Mozal Legea aplikatuta 900 euroko isuna Iruņeko hiru euskaltzaleri

  • Euskararen ofizialtasuna aldarrikatzeko Nafarroako Parlamentuan kateatu ziren Euskal Herrian Euskarazko hiru lagun iazko abenduan. Carmen Alba Espainiako Gobernuaren Ordezkariak Mozal Legea aplikatzea erabaki du eta ekintzan parte hartu zuten euskaltzale bakoitzari 300 euroko isuna jarriko dio, Ahotsa.infok zabaldu duenez

Ane Eslava Serrano @eslavaane
2017ko apirilaren 26a

Abenduaren 15ean 30 urte bete zituen Vascuencearen Legeak eta indarrean urte gehiegi daramatzala salatzeko baliatu zuten urteurrena EHEko kideek. “Ofizialtasunari ateak ireki” zioen pankartarekin Nafarroako Parlamentuan kateatu ziren.

Foruzaingoak identifikatu eta aske utzi zituen, eta gertatutakoaren inguruko txostena helarazi zion Carmen Alba Espainiako Gobernuaren Ordezkariari. Hark Mozal Legea aplikatzea erabaki du eta 900 euroko isuna ezarri die.

Ekintzaren bitartez euskara Nafarroa osora zabaltzeko garaia dela aldarrikatu nahi zutela azaldu dute euskaltzaleek: “Larriena iruditzen zaiguna da euskararen aldeko jarrera duen gobernu batekin legeak indarrean jarraitzea”, adierazi dute. Gizartearen aktibazioa gakoa dela iritzita, legearen 30. urteurrena baliatu dute jendeari lan egiteko eta aktibatzeko deia luzatzeko: “Su txikiak pizteko unean gaude, eta adibideak ez dira gutxi: mediku eta pediatra euskaldunak eskatu dituzten auzotarrak, haur-eskola euskalduna nahi duten gurasoak edo administrazioarekin harreman euskalduna eskatu duten herritarrak”.

Ekintzaren bideoa (ahotsa.info):

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Euskal Herrian Euskaraz kanaletik interesatuko zaizu...
Azkenak
EGILEA
Eguneraketa berriak daude