ARGIA.eus

2021eko ekainaren 16a

Nafarroako Gobernuak euskararen erabilera ikertzeko hitzarmena sinatu du Soziolinguistika Klusterrarekin

  • Soziolinguistika Klusterrak 2021ean hasiko dituen hiru ikerketa proiektu hitzartu dituzte. 25.000 euroko inbertsioa egingo du Nafarroako Gobernuak horiek finantzatzeko.

Iraitz Madariaga Etxebarria
2021eko ekainaren 08a

Nafarroako Gobernuak eta Soziolinguistika Klusterrak ekainaren 7an aurkeztu dute 2021erako sinatu duten akordioa. 25.000 euroko aurrekontua bideratuko da eskualdeko ikerketa soziolingustikoa garatzeko hiru proiektuetarako. Lortutako emaitzak Nafarroako hizkuntza errealitatera egokituko diren politikak garatzeko oinarri izango dira.

Ana Ollo Nafarroako Gobernuko Herritarrekiko Harremanetako kontseilariak eta Mikel Irizar Soziolinguistika Klusterraren lehendakariak aurkeztu dute proiektua, Mikel Arregi Euskarabidearen zuzendariak eta Imanol Larrea klusterraren zuzendariak lagunduta.

Hauek dira martxan jarriko dituzten hiru proiektuak: Hizkuntz Erabileraren Kale Neurketa, Aldahitz ikerketa eta Eremu euskalduneko haurren hizkuntza-jardunbideen eta bizipenen ikerketa. Proiektuak 2021ean jarriko dira martxan, eta euskararen berreskurapena eta normalizazioan lagunduko duten hizkuntz politikak sustatzeko abiapuntu izango dira lortutako datuak.

Hizkuntz Erabileraren Kale Neurketa bost urterik behin egiten den azterketa da, eta biztanleen egunerokotasuneko euskararen erabilera neurtzeko erabiltzen da. Eremu euskalduneko haurren hizkuntza-jardunbideen eta bizipenen ikerketa, berriz, Lehen Hezkuntzako 4., 5. eta 6. mailetako ikasleen hizkuntz ohituretan zentratuko da. Hirugarren proiektua lan-mundura bideratuta dago: esperientzia pilotuak martxan jartzen dira, enpresetan euskararen erabilera sustatzeko.

Klusterraren datuak

Soziolinguistika Klusterrak plazaratutako kale-ikerketaren arabera, 2016ko neurketetan, Nafarroan puntu bat igo zen euskararen erabilera, 2011ko datuekin alderatuta.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Euskara Nafarroan  |  Soziolinguistika  |  Nafarroa

Euskara Nafarroan kanaletik interesatuko zaizu...

Azkenak EGILEA
Argia buletina
Egunaren laburpena
zure e-postan
Eguneraketa berriak daude