Musika eszena gehitu diote aurtengo Ziburuko Liburu eta Disko Azokari
Haira, Adrian Perez, Patxuko Nice eta Ixabe taldeak egonen dira kontzertu laburren bidez beren azken diskoa ezagutarazten. Liburu aurkezpenen gisara, musikagintzan den sorkuntzari ere lekua bideratu nahian dabiltza Baltsan eta ARGIA antolatzaileak. Larunbatean iraganen da azokaren laugarren edizioa Ziburun.
Aurtengo edizioak dakarren berritasunen artean dugu disko aurkezpenei bideraturiko bigarren oholtzarena. Musikagintzari leku ikusgarriagoa eskaintzeko beharretik osatu dute Ziburuko Azokako kontzertu laburren eskaintza: Peio Erramouspe lapurtarraren Haira (Usopop) proiektua ezagutzeko parada egonen da 14:00tan, ondotik ariko dira 15:00tan Adrian Perez (Balio Dute) eta 16:30etan Patxuko Nice (Baga Biga), eta bukaera emanen dio Ixabe (Maitakultura) talde ziburutarrak.
Diskoetxeekin elkarlanean osaturiko eskaintza da: "Diskoetxe txikiak edo labelak kontaktu genituen haiekin batera egiteko lan. Bi Hegoaldekoak, bi Iparraldekoak. Showcase-ena proposatu genien haiek ezagutarazi nahi zuten proiektua hautatzeko. Guk plataforma txiki bat prestatu diegu, eta haiek dute taldea edo proiektua hautatu. Baldintzak ziren proiektuan euskaraz kantatzea eta gehienik hiru lagunekoa izatea, 20 minutuko emanaldi txikia baita", dio antolakuntzan arituriko Ihintza Marguiraultek.
Liburu eta disko aurkezpenez gain, bestelako eskaintza kulturalez jositako eguna dugu Ziburuko Azokarena: haurrentzako ikusgarria, bertsoa eta marrazkia nahasten duen "Zirriborroka", umorezko saioa ala erakusketak. Azokari bukaera emanen dio Adar taldeak, showcase formatu laburrak luzeagoari utziz lekua.
Egitarau osoa kausituko daiteke lotura honetan.
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
Ziburuko Euskal Liburu eta Disko Azoka iragan da ekainaren 7an, 40 bat argitaletxe eta diskoetxe eta milaz gora bisitari elkarturik herriko plazan. Euskaraz bagara lelopean iragandako seigarren edizio horren balorapen baikorra egin dute Baltsan eta ARGIA antolatzaileek: euskara... [+]
Ziburuko Euskal Liburu eta Disko Azoka iragan da ekainaren 7an, 40 bat argitaletxe eta diskoetxe eta milaz gora bisitari elkarturik herriko plazan. Euskaraz bagara lelopean iragandako seigarren edizio horren balorapen baikorra egin dute Baltsan eta ARGIA antolatzaileek: euskara... [+]
Bidaide eta gogaide XVII. mendeko Arnaud Oihenarteren Atsotitzak eta neurtitzak liburuan kausitu dezakezu, eta bidean kausitu eta gustura ondoan harturiko bidai-lagunari erraten zitzaion "gogaide". Aurelia Arkotxak ekarri zuen gurera, Zubiburu solasaldian, hain justu... [+]
1.000 euskaltzale eta kulturazale baino gehiago giro goxoan ibili dira Ziburuko liburu eta disko azokan, eta larunbat goiz eta arratsaldez gozatu dute hitzaldi, kontzertu eta liburu aurkezpenez. 33 argitaletxe eta 10 diskoetxeren lanak ezagutzeko eta erosteko aukera probestu... [+]
Ziburuko Azokaren seigarren edizioa iraganen da larunbatean Ziburuko plazan. 33 argitaletxe, 10 diskoetxe, 39 idazle eta 111 berritasun, uzta ederra izanen dugu aurtengoan ere.
Ziburuko Euskal Liburu eta Diskoen Azokak 6. edizioa izango du aurtengoa. Ekainaren 7an egingo da, ohi bezala larunbatez, Baltsan elkarteak eta ARGIA komunikabideak antolatuta. Atarian, sorkuntzaren gibelean dagoenaz mintzatzeko, maiz bistaratua ez den baina zorionez geroz eta... [+]
Ziburuko Azokaren karietara abiatu zen Azokaroak aurrera jarraitzen du Ipar Euskal Herrian eta ostiral honetan poema errezitaldi musikatuaz gozatu ahal izango dute Euskal Urruñako Berttoli kultur elkartean, 19:00etan: Maddi Sarasua itsasuarrak idatzitako Biharraren hegietan... [+]
Ekainaren 7an izango da Baltsan elkarteak eta ARGIAk elkarrekin antolatzen duten Ziburuko Euskal Liburu eta Disko Azoka. Seigarren edizio honetan Aurelia Arkotxa izango da omendua eta egitarau oparoa ezagutzera eman dute prentsaurrekoan. Ziburuko Azokaren uhina inguruko... [+]
2019an hasi zen Ziburuko azoka eguneko ekitaldi gisa, baina azken urteetan azoka egunaz aparteko ekitaldiak antolatu izan dira inguruko herrietan ere: Azokaroa da. Ladix Arrosagarai Baltsan elkarteko kidearekin mintzatu gara Azokaroaren nondik norakoez.
Ziburuko Liburu eta Disko Azokaren 6. edizioa ekainaren 7an izango da. Girotzeko eta azokaren eragina inguruko herrietara zabaltzeko, aurreko asteetan zehar sei ekintza kultural antolatu dituzte Baltsan elkarteak eta ARGIAk elkarlanean. Lehena martxoaren 30ean izango da,... [+]