Mozal Legeaz zigortu nahi dituzte Altsasun kanpaiak jo zituzten gazteak
“Zilegi” zen ekitaldi bat oztopatzen saiatzea arau hauste “larritzat” jo dute Nafarroako foruzainek. Mozal Legearen 36.8 artikulua egotzi nahi diote, eta isuna 600 eta 30.000 euro artekoa izan daiteke.
Igandean egin zen Altsasun España Ciudadana plataformaren ekitaldia, eta horren aurkako hainbat ekimen aurrera eraman zituzten Altsasuko Herri Asanbladako eta Altsasu Faxismoaren Kontra plataformako kideek. Ekintzetako bat ultraeskuindarren ekitaldia hasi orduko burutu zen: metro gutxitara dagoen parrokiako kanpaiak jo zituzten, ekitaldiko hizlariak entzuteko arazoak sortuz. Polizia elizara sartu eta lau gazte identifikatu zituzten.
Zilegi den ekitaldi edo manifestazio bat oztopatzea edo oztopatzen ahalegintzea, arau haustea dela dio Herritarren Segurtasunerako Legearen 36.8 artikuluak, gizarteko sektore zabalek Mozal Lege gisa definituak. Foruzainek horretan oinarrituta ezarri diete salaketa. Hala eta guztiz ere, arau hausturaren graduazioa erabakitzeke egongo litzateke: "txikia" (601 eta 10.400 euro artean), "ertaina" (10.401 eta 20.200 euro artean) edo "gorena" (20.201 eta 30.000 euro artekoa).
“Erretoreak eman zien baimena”
Kanpaiak entzun orduko txiokatu zuen Santiago Abascal VOX alderdiko buruak, Altsasuko erretoreari egozten kanpaiak jotzearen errua. Astelehenean bertan egin zuen adierazpen ofiziala Altsasuko Parrokiak. Patxi Izco parrokoaren izenean argitaratu ziren honako hitzak sare sozialetan: “11:00etako mezaren ondoren inork ikusi gabe sartu ziren barrura, eta guk ez dugu babesten egin zutena; ez zuen gurekin zerikusirik”.
AHTren kontrako eta trenaren aldeko eragileek deituta, manifestazioa egingo dute Altsasun apirilaren 20an, larunbatarekin, tren-azpiegiturak berritu eta trenen maiztasuna handitzea eskatzeko. Alternatiba bat badagoela gogorarazi dute deitzaileek eta azterketa hori aurrera... [+]
Altsasuko kirol elkarteak salatu du joan den ostiralean, otsailaren 2an, entrenamendu amaieran “pertsona bat edo gehiago” argazkiak edo bideoak egiten saiatu zela aldagelako leihotik entrenamendu baten amaieran. Foruzaingoaren esku utzi dute salaketa.
Nafarroa Trenaren Alde, Araba Trenaren Alde eta Goierriko AHTrik Ez plataformek Altsasun egindako prentsaurrekoan egin dute eskaera: tren lasterrak soilik erabiltzeko trenbide-azpiegitura berriak eraikitzeko proiektuak geldiaraztea, gaur egungo tren-azpiegiturak berritzea eta... [+]
Irailaren 27an epaituko dituzte 'Leioako 5ak', 2016an Leioako campusean izan zen ikasle mobilizazio baten harira. 45.000 euroko eta 40 urteko zigorrak eskatzen dituzte haientzat. Aste honetan ere mobilizazioak egingo dituzte, auzipetutako bost lagunen eskualdeetan nahiz... [+]