartzeko asmoz lotu... [+]
Asteazkenetik aitzina Ipar Euskal Herrian, eta ostiraletik Hego Euskal Herrian; film oso gutxi estreinatzen dira horrela zinema aretoetan. Halaxe egingo du asteon Faisaien Irla-k. Fikzioa baitira mugak, horrela dio Asier Urbieta (Errenteria, 1979) zuzendariak: ez dira... [+]
Helena Taberna zinegileak jasoko du aurten Donostiako Giza Eskubideen Zinemaldiaren Saria. Sariaren entrega ostiralean, apirilak 11, 20:00etan Viktoria Eugenia Antzokian ospatuko den bukaera emanaldian izango da.
Ezagutzen duzue Kneecap filma? Oscar sarietarako hautatu zuten. Belfasteko hirukote baten istorioa da. Kneecap Hip Hop talde ezaguna da gaur egun, eta hizkuntzaren aldeko jarrera (gaelikoa) argia dute, IRAren osteko belaunaldiaren gorabeherak kontatzen ditu filmak; drogak eta... [+]
No other land dokumentalaren zuzendari Hamdan Ballal kolono sionistek jipoitu zuten astelehenean bere herrian, beste hainbat palestinarrekin batera, eta Israelgo militarrek eraman zuten atxilo ondoren. Astarte goizean askatu dute.
Donostiako Tabakaleran, beste urte batez, hitza eta irudia elkar nahasi eta lotu dituzte Zinea eta literatura jardunaldietan. Aurten, Chantal Akerman zinegile belgikarraren obra izan dute aztergai; haren film bana hautatu eta aztertu dute Itxaro Bordak, Karmele Jaiok eta Danele... [+]
35 film aurkeztu dira lehiaketara eta zortzi aukeratu dituzte ikusgai egoteko Euskal Herriko 51 udalerritan. Euskarazko lanak egiten dituzten sortzaileak eta haiek ekoitzitako film laburrak ezagutaraztea da helburua. Taupa mugimenduak antolatzen du ekimena.
Pantailak Euskarazek eta Hizkuntz Eskubideen Behatokiak aurkeztu dituzte datu "kezkagarriak". Euskaraz eskaini diren estreinaldi kopurua ez dela %1,6ra iritsi ondorioztatu dute. Erakunde publikoei eskatu diete "herritar guztien hizkuntza eskubideak" zinemetan ere... [+]
Geroz eta ekoizpen gehiagok baliatzen dituzte teknologia berriak, izan plano orokor eta jendetsuak figurante bidez egitea aurrezteko, izan efektu bereziak are azkarrago egiteko. Azken urtean, dena den, Euskal Herriko zine-aretoak gehien bete dituztenetako bi pelikulek adimen... [+]
Otsailaren 24tik eta martxoaren 1era bitartean, astebetez 60 lan proiektatuko dituzte Punto de Vista zinema dokumentalaren jaialdian. Hamar film luze eta zazpi labur lehiatuko dira Sail Ofizialean; tartean mundu mailako lau estreinaldi eta Maddi Barber eta Marina Lameiro... [+]
Madrilen arkitektoentzako kongresu bat burutu berri da, arkitekto profesioaren krisiaz eztabaidatzeko. Arkitekto izateko modu tradizionala eta gaur egungoa desberdindu dute. Zertan den tradiziozkoa? Oscar bidean den The Brutalist filmean ageri den arkitekto epikoarena. Nor bere... [+]