Paola Damonti genero adituaren Brecha orgasmica hitzaldia aurreikusia zegoen ostiral honetarako. Vox-ek solasaldia salatu eta Navarra Sumak bertan behera utzi du. Hitzaldia azkenean Katakraken eginen dute, Kale Nagusiko liburu-dendak berak iragarri duenez. Urtarrilaren 31an izanen da, ostiralarekin, 19:00etan.
Maiaren udal aginte taldeak Brecha orgasmica izeneko hitzaldiari betoa jartzeko agindua eman du. Emakumeen Etxean antolatuta zegoen, ostiral honetan, udalak berak iragarria zuenez. Vox alderdi ultraeskuindarrak presioa egin du sare sozialetan mezuak bidalita, hitzaldia bertan behera uzteko eskatuz.
Damontik patriarkatua gure ohetan ere sartzen dela dio. Haren esanetan, harreman heterosexualetan "gizon batek orgasmo bat izateko aukera emakumeena baino altuagoa da, arrakala hori ez da biologikoa, soziala eta kulturala baizik".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Talde erlijioso batek eskatuta kenduko dute LKN artistaren obra Iruñeko Morea saltokitik: "Ez dut inoiz iraintzeko asmorik izan; nire begirada artistikoa eskaini nahi nuen".
Ikusgela proiektuko bideo baten aurka jo du Covitek. Argudiatu du Txillardegiren irudia “zuritzen” duela, eta ETAk eragindako biktimak “iraintzen” dituela bideoan bera “euskal kulturaren salbatzaile” gisa aurkezteak.
Jose Luis Rebordinos Zinemaldiko zuzendariak prentsara gutuna bidali du. Bertan, Espainiako hainbat hedabidetan atera den gutuna kritikatu du. Izan ere, zalaparta ari dira sortzen hainbat biktima elkarte, Zinemaldian estreinatuko den No me llame Ternera (Jordi Evole eta Marius... [+]