Larunbateko bi gazteen heriotzarekin, 2010etik 31 pertsona hil dira N-121A errepidean

  • Larunbat arratsaldean gertatu zen ezbeharra. Bi autoen arteko talka izan zen  baina okerrena atzetik zetorren kamioiarekin kolpea hartu zutenean etorri zen, barruan ziren bi gazteak hil egin baitziren. Beste bost pertsona zauriturik izan ziren. Azken 10 urteotan 31 pertsona hil egin dira N-121 errepidean.


2020ko urtarrilaren 13an - 10:45
Olaguen izan zen istripua larunbatean.

Arratsaldeko 19:50ean gertatu zen istripua. 4x4 auto batek aurrez aurre jo egin zuen atoia zeraman beste kotxe batekin N-121 errepidean Olague parean. Bigarren kotxe honek kontrola galdu eta atzetik zetorren kamioi baten kontra jo zuen aurrez aurre. Barruan ziren bi gazteak hil egin ziren. Mikel Manzano, Igantziko 21urteko bizilaguna eta Xabier Taberna Donostiarra bainan Arantzan etxea duen 19 urteko gaztea dira hildakoak. Biak lagunak ziren. Beste bost pertsonek zauriak izan zituzten.

SOS Nafarroaren arabera, biak berehala hil ziren, eta bertaratu ziren medikuek heriotza baieztatu baino ezin izan zuten egin. Suhiltzaileek atera zituzten gorpuak, eta Nafarroako Auzitegi Medikuntzako Institutura eraman zituzten. Han egingo diete autopsia.

Foruzaingoko trafikoko sei patruila, atestatuak eta Iruñeko Herritarren Segurtasuneko patruila bat bertaratu ziren istripuaren lekura, baita suhiltzaileak eta anbulantziak ere. Foruzaingoa istripuaren arrazoiak ikertzen ari da.

4.000 kamioi egunero

(ARGIAren informazioarekin) Azken hamarkadan, errepide honek zeharkatzen duen Nafarroako zatiko instituzio eta herritarrek era askotan eskatu diote Nafarroako Gobernuari har ditzala neurriak errepidean dagoen kamioi trafiko handia gutxitzeko. Horretarako, eskualdeko alkateek bilera ugari egin dituzte ordezkari instituzionalekin eta herritarrek hainbat mobilizazio era bai.

Azken hamar urteetan 31 lagun hil dira errepide honetan, eta azken 25 urteetan 193 izan dira. Nafarroa osoan heriotz gehien duen errepidea da. Udal eta herritar gehienen aldarrikapena da errepide honetako trafiko astuna, nazioarteko kamioiak, A-15etik desbideratzea, haien ustez hori baita horretarako prestatutako azpiegitura. Eskaera hau bultzatzen ari den plataformaren esanetan, Behobiara 20 kilometro gehiago dira A15etik joanda, baina denbora aldetik berdintsu da, "batez ere kamioiek eraman beharreko abiadura errespetatuko balute, gaur egun gertatzen ez dena", dio Mikel Uriarte Olagueko kontzejuko alkate ohiak.  

 

 


Kanal honetatik interesatuko zaizu: Arriskua N-121-A errepidean
2021-06-24 | ARGIA
3.000 sinadura hamar egunetan, kamioiak N-121-A errepidetik atera ditzatela eskatzeko

Belateko tunela igarotzen duen N-121-A errepidearen inguruan sorturiko herri plataformak Nafarroako Gobernuari eskatu du kamioien trafikoa Leitzarango autobiatik desbideratu dezala. ikerketa bat egin du eta 2020an istripu hilgarrien %25 errepide horretan gertatu zen.


N-121-A errepidean droneak erabiltzen hasi da Foruzaingoa, "arau-hausteak detektatzeko eta zigortzeko"

Trafiko eta Bide Segurtasuneko Foruzaingoko agenteak laguntza teknologikoko taldeko droneak erabiltzen ari dira N-121-A errepidean (Iruñea, Behobia), airetik zaintzeko “istripu bihur daitezkeen arau-hauste larriak”.


Kamioientzako bidesariak jarriko ditu Nafarroako Gobernuak N-121-A errepidean

33 lagunek galdu dute bizia Irun eta Iruñea batzen dituen errepidean hamar urtean. Horrez gain 300 izan dira bertan gertatutako istripuetan zaurituak. Bortzirietako hainbat herritarren protesten ondoren, Nafarroako Gobernuak kamioiei bidesariak jartzeko erabakia hartu du.


2020-03-11 | Hainbat egile*
N-121-A: konponbideekiko engaiamendua edo arduragabekeriaz jokatzea

Pasa den igandean, martxoaren 1ean, Javier Remírez Apesteguía Nafarroako Lehen Lehendakariorde eta Lehendakaritza, Berdintasun, Funtzio Publiko eta Barne Kontseilariak. eta Bernardo Ciriza Pérez Lurralde-Kohesioko Kontseilariak, nolabaiteko harridura sortu... [+]


2020-03-10 | Erran .eus
Martxoaren 15ean eginen dute Uharten N-121-A errepideko bide-segurtasuna hobetzeko eskatuz hurrengo protesta

Otsailaren 28an Beran egindako mobilizazioaren ondotik, hurrengoa Uharten eginen dute. Hasieran, ortziralean egitekoa bazen ere, azkenean, igandean, martxoak 15, eginen da, 19:00etatik 20:00etara.


Eguneraketa berriak daude