Kataluniak eta Hego Euskal Herriak botako lukete Felipe VI.a, Espainiako Estatuan erreferenduma eginez gero
Argitara eman dira estatuko hamasei hedabide independentek bultzatu duten monarkiaren inguruko inkestaren emaitzak. Balizko erreferendum batean errepublikaren alde bozkatuko luke estatuko herritarren %40,9ak, eta monarkiaren alde %34,9ak. Katalunian eta Hego Euskal Herrian soilik dago monarkiaren aurkako emaitza argia, %60tik gorakoa.
Urriaren 12an egin dute publiko Espainiako Estatuko hamasei hedabide independentek inkestaren emaitza. Lurralderik antimonarkikoenak alde handiz Hego Euskal Herria eta Katalunia direla erakusten dute emaitzek –Herrialde Katalanen datuak bestelakoak lirateke, dira, besteak beste Valentziako erkidegoan monarkiak irabaziko lukeelako–.
Ikusgai dagoen txostenean ez daude erkidego guztien datuak ezberdinduak, baina elsalto-k argitaratu duenaren arabera, Kataluniako herritarren %66a eta Hego Euskal Herriko biztanleen %60,8ak errepublikaren alde bozkatuko luke. Estatu mailan ere errepublikaren aldeko hautuak irabaziko luke, baina doi-doi, eta azken emaitza zalantzatiek erabakiko lukete: errepublikaren alde %40,9ak bozkatuko luke; monarkiaren alde %34,9ak; zalantzatiak %12,9 dira gaur egun. Katalan eta euskaldunik gabe, monarkiak irabaziko luke.
65 urtetik gorakoen arten soilik monarkia garaile
Beste datu interesgarririk ere ematen dute emaitzek. Esaterako, estatuan 65 urtetik goragoko herritarren artean soilik da nagusi monarkiaren aldeko jarrera. Monarkiaren aurkako bozka nagusi izango litzateke inkestaren arabera, baina herritarrek duten pertzepzioa kontrakoa da: hau da, monarkiaren aldekoek irabaziko luketela. Hori bai, gehiengo batek uste du erreferenduma beharrezkoa dela. Erreferendumaz gain, inkestan beste gai askoren inguruko galderak ere egin zaizkie herritarrei: zer errepublika mota hobesten den, errege etxeko pertsona bakoitzaren balorazio indibiduala –Sofia erregina emerituak du onarpen handiena 5,9ko puntuazio batekin–, edo Felipe VI.aren eta Juan Carlos I.aren erregetza aldiena.
Monarkiaren inguruko inkesta Espainiako Estatuko hamasei hedabide independente batzen dituen Plataforma de Medios Independientes elkarteak bultzatu du, ikusita Espainiako Ikerketa Soziologikoen Zentroak (CIS) bost urte daramatzala monarkiaz galdetu gabe. Inkesta egiteko dirua lortzeko kanpaina publikoa abiatu zuten, eta egun bakarrean lortu zuten beharrezko kantitatea. Inkesta 40dB iritzi institutuak egin du, CISaren lehendakari ohi Belén Barreirok zuzentzen duena.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.
Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.
Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]