Munduko aberatsenen zerrendan Euskal Herriari lotutako hiru izen

  • Forbes aldizkariak zabaldu du 2017ko munduko aberatsenen zerrenda. Euskal Herriarekin zuzenki lotutako hiru izen hauek ageri dira: 693. postuan eta 2,9 mila milioi dolarren jabe Juan-Miguel Villar Mir (OHL enpresa); 973. postuan 2,5 mila milioi dolarren jabe Daniel Francisco Maté Badenes (Suitzan bizi den donostiarra); eta 1.795. postuan 1,1 mila milioi dolarren jabe Jose Maria Aristrain (ArcelorMittalen jabe olaberriarra).

Estitxu Eizagirre @eeizagirre
2017ko irailaren 01a

Juan-Miguel Villar Mir: Bizkaiko Labe Garaiak eta OHL

1931n Madrilen jaioa. 1960ko hamarkada amaieran Bizkaiko Labe Garaietako lehendakari izan zen, baita bere taldeko kide ziren Mediterraneoko Labe Garaiena eta Hidronito Españolakoa.

1987an Bizkaiko Labe Garaiek Obrascón eraikuntza enpresa erosi zuten pezeta bakarrean, eta 1999an Obrascón egungo OHL bilakatu zen (Obrascón Huarte Lain). Egun OHLko lehendakaria da.

Villar Mir taldea ere sortu zuen, hainbat sektoretako enpresak biltzen dituena: Villar Mir Energia (energia), Ferroatlántica (altzairu eta metalgintza), Fertiberia (ongarriak) eta OHL eta Pacadar (eraikuntza).

Politika, noblezia, futbola eta ustelkeria: Haziendako ministro izan zen 1975-1976 artean. 1995ean eta 2006an Real Madril futbol taldeko lehendakari izateko aurkeztu zen baina ez zuen bere nahia lortu. 2011ko otsailean Villar Mirko markes izendatu zuen Espainiako Juan Carlos erregeak. Ustelkeriari lotutako Lezo traman ikertua izan da 2017ko maiatzean.

Urtarrilean Saudi Arabiara Espainiako erregearekin joandako enpresen artean zegoen OHL.

Daniel Francisco Maté Badenes: Metalen salerosketa

Donostian jaioa 1963an, egun Suitzan bizi da. Mineralak salerosten dituen Glencore enpresako akziodun nagusietariko bat da. Maték kudeatzen du Glencore-ren zinkaren alorra eta mundu mailan nagusi da, 12 herrialdetan (batez ere Latinoamerikan) dituen 24 mehatze, 7 fundizio eta 6 birfindegiekin.

 

Jose Maria Aristrain de la Cruz: Arcelor-Mittal eta iruzur fiskalik handiena

1963an Olaberrian jaioa. Aitarengandik (Jose Maria Aristrain Noain) herentziatzarra jaso zuen berau 1986an hil zenean: Olaberrian 1955ean eraikitako altzairugintza fundizioa eta Espainiako Estatuan zabaldu zena, Espainiako pertsonarik aberatsena bihurtuz.

Urteekin altzairugintza enpresa handiak elkartzen joan ziren: Espainiako Estatuan Aceralia pribatizatu zuten (Jose Maria Aristrain de la Cruzek %11 zuen); Europan Frantzia, Espainia, Belgika eta Luxenburgoko enpresa handiek Arcelor sortu zuten eta ondoren mundu mailan, Mittalek Arcelor eskuratzean. Arcelor-Mittalen %2a Aristrainena dela uste da.

Tubacex enpresaren %11 erosi zuen 2014an.

Espainiako finka handienetakoa den Valdepuercasen (Cáceresen) jabe da eta arraza garbiko zaldi haztegi bat du, baita zezen haztegi bat ere.

2005-2009 urte artean 210,98 milioi euroko iruzurra egin izana egotzita, epaiketa zain dago egun. Bere egoitza Suitzan zegoenaren itxurak egin zituela eta Luxenburgoko jarduerak ezkutatu zituela uste du fiskaltzak. 15 delitu fiskal egin izanaz salatzen du fiskaltzak eta 64 urteko espetxe zigorra eta 1.400 milioi euroko isuna eskatzen ditu haren kontra. (Irakurri gehiago Castellanako Paperei buruz.)

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Globalizazio neoliberala kanaletik interesatuko zaizu...
2018-10-11 | Zero Zabor
Coca-Cola, Pepsi, NestlÚ, Danone... marka handienak dira plastikoz mundua gehien kutsatzen dutenak

Mundua plastikozko ontzi eta azalez itotzear jarri duten kutsatzaile nagusiak marka komertzialik indartsuenak berak dira, Break Free From Plastic gobernuz kanpoko erakundeak dossier batean erakutsi duenez. Zehazki Coca-Cola, PepsiCo, Nestlé, Danone, Mondelez International, Procter & Gamble, Unilever, Perfetti van Melle, Mars Incorporated eta Colgate-Palmolive salatzen ditu kutsatzaile nagusitzat. Indartsuetan hiru boteretsuenen artean bakarrik (Coca-Cola, PepsiCo eta Nestlé)... [+]


Chevron-Ekuador: epaile pribatuek honela menderatu dute estatua

Chevron petrolio konpainia iparramerikarra Ekuadorreko auzitegiek 2012an kondenatu zuten Amazonian eragindako kutsaduragatik 8.100 milioi euro ordaintzera. Orain gatazka komertzialetan arbitro lanak egiten dituen auzitegi pribatu batek atzera bota du, Holandan, ebazpen hura eta zigorrik gabe utzi urte luzez milaka herritarrek nozitutako kalteak. Merkatal ganbaren pribatuak arbitro auzitegietako epaileen gainetik: honela dago antolatuta multinazionalen inpunitatea.


Hamar urte krisian
Kasino globalaren pitzadurak hor jarraitzen du

2008ko irailaren 15ean Lehman Brothersek kiebra onartu zuenean paradigma eta uste asko ere hondoratu ziren berarekin. Atzeraldi Handia-ren hasiera izan zen, nahiz eta finantza kapitalismoa aspaldi zebilen sistema irrazional baten mamua begiztatzen etxe-orratz distiratsuetan islatuta. Agintariek, egoera bideratu beharrean okertu egin dute: jendea ari da krisia pagatzen eta bankuek jarraitzen dute erruleta arriskutsuaren jokoan.


Eskuin muturra garaitu

Etorkinen eta errefuxiatuen etorrera udako albistegietako protagonista izan da. Ez da gauza berria, urteak daramatza Europar Batasunak errealitate horren kudeaketa kaskarra egiten. Adierazle gisa dugu eskuin muturreko populismoaren gorakada hauteskundeetan. Muturreko zentro progresistaren hegemonia garaietan gutxi hitz egiten da eskuin populistaren arrakasta ulertzeko sakoneko faktoreez. Egokitasun politikoaren diskurtsoak, nagusitasun morala adieraziz, nahiago du eskuin muturreko boto-emailea... [+]


Samir Amin hil da, periferiako herrien deskonexioaren teorikoa

Samir Amin itzali berri da Parisen 87 urterekin. Kairon 1931n sortua, gaztetatik burututako lan teoriko, akademiko eta ekintzaileetan jarrai daitezke munduaren XX. mendearen bigarren erdiko garapen kontraesankorraren arrastoak. Hirugarren Munduko herrien askapen mugimenduak sustatu zituen, aske bizirauteko deskonexioa proposatu zien inperialismo kapitalistarekiko, eta azken hamarkadotan mugimendu altermundialisten pentsalari nagusietako bat izan da.


Beroaldi globalak badu klase sozialen berri: txiroak kiskali estreina

2018ko uda beroarekin ipar hemisferio osoak hurbilagotik ezagutu du klimaren aldaketa. Tifoien edo uholdeen zalapartarik gabe, haiek bezain suntsitzaile gerta daitezke beroaldi handiak. Beste gauza gehienetan bezala, ordea, beroaren erasoa ez dute berdin nozituko hotza eskuratu dezaketenek eta freskatzeko modurik ez dutenek. Aire egokitua behar duten hirietan, gero eta hiritarragoa den gizadiaren barruan, jende eta auzo txiro eta bakartuenak dira galdaran legez egosteko arriskuan.


Josu Jon Imazen (Repsol) ongi etorria Espainiako Gobernu berriari: ez igo zergak

Pedro Sánchezek Espainiako Gobernua hartzearekin, batek baino gehiagok gogorarazi dio duela hilabete eta erdi eskas aurrekontu “alternatiboak” plazaratu zituenean hitz emandakoak. Tartean, enpresei eta bankuei zergak igotzeko neurria dago, modu horretan gastu soziala ordaintzeko.


Vandana Shiva asteazkenean klima aldaketaren erronkez mintzatuko da Donostian

Fisikan Doktore eta gizarte eta ingurumen gaietan ekintzaile, gizateriak aurre egin behar dion egoeraren aurrean bere ikuspegia emango du, batik bat krisi klimatikoaren ondorio ekologiko, politiko eta sozioekonomikoen esparruetatik. Klima-aldaketa "planetaren gaixotasun metaboliko" gisa definitzen du klima-aldaketa , eta ekofeminismoa berriz, "biozibilizazio planetarioaren bidea" bezala.


Oaxakatarrei ekonomia berdeak bortizkeria iraunkorra eraman die

Mexikoko Oaxakan Tehuantepec istmoa bilakatu da munduko haize-errota parke handienetakoa, erregai fosilak kiskaltzea gutxitu gabe energia berriztagarrietan txapeldun agertu nahi duten korporazio handien erakusleiho. Ekonomia ustez berdeak hor erakusten du, ordea, itzalpeko aurpegi itsusia: natur baliabideen lapurretaz kexu diren herritarrei konpainiek, gobernuak eta militarrek intentsitate apaleko gerraz erantzuten die. Kontrainsurgentzia zaharraren aplikazio berriak.


Azkenak
EGILEA
Eguneraketa berriak daude