N-121-A errepidean droneak erabiltzen hasi da Foruzaingoa, "arau-hausteak detektatzeko eta zigortzeko"
Trafiko eta Bide Segurtasuneko Foruzaingoko agenteak laguntza teknologikoko taldeko droneak erabiltzen ari dira N-121-A errepidean (Iruñea, Behobia), airetik zaintzeko “istripu bihur daitezkeen arau-hauste larriak”.
Foruzaingoak azaldu duenez, "arrisku gune jakin batzuk nabarmentzen dira, non marra jarraituek aurreratzea debekatzen duten, aurrez aurre talka egiteko arriskua dagoelako".
Bigarren fasea abiatuta, trafiko ugaritzea antzeman da, eta horrek istripu arriskua dakar. Aurreko faseekin bat egin zuten asteetan trafikoa murriztu zen.
Droneak hainbat motatako polizia ekintzetarako erabiltzen ari dira, eta orain bide segurtasurena ere bideratu dituzte, “erabiltzaileak arriskuan jartzen dituzten baimendu gabeko jokabideak detektatzeko eta zigortzeko".
Belateko tunela igarotzen duen N-121-A errepidearen inguruan sorturiko herri plataformak Nafarroako Gobernuari eskatu du kamioien trafikoa Leitzarango autobiatik desbideratu dezala. ikerketa bat egin du eta 2020an istripu hilgarrien %25 errepide horretan gertatu zen.
33 lagunek galdu dute bizia Irun eta Iruñea batzen dituen errepidean hamar urtean. Horrez gain 300 izan dira bertan gertatutako istripuetan zaurituak. Bortzirietako hainbat herritarren protesten ondoren, Nafarroako Gobernuak kamioiei bidesariak jartzeko erabakia hartu du.
Pasa den igandean, martxoaren 1ean, Javier Remírez Apesteguía Nafarroako Lehen Lehendakariorde eta Lehendakaritza, Berdintasun, Funtzio Publiko eta Barne Kontseilariak. eta Bernardo Ciriza Pérez Lurralde-Kohesioko Kontseilariak, nolabaiteko harridura sortu... [+]
Otsailaren 28an Beran egindako mobilizazioaren ondotik, hurrengoa Uharten eginen dute. Hasieran, ortziralean egitekoa bazen ere, azkenean, igandean, martxoak 15, eginen da, 19:00etatik 20:00etara.
Alkateen deiari erantzunez, ortzirale iluntzean (otsailak 28) jendetza bildu da Beran errepidea moztu eta nazioarteko garraioan dabiltzan kamioiak N-121-A errepidetik desbideratzea eskatzeko. Eskaera, lehenik eta behin, Nafarroako Gobernuari zuzendu diote... [+]