NATOk indar militarra areagotu du Ukraina inguruan

  • Hegazkinak, itsasontziak eta tropak bidali ditu Europa ekialdera. AEBak eta Erresuma Batuak Ukrainan dituzten enbaxadak husten hasi dira. Aste honetan biltzekoak dira AEBetako eta Errusiako ordezkariak krisiari irtenbide bat adostu asmoz, baina bitartean tentsioak gora jarraitzen du.


2022ko urtarrilaren 24an - 17:24
Azken eguneraketa: 18:26
Espainiako Gobernuak Blas de Lezo fragata bidali du Itsaso Beltzera. Argazkia: infodefensa.com

NATOk berak jakinarazi du Europa ekialdera indar militarrak bidali dituela: Norvegiak F-16 hegazkinak bidali ditu Lituaniara eta Holandak F-35ak Bulgariara, Frantziak tropak Errumaniara, eta Itsaso Beltzera fragata bat Espainiak. Egun berean jakin da Erresuma Batuak eta AEBak Ukrainako enbaxadak husten hasi dela. Bi gobernuek adierazi dute langileen erdia herrialdetik ateratzeko asmoa dutela, argudiatuta Errusiak “edonoiz” egin dezakeela Ukrainaren aurka, eta hori gertatzekotan ezingo lituzketela herrialdetik atera. Ukrainiako gobernuak adierazi du “goiz” dela tamainako neurriak hartzeko, eta Europar Batasuneko diplomaziaburu Josep Borrellek antzera hitz egin du: “Oraingoz ez dugu ikusten horretarako nahikoa arrazoirik”. Kontrako norabidean, Donestskeko Herri Errepublikak salatu du Ukraniako Gobernua Donbass eskualdearen aurkako eraso bat prestatzen ari dela, besteak beste Erresuma Batuetako militarren laguntzarekin.

Diplomazia eta mehatxuak

Astelehenean biltzekoa da AEBetako Estatu Idazkari Antony Blinken EBko Atzerri ministroekin, Ukrainako krisiaz mintzatzeko. Mendebaldeko herrialdeek eta NATOk Errusiari leporatzen diote Ukraina militarki erasotzeko planak izatea. AEBek militarki erantzuteko prest daudela adierazi dute, eta EBk zigor ekonomiko “masiboak” lehenetsi ditu gaur gaurkoz. Errusiak ukatu egin du esku hartze militarrerako inongo asmorik izatea. Salatzen du, ordea, NATOk gero eta presentzia handiagoa duela bere mugen ondoan eta eskatu du, besteak beste, NATO 1997ko mugetara itzultzea eta ez daitezela sartu Aliantza Atlantikoan Europa ekialdeko herrialde gehiago.

Iragan ostiralean bildu ziren Blinken eta Errusiako Atzerri ministro Serguei Lavrov. Bileran Lavrovek Errusiaren eskaerak helarazi zizkion AEBetako ordezkariari. Aste honetan berriz biltzea adostu zuten, eta bertan emango die AEBetako Gobernuak erantzuna Errusiaren eskariei.


Kanal honetatik interesatuko zaizu: Ukraina
2024-04-24 | Axier Lopez
Propagandarako tresna berria Ukrainan

Ukrainako gerraren benetako izar bihurtu dira droneak, baina ez hainbeste ohiko gudu-zelaian, baizik eta gudari ere badagokion baina oso bestelakoa den eremu batean: gerra-propaganda. Moskuk eta Kievek erabiltzen dituzte tripulaziorik gabeko hegazkinek grabatutako bideoak beren... [+]


2024-04-24 | Axier Lopez
Dronea, munduko botere harreman desorekatuen ikur eta eragile

Giza asmakizun oro lez, onena eta txarrena egiteko gai dira. Baina, tamalez, dronea, beste ezeren gainetik, Mendebaldeko potentzia kapitalistek munduaren gehiengoa menpean jartzen jarraitzeko tresna nagusietakoa da. Zirrikitu teknologikoetatik haratago, funtsezko pieza da bizi... [+]


Europak armak erosiko ditu, zuri pentsioa kenduta

Badator gerra handi bat. Gastu militar ziztrin horiekin ez goaz inora. Trumpek bakarrik utziko gaitu oraingoan. Herritarrek prest egon behar dute Putinen aurrean... Europar Batasuneko agintarien artean nagusitzen ari den diskurtso hori, hitz bakarrean laburbiltzen da:... [+]


Pablo Gonzalez "berehala" askatzea exijitu dute Gernikan eta nazioartean

Bi urte Polonian preso daraman kazetaria "berehala" askatzeko exijitu dute ehunka lagunek Gernikan. Madrilen, Espainiako Kongresuaren aurrean elkarretaratu dira alderdi ugaritako diputatuak; Espainiako Atzerri ministro Jose Manuel Albaresen esanetan, kazetariaren... [+]


Eguneraketa berriak daude