NATOn sartzea eskatu dute Finlandiako agintariek, eta Errusiak neurri militarrak hartuko dituela ohartarazi du

  • Atzo Finlandiako presidenteak eta lehen ministroak adierazi zuten Finlandiak "NATOn sartu behar duela", bere segurtasuna bermatzeko. Errusiak, bestalde, adierazi du neurri militar bereziak hartzera behartuta egongo dela.


2022ko maiatzaren 13an - 10:19

NATOn sartzearen aldeko iritziak nabarmen egin du gora Finlandian. Hau ikusita, Sanna Marin lehen ministroak eta Sauli Niinisto presidenteak atzo adierazi zuten aliantza militarrean sartzeko lanetan hasiko direla. Horretarako, lehenik eta behin gobernuaren eta parlamentuaren babesa behar du NATOn sartzearen eskaerak, eta ostean, biztanleriak berrestu beharko du.

Azken inkesten arabera, biztanleriaren %76 dago aliantza militarrean sartzearen alde. Azken hilabeteetan nabarmen egin du gora; izan ere, otsailean, Ukrainako inbasioaren aurretik, biztanleriaren %53 zegoen aliantzan sartzearen alde, eta martxoan %62ra igo zen.

Finlandiako agintarien adierazpen hauen ostean, Errusia haserre agertu da, eta neurri tekniko eta militar bereziak hartzera behartua izango dela dio, azkenean Finlandia NATOn sartzen bada: "Errusia erantzunerako neurri militar eta teknikoak hartzera behartua izango da, bere nazioaren segurtasunerako mehatxuak gelditzeko", adierazi du Errusiako Kanpo Ministerioak.


Kanal honetatik interesatuko zaizu: NATO
Non dago ezker abertzalea?

Euskal Herrian eta Europan bizi den euskal herritar bat naiz.

Europako egoera geopolitikoa kontuan hartuta, nahiz eta 2014ean hasitako gatazka izan, Mendebaldeko hedabide ofizialek Ukrainako guda deitzen duten gerra 2022ko otsailean hasi zen, eta dagoeneko hirugarren urtean... [+]


NATOk dio europarrak prestatu behar direla 20 urte barru Errusiaren aurka gudara joateko

NATOko Batzorde Militarreko presidente Rob Bauerrek adierazi du gerra piztuz gero, zibil asko mobilizatzeaz gain, gobernuek “prozesua kudeatzeko sistemak” ezarri beharko lituzketela. Hurrengo 20 urteetan eman litekeen gertakaritzat jo du.


Gerra, genozidioa eta moral bikoitza

Denok genekien gezurra zela. Ukrainari emandako babesaren atzean ez zegoen arrazoi moralik, ez zegoen giza eskubiderik, nazioarteko legedia edo demokrazia defendatzeko asmorik. Urteetan Mendebaldeak beste alde batera begiratu zuen Kievek Donbasseko biztanleria bonbardatzen... [+]


1980an Italian 81 hildako eragin zituen hegazkin-istripua ez zen hala izan: Frantziaren erasoa izan zen Gaddafi hiltzeko asmoz

Giuliano Amato Italiako lehen ministro ohiak elkarrizketa batean esan du duela 23 urte Frantziak botatako misil batek eraitsi zuela hegazkina. Gaddafi ohartarazi egin zuten eta ez zen hegazkinera igo. Frantziako Gobernuaren eta NATOren isiltasuna salatu du.


Ukraina NATOra sartzeko Errusiari lurralde batzuk ematea proposatu du Aliantzako goi kargu batek

Norvegian urtero antolatzen den foro batean egin ditu adierazpenak NATOko idazkari orokorreko gabinete-buru Stian Jenssenek. Egun batzuk geroago, bere hitzartzea “akatsa” izan dela aitortu du.


Eguneraketa berriak daude