Mobilizazioak egingo dituzte Leioako 5en askatasuna eskatzeko
Auzipetutakoen eskualdeetan, Leioako campusean eta Bilboko epaitegien aurrean deitu dituzte protestak. Lehena larunbatean izango da, Altsasun. Irailaren 27an izango da epaiketa, eta orotara 45.000 euroko kalteordaina eta 40 urteko espetxe zigorrak eskatu ditu fiskaltzak auzipetuen aurka.
aurre egingo dieten hedabide independenteak
2016ko apirilean bost pertsona atxilotu zituen Ertzaintzak Leioako EHUren campusean, errepresioaren aurkako manifestazio batean. Irailaren 27an epaituko dituzte, zazpi urte beranduago. Orotara, 45.000 euroko kalte-ordaina eta 40 urteko espetxe-zigorra eskatzen du fiskaltzak haien aurka. Zehazki, bi ikasleren aurka hamazazpi urteko eskaera egin du, beste biren aurka bi urtekoa eta bosgarrenarentzat urte eta erdikoa. Desordena publikoa, atentatua, kalte materialak eta lesioak egin izana egozten diete.
Leioako 5ak Aske plataformak bideoan azaldu duenez, "modu arbitrarioan" atxiki zituzten, eta beste hamabost ikasle ere zauritu zituzten polizia-indarrek.
Manifestazio horretan salatu zuten EHUk errepresioarekin erantzuten ziola "ikasle mugimenduaren hazkundeari". Horrez gain, errektoretzari bost exijentzia helarazi zizkioten, "unibertsitate esparruan borrokarako baldintzak hobetzera bidean": San Mamesen, Leioan eta Gasteizen ekintza ezberdinen ondorioz inplikatuta zeuden ikasleen kontrako neurriak atzera bota eta egoerak konpontzea, EHUra Ertzaintza sar ez zedin behin-betiko neurriak hartzea, eta campusetan zeuden polizia indarrak kanporatzea.
Plataformak eta inputatuek mobilizazioetara batzeko deia luzatu dute: "Arazo kolektibo baten aurrean borrokatzeagatik atxilotu gintuzten. Modu berean, gure aurkako errepresio politikoari ere kolektiboki erantzun behar diogu, elkartasuna eta antolakuntza direlako gure indargunea".
Mobilizazioen egun eta orduak
Mobilizazioak iragarri dituzte Leioako 5en askatasuna eskatzeko. Auzipetutakoen eskualdeetan eta Leioako campusean egingo dituzte protestak; baita Bilboko epaitegien aurrean ere, irailaren 27an, epaiketaren egunean bertan.
Larunbat honetan izango da lehen mobilizazioa, Altsasun, 18:00etan. Datorren ostegunean, irailaren 21ean, Leioako EHUren campusean egingo dute 13:00etan, Ikasle Abertzaleak-ek deituta. Gainontzeko mobilizazioak irailaren 23an izango dira: Baionan 11:00etan, Lizarran 12:00etan, Altsasun 13:0etan, eta Iruñean eta Portugaleten 19:00etan. Epaiketaren egunean 9:00etan epaitegien aurrera bertaratzeko deia egin dute.
Iratzar eta Olaso Dorrea fundazioek antolatu duten erakusketa ibiltaria ezin izango da Zarauzko areto publikoetan ikusi. Udalak argudiatu du errelato "partziala" eta "ideologizatua" eskaintzen duela. EH Bilduren lokalean paratuko dute azkenean.
Duela mende erdi frankismo gotorrenak bere aurkako ahotsak isilarazi nahi izan zituen ETAko eta FRAPeko bost militante hiltzen. 1975a zen, eta irailak 27 zituen. Baina alderantzizkoa lortu zuen, eta zenbaitek nahi luketenaren kontrara, askatasunaren aldeko borrokalari gisa... [+]
Poliziak Palestine Action ekintzaileen taldea babestea leporatzen dio, Erresuma Batuko Gobernuak uztailean erakunde terrorista izendatu zuena. Bizpahiru orduz atxilo egon ondoren aske geratu da, baina epailearen aurrean deklaratu beharko du irailaren 18an.
Israel Gazan egiten ari den genozidioaren aurkako mezuak adierazteagatik mota askotako errepresioa jasan du Irlandako Kneecap musika taldeak: Liam Óg Ó hAnnaidh kidea asteazkenean epaitu zuten, Londresen emandako kontzertu batean Hezbollah miliziaren bandera... [+]
Bere konpromiso politikoagatik eta unibertsitatean zuen militantziagatik, eskuin muturreko taldeen hainbat eraso pairatu zituen 1987 eta 1988 urteetan. Hemezortzi urterekin pairatu zuen lehen erasoa, Bilboko Santutxu auzoan bizi zen eraikineko igogailuan; geroztik, hiru eraso... [+]
Ehunka lagun mobilizatu dira asteazken arratsaldean Gasteizko Alde Zaharreko kaleetan barrena, Korda espazioaren desalojoaren aurka. Manifestazio amaierako hitzartzean, goizeko desalojoan ertzainek buruan zauritu duten Kordako kidea jada etxean eta "ondo" dagoela... [+]
11:30ean burutu du Poliziak desalojoa, atea rotaflexarekin ireki eta barruan zeuden pertsonak aterarazi ondoren. Ertzaintzak pertsona bat zauritu du buruan eta furgoneta batean eraman du. Herritarren "babes itzela" eta Ertzaintzak erabilitako "biolentzia handia"... [+]
Salvador Puig Antich frankismoaren kontrako militantea izan zen. Askapen Mugimendu Iberikoko kidea, 1973ko irailaren 25ean atxilotu zuten. Gerra-kontseilua egin zioten, eta garrotez exekutatu zuten handik sei hilabetera, 1974ko martxoaren 2an. Aurtengo otsailean baliogabetu du... [+]
Dozenaka auzokidek babesa agertu diote proiektuari igandean. Alde Zaharreko lokala udalaren jabetza da, eta hiru urte dira hainbat eragilek elkarlanean okupatu zutela.
2023an Zaballako espetxean euskal presoen alde egindako martxarengatik ezarri zizkieten isunak. Helegiteen ezeztapenaren aurrean epaitegietara joko dutela adierazi du antolakundeak, eta Poliziaren inpunitatea salatu du.
49 urte eta gero Espainiako Poliziak Gasteizko Maria Sortzez Garbiaren katedralean eraildako bost langileak oroitu dituzte beste behin astelehen arratsaldean. Milaka pertsona batu dira Zaramagatik abiatutako eta katedralean amaitutako manifestazioan. Manifestari guztiek ez dute... [+]
Aiaraldeako Ideien Faktorian egindako hitzaldia da honakoa, Eztizen Artolaren Gurpilak liburua aitzakia hartuta. Bertan hitza hartu zuten eleberriaren egileak, Joxe Blanco euskal preso politiko ohiak, Ilazki Ussia motxiladun umeak eta Ainhoa Ayesta presoen aldeko elkartasun... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Asiak jarraitzen du izaten kazetari gehien atxilo dituen kontinentea: 2024an atxilotutako kazetarien %30 baino gehiagorekin. Txina, Israel eta Myanmar izan ziren berriemaile gehien espetxeratu zituzten estatuak iaz. Osotara, 200 kazetari baino gehiago hil eta ehunka zauritu eta... [+]
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]