Monarkia ala errepublika? Inkesta egin nahi dute Espainiako hedabide independente ugarik
Espainiako errege etxeari buruz herritarrak galdekatzeari behin eta berriz egin dio uko CIS Ikerketa Zentroak. Horregatik, hamasei hedabide elkartu dira, eginkizun hori helburu: jendeak monarkia ala errepublika nahiago duen galdetu nahi dute erkidegoz erkidego, gaiaz inoiz egin den inkestarik handienean.
Espainiako errege etxeak ustelkeria eskandalu bat bestearen atzetik bizi duen garaiotan, “ikerketa soziologiko zehatz, zientifiko eta objektiboa” jarri nahi dute martxan Hedabide Independenteen Plataformako kideek (Alternativas económicas, Carne Cruda, Catalunya Plural, Critic, CTXT, Cuartopoder, El Salto, La Marea, La Voz del Sur, Luzes, Mongolia, Norte, Nueva Tribuna, Pikara, Praza, Público).
Erreferenduma egin behar da?
Hala nola, herritarrei iritzia galdetu nahi diete errege etxearen, Felipe VI.aren eta Carlos I.aren inguruan, baita ustelkeria kasuez eta monarkia ala errepublikaren artean aukeratzeko erreferendum baten beharraz ere.
Marga Torre, Quique Hernández eta Antoni Moragas soziologo eta ikerlariek diseinatu dute inkesta eta halako zereginetan esperientzia duen enpresa bati eskainiko zaio lana. 3.000 elkarrizketa egin nahi dituzte (CISek erabili ohi duen kopurua), hainbat galdera monografikorekin.
Inkesta egin ahal izateko, diru-bilketa abiatu dute Interneten. Gutxienez 27.000 euro behar dituzte eta nahi den ekarpen ekonomikoa egin daiteke, 5 eurotik hasita.
Espainiako armadak antolatu zuen 1981eko otsailaren 23ko estatu kolpea, baina helburua omen zen Alfonso Armada jeneralak gidatuko zuen zibilez osatutako kontzentrazio gobernu bat eratzea, eta Juan Carlos I.ak baimendu egin zuen gobernu hori. Hori dio Carlos Fonseca kazetariak... [+]
Elektomaniak egin du galdeketa. Gipuzkoa da estatu guztian lehenengo postuan geratu dena, Bizkaia bigarrena eta Nafarroa eta Araba, berriz, laugarren eta bosgarren.
Espainiako monarkia iraintzeagatik se hilabete eta bi urte arteko espetxe zigorra aurreikusten du zigor kodeak. Lege hori bertan behera uzteko eskatu dute EH Bilduk eta ERCk.
Itzuli da Juan Carlos eta Galizia aukeratu behar izan du erakusteko berak jarraituko duela egiten borboiaren puntan jartzen zaiona. Diotenez, diskrezioa eskatua zion Espainiako Errege Etxeak, ez zaiolako show handirik komeni, monarkia krisi existentzial bat bizitzen ari baita... [+]
Goiko esferetan mugitzen diren gizaseme zoriontsu guztiak antzekoak dira, eta egin behar ez luketen zerbait egiten atzematen dituzten guztiak berriz, bakoitza bere modukoa. Boris Johnson eta Iñaki Urdangarin, BoJo eta Besoluze –horrela deitzen omen dio Juan Karlos... [+]